مقارنه ضرورى جداا

[tenz]

انا معايا 125000 ومحتار
النترا 2012
كورولا2008 خليجى طبعاا
بس الانترا عامله 50000 كيلو بس
لكن الكورولا 110000 كيلو
والاتنين فبريكا بالكامل
او لانسر بومه 2012 او 2013 فبريكه وكيلوهات قليله طبعاا

[mohamed-ahlawy]

لانسر بومة 2012
سوبر سبورت ماشبة 20الف كيلو ب 125 الف
دور علي حاجة زي كدة هتبقي تحفة
انا دية شفتها في معرض جنبي من اسبوع كدة شكلها نحفة
فخليك في حاجة زي كدة دور عليها علي النت او في الوسيط مثلن او في سوق السيارات

[M.Gomaa]

خليك فى الزيرو و إبعد عن المستعمل حتى ولو كسر زيرو, إلا لو فى عربية بتاعت حد من أقاربك أو أصحابك و إنت شايفها قدام عنيك معظم الوقت و كانت عربيته من الزيرو فى الحالة دى ممكن تشترى مستعمل بخلاف كده إبعد عن الشر و غنيله خصوصا المبلغ اللى هتدفعه مش قليل.

[msobhy]

انا معايا 125000 ومحتار
النترا 2012
كورولا2008 خليجى طبعاا
بس الانترا عامله 50000 كيلو بس
لكن الكورولا 110000 كيلو
والاتنين فبريكا بالكامل
او لانسر بومه 2012 او 2013 فبريكه وكيلوهات قليله طبعاا

تعالى نحلل كلامك بالراحه لأنى عايش فى نفس مأساتك
النترا 2012 مرفوضه تماما !!!!! طيب ليه
النترا MD انتاج ما قبل شهر 7 سنة 2013 كانت من غير ايموبليزر - يعنى اى عيل بسلكتين هايدور العربيه فى اقل من 20 ثانيه دور على اليوتيوب وهاتشوف المهزله بعينك - يبقى لو هانجيب النترا يبقى لازم تكون بإيموبليزر وانتاج ما بعد 2013

كرولا 2008 خليجى على راسى من فوق - لكن عربيه عدى على انتاجها 8 سنين وكمان كاسره ال 100.000 كيلو - انت اكيد بتهزر
الكلام ده فى عربيه المانى يبقى مقبول لكن فى كورى او يابانى لأ
انا عندى قناعه ان العربيه الكورى اخرها 150.000 كيلو ومشاكلها بتبدأ تظهر من اول 120.000 كيلو (الكلام على النترا و سيراتو طبعا)
العربيه اليابانى اخرها 180.000 كيلو ومشاكلها تبدأ تظهر من أول 150.000 كيلو (الكلام على كل اليابانى المحترم ما عدا البومه تعامل معاملة الكورى او اقل شويه)

لانسر بومه - لو حضرتك بتدور على عربيه اعتماديه - صيانتها رخيصه - اعادة بيع ممتازه - تصميم قديم فحت - صوت موتور عالى - تسارع زى الزفت -سرعه قصوى 170 بالعافيه ولو انى مش من هواة الجرى - استهلاك بنزين عالى يبقى عليك وعلى البومه

طيب بعد الرغى ده
حضرتك لازم تنسى موضوع العربيه تماما وتدور الاول على احتياجاتك
انا هديك مثال عن نفسى
انا لما بشترى عربيه لازم ميكونش عدى عليها 3 سنين - كيلو متر اقل من 100.000 ولو موديل السنه تبقى اقل من 20.000 كيلو
انا بشترى من حد اعرفه وبسبب ده انا باخد وقت طوووووووووويل فى الشراء وبخسر فى بيع عربيتى علشان اخلص
اهم حاجه عندى فى العربيه هو انها تكون ناعمه - عزل ممتاز - تكييف ممتاز - صوت موتور هادى - استهلاك بنزين كويس - اعادة بيع سهله - تسارع كويس - ومش فارق معايا الثبات اوى ولا فارق معايا السرعه القصوى
دلوقتى زاد على احتياجاتى عوامل الامان ABS - Airbag

بالنسبه ليه العربيات المناسبه النترا - سيراتو (جنط 15 أو 16) - لانسر شارك - كرولا - اوكتافيا

عن تجارب كتيييييييييييير - من فضلك اشترى بهدوء وبراحتك خااااااااااااالص

كان فيه واحد زميلنا هنا عارض النترا HD موديل 2011 هاى لاين وفيها ايموبليزر و ABS وعامله 28.000 كيلو وكان بيتكلم فى 120.000 - لو مش فارق معاك الموديل القديم بص عليها ولو ان الموضوع ده كان من 3 أو 4 شهور تقريبا

[tenz]

شكراا استا\ مروان على الشرح والرد الوافى بس معنى كلامك ان انا لازم ازود المبلغ شويه عشان كده مفيش حاجه حلوة بالسعر ده ولا راى حضرتك ايه ممكن ترشحلى عربيه بموديل سنه كم بالظبط تكون قريبه من السعر ده او اعلى حاجه بسيطه؟

[msobhy]

شكراا استا\ مروان على الشرح والرد الوافى بس معنى كلامك ان انا لازم ازود المبلغ شويه عشان كده مفيش حاجه حلوة بالسعر ده ولا راى حضرتك ايه ممكن ترشحلى عربيه بموديل سنه كم بالظبط تكون قريبه من السعر ده او اعلى حاجه بسيطه؟

باشا انا معنديش الخبره اللى تخلينى اقولك تجيب ايه على طول
تعالى نمشيها خطوه خطوه
هاسألك شوية اسئله علشان نسهل الموضوع شويه
عايز عربيه عائليه ولا شخصيه وشبابيه
عايز عربيه اعادة البيع بتاعها كويس ولا مش فارق معاك النقطه ديه
عايز عربيه قطع غيارها رخيصه ولا مش فارق معاك النقطه ديه
صوت الموتور بيفرق معاك ولا لأ
سحب العربيه بيفرق معاك ولا مش فارقه
عايز عربيه تعمل صيانتها بره التوكيل ولا انت مش فارق معاك مصاريف صيانات التوكيل
انت اغلب مشاورك جوه البلد ولا سفر
هل انت مهتم بعوامل الامان ولا مش فارقه

يا ريت تقول لنا برضو عربياتك القديمه كانت ايه

[tenz]

اولا شكرا على الاستجابه
بالنسبه للعربيه افضل شخصيه وشبابيه يعنى ليا ومراتى وابنى عنده شهر عقبال عندك بس مبحبش العربيات العاليه خالص
اعاده البيع عندى استعداد اخسر بس مش كتير وانا مش هبيع قبل من 4 الى 5 سنين
مش فارق معايا سعر قطع الغيار اد توافرها لازم تكون متوفره
صوت الموتور عادى اصل بحب الجرى اصلاا بس لحد 140 بس مبزودش خالص عمرى معديتها
السحب بيفرق طبعا انا عندى 26 سنه لسه صغيرهههههههههه
مش هروح توكيل الا لو مشكله كبيره لكن تيل زيت سيور فلاتر كله بره
مشاويرى انا صلا شغلى فى الجيش فبزل فى الشهر من 12 الى13 يوم وبقيته العربيه مركونه جنبى فى الشغل بس بسافر كل اجازة مرتين مرة والباقى جوه البلد
لا اتنازل عن abs و2 airbag
كان معايا لانوس سنه ونصف بتعلم عليها وبعتها وجبت لانسر 2008 سوبر اكشن سنتين بس وصلت ل 120000 كيلو فبعتها مبحبش الشغل فى العربيات اوى شكراا

[msobhy]

طيب انا برجح لك دلوقتى 3 عربيات
وهارجحهم بترتيبين
الترتيب الاول الفلوس
الترتيب التانى اللى انا بحبه

اولا الفلوس
لانسر شارك موديل 2013 - 2015
النترا 2013 - 2014 (لازم تكون هاى لاين علشان عوامل الامان)
سيراتو 2014

اما المحبب لنفسى وده اللى بفكر فيه وبغض النظر عن الفلوس
سيراتو 2016
النترا 2015 (علشان تعديل مكان التكييف فى التابلوه)
لانسر شارك (علشان رخيصه)

انا معرفش انت امكانياتك ايه بس تقريبا انا وانت مشين بنفس التسلسل
انا كان معايا 128 لمدة سنتين وبعدها 6 أو 7 سنين لانوس - ودلوقتى معايا النترا من سنة 2012
اللى نفسى فيه بالترتيب
تيوتا كرولا 2016
اوكتافيا (وان كان يعيبها التسارع)
سيراتو 2016
النترا 2016 (وان كنت مش مقتنع بيها اوى)
لانسر شارك (وده بسبب انها رخيصه وفى نفس الوقت احسن بكتييييييييير من البومه من وجهة نظرى)

[mohamed-ahlawy]

معلش انا بس عايز اقول حاجة
1.تسارع البومة ال1600 ممتاز يمكن أكثر من ممتاز
2.استهلاك البنزين للبومة ممتاز
3.البومة من احسن السيارات الياباني في مصر
4.البومة ابن عمي معاة بومة 2004 ماشية 150 الف كيلو و لحد دلوقتي ممتازة
و انا معايا كريستالة ماشية 140 الف كيلو متسمعهلاش صوت خالص و لحد دلوقتي محطتش فيها مسمار