مشكلة قطمة دريكسيون النترا 2010

[msobhy]

طبعا الموضوع قتل بحثا وكلنا وصلنا للنتيجه النهائيه بتاعتنا
زميل فاضل لينا جاب الجلبه بتاعت القطمه ديه وللأسف انها خلصت عنده :(
الدريكسيون عندى تقريبا انهار - وانا مزنوق جدا فى الجلبه ديه
اللى وصلت له كالتالى
القطعه رقمها 563152H000FFF
والبديل بتاعها فى كيا 563152K000FFF

القطعه بتتباع فى التوكيل عادى وعملت اوردر بيها من حوالى 10 ايام والتهارده قالوا لى انها هاتوصل كمان شهر
توكيل كيا بيبعها ب 12 جنيه ومش موجوده ولو طلبتها هاتيجى فى خلال شهرين

انا رافض تماما انى اركب جلبه مخروطه هنا فى مصر لأن ده شغل عك
حد يعرف اجيب الجلبه ديه منين أصليه

ده موقع بيبيع الجلبه لكن كالمعتاد مشكلة الوقت والشحن لمصر المحروسه
FLEXIBLE COUPLING | Genuine Hyundai | 56315-2H000-FFF

اى حل لوجه الله

[crazy car]

خليك مع التوكيل لانها هتقعد في جميع الاحوال لو انت جبتها من 15 ل 20 يوم فمفرقتشى كتير عن شهر


بس الغريبة لما عملت بحث ل flexible coupling للاكسنت ار بى مطلعش اى نتيجة هيا الار بى ملهاش جلبة زى الالنترا

[msobhy]

سؤال ويا ريت حد يرد بعد اذنكم
دلوقتى الدركسيون عندى فيه بوش على خفيف
بالإضافة انى لما باخد مطب بحس بيه جدا فى الدركسيون واوقات بسمع طقه جامده
هل ده كده جلبه ولا حاجه تانيه

[msobhy]

سؤال ويا ريت حد يرد بعد اذنكم
دلوقتى الدركسيون عندى فيه بوش على خفيف
بالإضافة انى لما باخد مطب بحس بيه جدا فى الدركسيون واوقات بسمع طقه جامده
هل ده كده جلبه ولا حاجه تانيه

الف شكر على الردود يا رجاله

[HamadaMOMO]

انا عامل اوردر للجلبه وحتوصل يوم ٩/١٥ الي ٩/٢٠
من هيونداي كويا مش موبيز
سعرها ١٢٥ جنيه
للي عاوز ياكد في كومت

[HamadaMOMO]

دي التعديل الاخير للجلبه

للالنترا hd و md

[msobhy]

شكرا لذوق حضرتك
انا اشترتها من غبور ب 10 جنيه

[فتح الباب]

صحيح الشغل المحلى عك انا معاك لكن حضرتك عندنا فى السبتيه خامات مستورده رائعه فى قوة التحمل يعنى انا ارجح لحضرتك انك تنزل تجيب خامه امريكى وتوديها لخراط ده رايى ٠٠٠ وعلى فكره الجلبه الجديده مش هتكون محكمه اوى رغم مقياسها المظبوط ومش هتحس بفرق كبير فى التحسن ليه لان عند حضرتك الثابت اللى هتركب عليه الجلبه الاصلى تم استهلاكه وتاكله نتيجة الجلبه القديمه امال انت فاكر الجلبه القديمه هتبوظ لوحدها لا دى هتاكل فى العامود كمان رغم انه معدن مش فبر فبالتالى انت محتاج تاخد مقياس العامود وتعمل عليه وده الافضل بشرط اساسى انك تجيب تفلون امريكى وهو نوع من الفبر الناشف المتين والطرى فى نفس الوقت وصدقنى لو جبت الجلبه الاصليه وجربتها باديك على العامود هتلاقيها خفيفه بعض الشء ٠٠٠٠٠ اذا انا فاهم غلط حد يصححلى وده مش عيب ٠٠٠ وربنا يوفقك للاصلح يارب

[msobhy]

صحيح الشغل المحلى عك انا معاك لكن حضرتك عندنا فى السبتيه خامات مستورده رائعه فى قوة التحمل يعنى انا ارجح لحضرتك انك تنزل تجيب خامه امريكى وتوديها لخراط ده رايى ٠٠٠ وعلى فكره الجلبه الجديده مش هتكون محكمه اوى رغم مقياسها المظبوط ومش هتحس بفرق كبير فى التحسن ليه لان عند حضرتك الثابت اللى هتركب عليه الجلبه الاصلى تم استهلاكه وتاكله نتيجة الجلبه القديمه امال انت فاكر الجلبه القديمه هتبوظ لوحدها لا دى هتاكل فى العامود كمان رغم انه معدن مش فبر فبالتالى انت محتاج تاخد مقياس العامود وتعمل عليه وده الافضل بشرط اساسى انك تجيب تفلون امريكى وهو نوع من الفبر الناشف المتين والطرى فى نفس الوقت وصدقنى لو جبت الجلبه الاصليه وجربتها باديك على العامود هتلاقيها خفيفه بعض الشء ٠٠٠٠٠ اذا انا فاهم غلط حد يصححلى وده مش عيب ٠٠٠ وربنا يوفقك للاصلح يارب

يا باشا كلام حضرتك صح بنسبة 100%
بس فيه حل بديل
انا مش عايز اقول ان فيه حد بيستغل موقف - او بيستغل جهل الأعضاء لكن انا بحكى موقف عام
بمنتهى البساطه الجلبه ثمنها 10 جنيه فى التوكيل
نفس الجلبه بتتباع فى كيا ب 12 جنيه
تركيب الجلبه بيتركب فى 20 دقيقه بالظبط بتكلفه 50 جنيه (انا عملتها بأكتر من كده لأسباب تانيه)
ظبط زوايا أمامى بيتكلف 30-40 جنيه بالظبط
يعنى الموضوع كله تكلفته 100 جنيه
انا باسمع أرقام غريبه فى الحوار ده
المهم انى عملت عربيتى والدنيا اتظبطت تماما
الاخوه اللى عايزين جلب من ديه انا عامل اوردر ل 10 جلب - والواحده هاتوقف عليه ب 58 جنيه وده لأنى مكنتش فاهم
واتفقت مع واحد فى غبور انه هايجيبلى كميه والواحده هاتبىقى ب 35 جنيه
وان شاء الله اوعدكم انى قريب هاوفرها لحضرتكم فى حدود 12 جنيه

طبعا العربيه اختلفت تماما بعد تركيبها واتحكمت بنسبة 99% - بدون مبالغه نفس احساس العربيه وهيه زيرو رجع تانى

وبسبب ان التكلفه بسيطه والحل الصح موجود انا مش شايف ان ليها معنى انى اروح اخرط واعمل كل الكلام ده - بالاضافه ان كل سن من الجلبه ديه ليها زى بنز عليها - واعتقد ان اى خراط شبه مستحيل انه يعملها - لازم تتصب

أسألكم الدعاء لوالدتى بالشفاء

[HamadaMOMO]

ياباشا ولا استغلال ولا حاجه ولا جهل اعضاء كله متعلم وفاهم ومحدش في الزمن ده بيضحك عليه
اولا : والله ما موجوده في التوكيل علشان دورت عليها في كل الفروع والمراكز المعتمده
يمكن حضرتك تعرف حد جامد جبهالك وسط الاوردارات بتعتهم.
ثانيا :دي سعرها بره ١٤.٨٦ يورو ومرفق صوره للحجز من الموقع وانا بتجيلي من هناك بدون مصروفات شحن علشان عندي اخويا بيجبها وهو جي
ثالثا : الموقع اللي حضرتك حاطه مش متوفره عندهم من شهرين فاتوا
يمكن في حد بيستغل لكن الحمد لله انا عن نفسي مش عاوز منها حاجه
انا استفدت كتير من نايل موتورز فحبيت اشارك واحل مشكله
لكن لو انت تعرف توفر الجلبه الجديده المختوم فيها 4p بالسعر ده ليك كل التحيه

[crazy car]

ياباشا ولا استغلال ولا حاجه ولا جهل اعضاء كله متعلم وفاهم ومحدش في الزمن ده بيضحك عليه
اولا : والله ما موجوده في التوكيل علشان دورت عليها في كل الفروع والمراكز المعتمده
يمكن حضرتك تعرف حد جامد جبهالك وسط الاوردارات بتعتهم.
ثانيا :دي سعرها بره ١٤.٨٦ يورو ومرفق صوره للحجز من الموقع وانا بتجيلي من هناك بدون مصروفات شحن علشان عندي اخويا بيجبها وهو جي
ثالثا : الموقع اللي حضرتك حاطه مش متوفره عندهم من شهرين فاتوا
يمكن في حد بيستغل لكن الحمد لله انا عن نفسي مش عاوز منها حاجه
انا استفدت كتير من نايل موتورز فحبيت اشارك واحل مشكله
لكن لو انت تعرف توفر الجلبه الجديده المختوم فيها 4p بالسعر ده ليك كل التحيه

يعنى ايه 4p
وهل الجلبة دى موجود منها للار بى ويا ريت اللنك

[HamadaMOMO]

معرفش للار بي والله و 4p دا التعديل الاخير للجلبه بخامات حديثه زي ما بتقول هيونداي كوريا حتي بسريال مختلف عن القديم
وبيجي مطبوخ في الجلبه بارز

[msobhy]

انا مش عارف ايه حكاية ال 4p مفيش حد متكلم عنها
وانا بجد مستغرب على السعر الفلكى اللى حضرتك بتشترى بيه
انا لاقتها فى اكتر من مكان وكان سعرها يتراوح ما بين 0.75 $ الى 1.50 دولار
انا صورتها مليون صوره طبعا قبل ما اركبها والحمد لله انى لاقيت واحده ظاهر فيها ال 4p
غلطتى انى نسيت تماما انى ارفع مقاساتها
شكرا لذوق حضرتك فى الحوار وباعتذر لحضرتك مره تانيه لو فيه حاجه فى كلامى ضايقتك

[HamadaMOMO]

انا مش عارف ايه حكاية ال 4p مفيش حد متكلم عنها
وانا بجد مستغرب على السعر الفلكى اللى حضرتك بتشترى بيه
انا لاقتها فى اكتر من مكان وكان سعرها يتراوح ما بين 0.75 $ الى 1.50 دولار
انا صورتها مليون صوره طبعا قبل ما اركبها والحمد لله انى لاقيت واحده ظاهر فيها ال 4p
غلطتى انى نسيت تماما انى ارفع مقاساتها
شكرا لذوق حضرتك فى الحوار وباعتذر لحضرتك مره تانيه لو فيه حاجه فى كلامى ضايقتك

ولا يهمك ياباشا بس كل المواقع اللي بتبيع بالسعر ده والله العظيم انا اتصلت هاتفيا بعد ما كنت بعمل الاوردر ويتاخر بتصل بيهم بيقولولي مش متوفره غير موجوده بالمخزن ومش عارفين امته حتيجي
وعلي فكره دي مش اول مره اجبهم انا اول واحد في مصر جبتهم من التشيك في شهر ٧ وباقي الساده جابوها بعدي و ياما جربت مواقع ومفيش فايده
والله انا كنت جيبهم علشان اسهل الموضوع بتاع الجلبه علشان انا اتقرصت منه
وانا واحد من الناس لاعندي محل ولا دي شغلتي انا مهندس مدني بعيد كل البعد عن موضوع قطع غيار السيارات
وبجد لو تعرف توفرها بالسعر ده جزاك الله كل خير فينا
وانا وحضرتك والله بنعمل لوجه الله
وتحياتي لحضرتك وكل رجاله نايل موتورز

[Mohamed_abdo]

اعمل حسابي فى جلبة معاك يا صبحي ولو تعرف حد كمان يركبهالي تبقى عملت معايا واجب بدل ما بيقولو ان الكهربائي بياخد 200 جنيه
01278022219