ايه علاقة الهيونداي عندنا في مصر بالأهلي؟؟!!

[amr22_00]

مش ملاحظين يا جماعه ان العربيات الهيونداي اصبحت منتشره قوي في مصر و بقت الشركة رقم واحد تقريبا في مصر
وكل الشركات اللي حوليها بتاول تزحف عشان تحصل مبيعاتها
يعني برضه زي الأهلي النادي رقم واحد في مصر و كله بيزحف خلفه
يا ترى بقى الهيونداويه معظمهم أهلويه؟شيء متوقع؟؟
ولا ايه؟؟
وايه بقى العربيه اللي ممكن تكون بتمثل الزملكاويه؟(طبعا هينقوا براحتهم بقى)

[shanodaa]

انا معايا دايو واهلاوي متعصب بس بحب السيارات الهينداي

[Nader]

ربط غريب شوية!

انا عربيتي الهيونداي لونها أحمر...

[Ahmed Anwer]

عادي ،،،

هيونداي ................. الإختيار المتزن

و الأهلي ................. برده الإختيار المتزن ،، :wacko:

انا عندي هيونداي و بشجع الأهلي ،،

بس مفيش علاقة يعني بين الحديد و الانتماء

اكيد هغير العربية ان شاء الله و مش هارتبط بماركة اكيد

بس عمري ما هاغير الأهلي ........... :wacko:

[Lion_Heart]

مصر كلها اهلاوية و برضة كلها هيونداى .

[mokhtar]

سيارات ناجحه ومبيعاتها فى ازدياد ونادى ناجح وشارخ فى البطولات يبقى من الطبيعى ان دعايه وتسويق هيونداى تتركز على لاعبى الاهلى الاكثر شهره وجماهيريه يعنى مش منطقى ان الدعايه تبقى دلوقتى مع لاعبى الزمالك فى حالتهم المنيله بستين نيله لو مثلا جمال حمزه ولا ابو العلا طلع يعلن عن الفيرنا ...مش بعيد مبيعاتها تنزل وعلى فكره انا زملكاوى ...




..mokhtar..

[Nile_Storm]

بس لو التشبيه ده صحيح
هيبقي تلت اربع المنتدي زملكاويه :)
لا دول اسمعالاويه كمان
هههههههههههههههههههه