مشكله تغيرر كراسى ماتور الفيرنا

[atamim]

السلام عليكم ورحمه الله و بركاته

غيرت كراسى الماتور و الجير عند ميكانيكى شكله نصف خبرة كان بيستعين بناس تانيه و هو بيغيرها

و انا مهتمتش لانها كام مسمار بيتفكوا و يتركبوا تانى القطعتين الى اتغيروا كورى بس شكلهم استثمارى

بس حاسس بحاجةغريبه فى العربيه

الماتور الار بى ام بتاعه وطى معرفش ليه يعنى فوق شرطه الصفر بحاجة بسيطه و فية هزة فى العربيه لو مدوستش بنزين

كل شغله بمفاتيح المسامير من تحت ممدش ايدة جوة الكبوت نهائى

كان فية نحرة خفيفة على الجير الرابع على سرعه 80 راحت بعد التصليح يعنى مفروض العربيه اتصلحت
فليه حاسس ان ادائها مش هو و ليه الماتور بقى واطى فجاة ؟

[shake]

متابع

[Abo_Mazen]

هي حكاية هزة العربية اللي لو ما دوستش بنزين دي ..هي اللي عليها الكلام

بس عموما ..قواعد المكنه إن ما أتجابتش أصلي بتعمل مشاكل حتى وهي لسه راكبه حالا ..

معلش ..حاول تجيب حاجه أصلي وتروح لميكانيكي عمل الشغل ده قبل كده ..

أصل أنا بصراحه مش قادر أحكم ..في حاجه غلط في شغل الميكانيكي ولا القواعد مش أصليه ؟؟؟

[alpoka779]

يا باشا بمنتهي البساطه ما دام الار بي ام واطي اوي كده يبقي الموتور لازم يبقي ضعيف زي ميكون الموتور هيبطل --الحل اعمل ايدل ليرن الاول لو مظبطش روح لميانيكي خليه يعلي الار بي ام شويه-- ولو انت تعرف تعملها لوحدك هتلاقي مسمار صغير تحت بكره الاكسراتير اربط يمين بس بالملي سنه سنه -- طبعا والعربيه دايره عشان تقدر تركز مع صوت المكنه