إعـــــــلان

Collapse

.

,
See more
See less

هل توجد علاقة بين غطاء الراداتير وسحب الميه من القربة

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    هل توجد علاقة بين غطاء الراداتير وسحب الميه من القربة

    السلام عليكم ورحمة الله وبركاته

    هل توجد علاقة بين غطاء الراداتير وسحب الميه من القربة

    حشرحلكم .. انا غيرت الراداتير وجبت غطاء جديد اصلى (لعربية فيرنا) المشكلة انى كنت بتابع الميه يوميا بلاقيها بتنقص فى الراداتير بمقدار نص كوباية ميه والقربة زى ماهيه فاستغربت قعدت متابع الموضوع دا كام يوم لان اللى انا عارفه ان الميه لما تنقص فى الراداتير ياخد من القربة ودا ماحصلش

    المهم روحت مركب غطا الرادتير القديم (كنت شاريه اصلى) وانا اشتريت الجديد قولت عشان يبقى الراداتير والغطاء كله جديد فى جديد

    بعد ماركبت الغطا القديم لقيت الوضع الطبيعى ان الراداتير مليان ونص الكوباية اللى بينقص .. بينقص من القربة

    فسؤالى هنا هل اللى بيحصل مع الغطا الجديد دا طبيعى ولا مش طبيعى والغطا بايظ واروح ارجعه ولا ايه

    وجزاكم الله كل خير
    سبحان الله وبحمده ... سبحان الله العظيم
    الكلمات الدلالية (Tags): الراداتير, القربة, الميه, بين, توجد, علاقة, غطاء, من, هل, وسحب
  • #2
    الغطا بايظ

    Comment

    • #3
      - الغطا ده بينفس وهيسرب المياه على هيئة بخار.

      + أى غطا بايظ بردوه بيسرب؛ تلاقى الكاتينه عندك بتعرق(عليه) زيت فى حاله زيت الباكم والباور.

      + غطا الماتور لو سرب برده هتلاقيه معرق زيت على أعلى الماتور.

      Comment

      • #4

        غطا الرادياتير طبعا بيأثر في سحب المية من القربة... ده هو أساسا وسيلة تنظيم السحب والتعويض منها.

        دايرة التبريد علشان تبرد كويس لازم تبقى تحت ضغط (اللي مكتوب على غطا الرادياتير).. والمية جوه الدايرة زيها زي أي مادة في الدنيا.. بتتمدد بالحرارة.. ده غير بخار المية اللي بيتكون وعايز يخرج.. ولو فضل جوه الضغط هيزيد جدا وممكن يحصل انفجار صغير من أضعف نقطة وينزل المية عالأرض...

        فلازم يبقى فيه مكان البخار ده يخرج منه... بس لو فضلنا كده مرة ورا التانية المية هتخلص.. فبنعمل القربة علشان نحوش فيها البخار ونرجعه للدايرة تاني...

        الغطا بقى هو المحبس اللي بينظم خروج البخار من الرادياتير ورجوع المية ليه تاني.


        والمفروض الوضع الطبيعي كالتالي:

        والعربية باردة.. المية في القربة تكون عند علامة Min مثلا.. ولما العربية تسخن .. المية في القربة تزيد (مش شرط توصل للـMax)...

        ولو بطلت العربية لحد ما بردت تاني.. هتلاقي المية في القربة نقصت ورجعت لعلامة الـMin تاني.


        لو المية بتنقص من القربة بس... يبقى عندك تسريب بسيط في الدايرة... ممكن يكون من الغطا أو من وصلة خرطوم كاوتش مش مربوط كويس.


        ...
        [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
        [I]مَثَلٌ صينِيّ[/I][/QUOTE]

        [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
        [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
        [/SIZE][/FONT]
        أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
        [SIGPIC][/SIGPIC]

        Comment

        • #5
          انا متشكر على رد حضراتكم واهتمامكم

          انا كدا اتأكدت ان المشكلة فى الغطاء الجديد وانى ارجعهه للمركز اللى انا جبته منه وانا مطمن عشان ماكونش ظالمه

          وجزاكم الله كل خير على المعلومات اللى قولتهالى واللى انا استفدت منها

          شكرا
          سبحان الله وبحمده ... سبحان الله العظيم

          Comment

          • #6
            فكره الغطاء
            هي نفس فكره تشيك بالف بتاع سخان المياه
            [SIGPIC][/SIGPIC] ياتقول كلام في محله يا تقول حلو ياحلو
            [url]/photos/a.879931698703941.1073741827.879900435373734/879931905370587/?type=1[/url]

            Comment

            • #7
              المشاركة الأصلية كتبت بواسطة hugan مشاهدة المشاركة
              فكره الغطاء
              هي نفس فكره تشيك بالف بتاع سخان المياه
              اعتقد مختلفة شوية. لأن ال سخان بيعدي ناحية واحدة لكن غطا الردياتير بيعدي ال ناحيتين.
              https://t.me/pump_upp

              Comment

              السابق template التالي
              Working...
              X