ارجو المساعدة فى هذا العطل المفاجئ ( عربية بطلت مرة واحدة )

[عماد]

السلام عليكم اعضاء لمنتدى الكرام
عربيتى هيونداى اكسنت موديل ٢٠٠٠ موتور ١٥٠٠ cc انجيكشن
حصل عطل غريب بالنسبة لى وانا راجع من الشغل الساعة ١١ليلا كنت جاى من شارع شبرا ورايح عين شمس اخدت طريق الدائرى لمسافة ٢٢ كم وكانت العربية ممتازة ونزلت نزلت المرج وبعدها لمبة التشيك نورت ودى اول مرة تعمل كده منذ شراء العربية من ٣ سنوات وفجأة العربية بدأت تنتش وراحت مبطلة ادور تدور وترجع تبطل واول ماتدور اجى ادوس بنزين الاقى دواسة البنزين مافيش استجابة والعربية دايرة وشغالة وبعدها تبطل وصوت الموتور بيعلى ويوطى لوحده طلع عينى لحد ماوصلت الجراج وركنتها وقلت الحمد لله انها معملتهاش على الدائرى

ارجوكم افيدونى الكلام ده معناة ايه واعمل ايه سامحونى علىى الاطالة واودى العربية ازاى للميكانيكى بتاعى هو فى وسط البلد ش رمسيس

[ahmed9003]

متابع

[Sherif Mandoor]

غالبا طرمبه البنزين
شوف علبه البيئه لو موجوده ممكن تكون مكتومه

[عماد]

غالبا طرمبه البنزين
شوف علبه البيئه لو موجوده ممكن تكون مكتومه

سؤال لو طرمبة البنزين لمبة التشيك تنور

ولا العيب ده ممكن يبقى حساس شكمان

انا سايب العربية فى الجراج وعندى مشوار ومش عارف اعمل ايه ومحتاج العربية ومنتظر اقتراحتكم

[msobhy]

مش عارف اذا كانت عربيتك زى الالنترا ولا ﻷ .... بس لو شبهها يبقى حساس الكرنك

[عماد]

الحمد لله عرفت العيب منين وتم اصلاحه
الميكانيكى جرب فصل حساس ثم حساس الى ان وجد ان حساس الايرماس الوحيد لما يشيل الفيشة العربية ماتبطلش العربية والميكانيكى ماعندوش جهاز فقالى روحت اشترى واحد جديد وكان فاكر انه ١٥٠ او ٢٠٠ ج ولما عرف السعر ١٠٠٠٠ ج قالى لا روح على الحرفيين هاتوا وركب وقيس على الجهاز

جبته من الحرفيين ٢٥٠ ج بعد فيصال طبعا وتم وضع العربية على الجهاز قبل تغيير الايرماس الجهاز اشار الى ان الاير ماس ضعيف جدا وبعدها ركبت الايرماس الاستيراد وحط الجهاز مرة اخرى لمبة التشيك فصلت والعربية مابطلتش واتظبطة وأخد ٥٠ ج والحمد لله

[msobhy]

الحمد لله ان ربنا كرم واتحلت بأقل التكاليف
انا سعيد جدا يا عماد باشا انك طرحت المشكله وبرضو طرحت حلها

[crazy car]

الحمد لله عرفت العيب منين وتم اصلاحه
الميكانيكى جرب فصل حساس ثم حساس الى ان وجد ان حساس الايرماس الوحيد لما يشيل الفيشة العربية ماتبطلش العربية والميكانيكى ماعندوش جهاز فقالى روحت اشترى واحد جديد وكان فاكر انه ١٥٠ او ٢٠٠ ج ولما عرف [gdwl]السعر ١٠٠٠٠ ج [/gdwl]قالى لا روح على الحرفيين هاتوا وركب وقيس على الجهاز

جبته من الحرفيين ٢٥٠ ج بعد فيصال طبعا وتم وضع العربية على الجهاز قبل تغيير الايرماس الجهاز اشار الى ان الاير ماس ضعيف جدا وبعدها ركبت الايرماس الاستيراد وحط الجهاز مرة اخرى لمبة التشيك فصلت والعربية مابطلتش واتظبطة وأخد ٥٠ ج والحمد لله

الرقم ده مظبوط ولا تقصد الف جنيه

[miam0502788391]

الف مبروك انها اتصلحت
هو ايه حساس الايرماس ؟؟؟
من اسمه كده هو المتحكم فى دخول خليطى الهواء اللى داخل المتور مع البنزين
مش كده ولا ايه !!!!

[عماد]

الحمد لله والشكر لله
اشكركم جميعا
تصحيح المبلغ بالنسبة لشراء حساس الايرماس جديد من التوفيقية ١٠٠٠ ج الف جنيه