سرقة لوجو هيونداي من علي شنطة عربيتي

[zakiali]

ويوم بعد يوم بيزداد كرهي للبلد دي وأنا راكن في منطقة الوراق الملعونه - بحكم شغلي هناك - كنت نازل مستعجل ومغطتش العربية لما نزلت لقيت واحد ربنا ياخده سرق علامه الهيونداي من علي شنطه العربيه في عز الظهر وكاحتها بأله حاده علمت في الشنطه يعني ده معناه ان الناس ولا هاممها أي حد ممكن يعمل اي حاجه في اي حد ولا حد يقوله بتعمل ايه ولا عيب كده .. أنا دمي اتحرق .. عموما انا دورت عليها لفيت كتير في محلات قطع غيار هيونداي وبتوع الاكسسوارات عشان الاقي العلامه الأصليه الكوري المستورده المهم لقيتها اخيرا في التوفيقيه في محل اسمه البنا وده قدام هشام لهيطه اللي في شارع زكي . ونصيحه مني لازم تركن العربيه في جراش سواء جمب البيت او جمب الشغل ولازم تغطي العربيه ولازم تحرص دايما ان الغطا يكون وسخ جدا ومرشوش بنمره العربيه عشان محدش يقعد عليها ويطبقها وميكنش ملفت للنظر . ويارب يطلعنا من البلد دي علي خير .











.

[Nour_Peugeot]

يا راجل دي بلد حسبي الله و نعم الوكيل الناس لو تقدر تاكل بعضها هتاكل

بجد ربنا يستر و ميجيش الوقت الاقي فيه العربيه بدون جنوط و كاوتش

ربنا يعوض عليك

[M.Elsheikh]

ربنا يعوض عليك

[zakiali]

ربنا يعوض عليك

عموما هي مش بفلوس بس اللي غاظني انها شوهت منظر العربيه وكمان العذاب واللف والدوران وانا اصلا معنديش وقت عشان الاقيها كل ده عشان واحد حاقد حيوان ولا يسوي .
















.

[bassem.naguib]

يا راجل دي بلد حسبي الله و نعم الوكيل الناس لو تقدر تاكل بعضها هتاكل

بجد ربنا يستر و ميجيش الوقت الاقي فيه العربيه بدون جنوط و كاوتش

ربنا يعوض عليك

أنت بتقول فيها ..حصلت معايا .. كان والدي بيعمل عملية في مستشفى في مصر الجديدة .. المهم قعدت حوالي نص ساعة ساعة إلا ربع بالكتير .. وافتكرت أني نسيت تحاليل وعاوزينها بسرعة .. المهم نزلت جري وركبت العربية .. أجارك الله أكنك ماشي على قضبان سكة حديد .. أنا قلت فيه حاجة في العفشة .. وقلت مش وقته أجيب الحاجة الأول وبعد كده أبقى اشوف فيه ايه .. وأنا ماشي في صلاح سالم وحدة واحدة .. وطالع كوبري الفردوس لاقيت واحد بعربية جنبي عمال يكلكس وأنوار وجاي جنبي وقالي اقف بسرعة العجلة حتطير وبتلق جامد علشان مش مربوطة .. المهم نزلت الكوبري وركنت على جنب لاقيت فعلاً العجلة مربوطة على مسمارين بس من الأربعة وكمان مفكوكين على الأخر وشبة حيخروجوا من مكانهم .

تخيل بقى الموقف لو العجلة طارت وأنا نازل من على الكوبري (حتى لو ماشي بسرعة قليلة) تخيل كم الحوادث اللي كانت حتحصل والعربيات اللي حتخبط في بعضها .. بغض النظر على اللي كان حيحصل ليا .. وحسبي الله ونعم الوكيل .

[zakiali]

أنت بتقول فيها ..حصلت معايا .. كان والدي بيعمل عملية في مستشفى في مصر الجديدة .. المهم قعدت حوالي نص ساعة ساعة إلا ربع بالكتير .. وافتكرت أني نسيت تحاليل وعاوزينها بسرعة .. المهم نزلت جري وركبت العربية .. أجارك الله أكنك ماشي على قضبان سكة حديد .. أنا قلت فيه حاجة في العفشة .. وقلت مش وقته أجيب الحاجة الأول وبعد كده أبقى اشوف فيه ايه .. وأنا ماشي في صلاح سالم وحدة واحدة .. وطالع كوبري الفردوس لاقيت واحد بعربية جنبي عمال يكلكس وأنوار وجاي جنبي وقالي اقف بسرعة العجلة حتطير وبتلق جامد علشان مش مربوطة .. المهم نزلت الكوبري وركنت على جنب لاقيت فعلاً العجلة مربوطة على مسمارين بس من الأربعة وكمان مفكوكين على الأخر وشبة حيخروجوا من مكانهم .

تخيل بقى الموقف لو العجلة طارت وأنا نازل من على الكوبري (حتى لو ماشي بسرعة قليلة) تخيل كم الحوادث اللي كانت حتحصل والعربيات اللي حتخبط في بعضها .. بغض النظر على اللي كان حيحصل ليا .. وحسبي الله ونعم الوكيل .

خدي دي بأه من عندي .. حصلت لضابط في الجيش كان راكن بره فوج مقر الدفاع الجوي جمب السور بالضبط في شارع خضر التوني طلع في عز الظهر لقي العربيه علي الطمبوره . فاكين الأربع فرد !!! مكنتش مصدق الا لما شفت بنفسي ايام ماكنت في نفس الفوج في الجيش !! الراجل كان هيتجن بقي يكلم نفسه وعمال يسب ويلعن في البلد واللي فيها وفي الجيش وفي ..... !!











.

[DrWaEl]

تحيا مصر ياعم

عظيمه يامصر يارض النعم يامهد الحضارة يامش عارف ايه الكرم

[mzaki]

انا كمان حصلى نفس الموضوع دا, نزلت من البيت النهاردة لقيت حد ربنا يسامحه سارق لوجو هيونداى و كلمة هيونداى و غبور اوتو من على الشنطة , مش هحكيلكوا على الخربشة و التجريح .. حسبى الله و نعم الوكيل

المهم كلمت التوكيل و سألت عليهم قالولى موجودين و الواحدة ب 50 جنية , ان شاء الله هدور عليهم فى الحرفيين النهاردة و أشوف اسعارهم

[zakiali]

انا كمان حصلى نفس الموضوع دا, نزلت من البيت النهاردة لقيت حد ربنا يسامحه سارق لوجو هيونداى و كلمة هيونداى و غبور اوتو من على الشنطة , مش هحكيلكوا على الخربشة و التجريح .. حسبى الله و نعم الوكيل

المهم كلمت التوكيل و سألت عليهم قالولى موجودين و الواحدة ب 50 جنية , ان شاء الله هدور عليهم فى الحرفيين النهاردة و أشوف اسعارهم

روح لمحل اسمه البنا في شارع زكي في التوفيقيه الأصليه بـ 20 جند . ربنا ينتقم من الناس دي .







.

[Mohamed_Ibiza]

يبقى انت اكيد اكيد في مصر

[hano_elmorsy]

مصر بلد التكاتك الله يخرب بيته اللى دخلها البلد
عماله تخبط وتحك وتزق وكمان بيسرقو العلامات

[nasr-eldeen]

مصر بلد التكاتك الله يخرب بيته اللى دخلها البلد
عماله تخبط وتحك وتزق وكمان بيسرقو العلامات

اللي دخلها البلد غبور أوتو .


وبعدين يإخونا عملين تشتموا في البلد وكأن مفيش حد بيسرق في العالم غير في البلد اللي مش عجباكم دي حرام بئه خرجتم الواحد عن شعوره كل ما واحد الباب يقفل على صباعه يشتم في البلد كل ما واحد إشارة المرور تطول عليه شوية يشتم في البلد كل ما واحد يزعل مع أخوه يشتم في البلد لدرجة إني شاهدت خناقة بين شخصين عملوا حادث مع بعض راحوا شاتمين رئيس البلد هو مالوا والبلد مالها والله أحسن بلد هي مصر وأنا سافرت بره مصر مش عمل وكنت بعد الأيام علشان أرجع وأشم هواها واتنفس بجد رغم كل الظروف المحيطة والكبوات التي تمر بها إلا أني بعشق بلدي والكثيييير من أهل بلدي .

[NaviGator_13]

وبعدين يإخونا عملين تشتموا في البلد وكأن مفيش حد بيسرق في العالم غير في البلد اللي مش عجباكم دي حرام بئه خرجتم الواحد عن شعوره كل ما واحد الباب يقفل على صباعه يشتم في البلد كل ما واحد إشارة المرور تطول عليه شوية يشتم في البلد كل ما واحد يزعل مع أخوه يشتم في البلد لدرجة إني شاهدت خناقة بين شخصين عملوا حادث مع بعض راحوا شاتمين رئيس البلد هو مالوا والبلد مالها والله أحسن بلد هي مصر وأنا سافرت بره مصر مش عمل وكنت بعد الأيام علشان أرجع وأشم هواها واتنفس بجد رغم كل الظروف المحيطة والكبوات التي تمر بها إلا أني بعشق بلدي والكثيييير من أهل بلدي .

عندك حق فعلا يا استاذ نصر الناس اللى بتشتم البلد دى لو جربت تسافر اسبوع بره هتحس بقيمة انك تبقى وسط بلدك وأهلك

[aliking]

انا مره نزلت لقيت واحد شايلى حته من كلمة ماتريكس كان بيحاول يخلعها مخلعتش معاه فاتكسر احرها غير الخربشه الى حواليها دى ناس اعوذ بالله

[zakiali]

انا مره نزلت لقيت واحد شايلى حته من كلمة ماتريكس كان بيحاول يخلعها مخلعتش معاه فاتكسر احرها غير الخربشه الى حواليها دى ناس اعوذ بالله

سواقين التوكتوك همه اللي بيعملوا كده كل شويه ألاقي توكتوك حاطط جميع أنواع ماركات العربيات علي ظهر التوكتوك . الناس دي لازم تتربي .












.