اول عربية هتكون فيرنا

[mohebeadel]

يا جماعة انا اول عربية لى هتكون فيرنا
انا اتعلمت على 128 و عرفت الميكانيكى بتاعه
بس قدامى عربية واحد صاحبى فيرنا حالة كويسة بسعر كويس
بس مش عارف هقدر عليه و لا من الناحية المصاريف و كدا هى بتحتاج ايه ؟
يعنى مثلة 128 بتحتاج كل يوم تملى ردياتير مياه كل يوم و تشوف الماتور محتاج زيت و لا و البطارية لو مش جافة و قطع غياره بتستهلك بسرعة علشان رخيصة و مضروب
ايه المصاريف الاساسية اللى فى الفيرنا اليومية و الشهرية و السنوية ؟ و شكرا

[ahmedsrs]

توكل على الله الكورى اكثر اعتمادية من ال128

[mazen56]

الفيرنا غير 128 نهائيا
يعني المياة مش بتنقص زي ال 128 بس مافيش مانع من التشيك عليها كل يوم والزيت كمان
الفيرنا قطع غيارها منتشرة وبسعر رخيص على سبيل المثال طقم تيل 75 ج . فانوس خلفي وفانوس أمامي 100 ج . أكصدام 120 ج . طقم سلك بوجيهات 65 ج .
أهم شئ في السيارات عموما هي المحافظة .

[AlphaCharlie]

حقول لحضرتك مفاجأة..
قطع الغيار الاستيراد معظمها من حيث البودي ارخص لصالح الفيرنا.
واطمن. معدل الاعطال اقل بكثير وبنسبة هائلة من 128.
واذا ربنا كرمك بعربية حالتها جيدة فان شاء الله لن تحتاج لفتح الكبوت الا مع غيار الزيت كل 10.000 كيلو

[hesham fawzy h]

هتحس انك راكب bm هههههههههههه

[Dr. Assem]

انا سبقتك و اخترت الفيرنا من سنين. بداية كويسة و اقتصادية جدا. بس خد بالك لان مافهاش عوامل امان.و اوعى يارك سحبها لانها شقية و جراية بس مش بتتلم بعد كده

[mohebeadel]

شكرا جدا ليكم بجد انا كنت قلقان من ناحية المصاريف بس الحقيقة انا كدا اطمنت

[amr011111]

توكل على الله
كفايه البارومه وعيوب الشاسيه والركب والسخونه

[AlphaCharlie]

شكرا جدا ليكم بجد انا كنت قلقان من ناحية المصاريف بس الحقيقة انا كدا اطمنت

توكل علي الله بس خلي بالك
العربية دي عاملة زي الموتوسيكل في سرعتها
وللاسف لا فيها فرامل عدلة ولا اتزان.
فخليك هادي بيها وميغركش حريها.