حملة الكشف المجانى اهيونداى ( البرقان انترناشونال )

[abouelmaggd]

السلام عليكم
فى حملة كشف مجانى لسيارات هيونداى لحد يوم 30 - 11 فى كل مراكز الخدمة المعتمدة ، انا كلمت الصبح مركز اسمه ( البرقان انترناشونال ) فى شارع العريش - الهرم ، الكشف ده بيبقى كويس و لآ ايه ؟ و حد اتعامل مع المركز ده قبل كده؟

[sasatony]

ياريت تقولي فين في شارع العريش بالظبط
وهل هو معتمد ولا لا
ومجانية من غير اي فلوس ولا هندخل جوة يقلبونا ونخرج

[essa]

الحمله دى فعلا مجانيه وعاملين تخفيضاات على قطع الغيار الاصليه
وفى تركيب زينون كمان بس والله مش فاكر كان سعره كام فى الجرنال

[Ahmed Sharaf]

الحمله دى فعلا مجانيه وعاملين تخفيضاات على قطع الغيار الاصليه
وفى تركيب زينون كمان بس والله مش فاكر كان سعره كام فى الجرنال

سعر الزينون الواحد 755 جم

[smsmbakr]

يارب كووووووون مجاني

[mohamed_mohsen]

يا ريت فعلا تقول فين في شارع العريش بالظبط

[BLACKVERNA]

و يا ترى الموضوع دا فى كل مراكز الخدمة المعتمدة و لا لا

يا ريت لو حد جرب يقول

[abouelmaggd]

السلام عليكم
انا اسف يا شباب النت كان واقع امبارح و مقدرتش ارد ، الحملة مجانية لحد يوم 30 - 11 فى كل مراكز الخدمة المعتمدة من الاكصدام لحد الاكصدام مع تقديم ريبورت للعميل زى ما مكتوب ف الاهرام الجمعة اللى فاتت ، فيه مركز خدمة معتمد اسمه ( البرقان انترناشونال ) لقيته مكتوب مركز خدمة معتمد عن منطقة فيصل - جبت رقمه من الدليل و كلمته العنوان ف شارع العريش جنب بنك سوسيتيه جنرال اللى على الناصية من ناحية فيصل - الارض الواسعة اللى كانت توكيل ( اوماترا - فيات ) - مفيش حجز مسبق و شغالين من 9 - 5 كل يوم ما عدا الجمعة و خصم 15 % على قطع الغيار و المصنعيات .

[m_elmahdy]

السلام عليكم
هيه الحملة دى مجانية للعربيات اللى فى الضمان بس ولا اى عربية هيونداى
أنا عربيتى هيونداى اكسيل 97 عاملة 113000 كم

[AHMEDCAR]

عادى ياباشا كل اللى معاهم هيونداى يروحوا يكشفوا مجاننا و بعد كده هايطلعلك تقرير يقولك لو العربيه فيها حاجه تحت تغيرها ولا لآ

[smsmbakr]

للاسف ياجماعة انا روحت لتوكيل هيونداي الي عندنا (( اوتو هاوس المنوفية ))
وقالولي بالحرف ... مفيش اي حاجة عن الكلام ده ولسه مستر غبور مقلناش
قولتلة ده كل الفروع قالي ولا نعرف
وهما اساسا معندهمش علم بجدول الصيانات الجديد ((يبقى هيعرفوا ازاي الكشف المجاني ))))

[abouelmaggd]

للاسف ياجماعة انا روحت لتوكيل هيونداي الي عندنا (( اوتو هاوس المنوفية ))
وقالولي بالحرف ... مفيش اي حاجة عن الكلام ده ولسه مستر غبور مقلناش
قولتلة ده كل الفروع قالي ولا نعرف
وهما اساسا معندهمش علم بجدول الصيانات الجديد ((يبقى هيعرفوا ازاي الكشف المجاني ))))
على فكرة يا باشا توكيل اوتو هاوس - المنوفية مكتوب فى صفحة العرض المجانى ده- ده الاستهبال من عند المركز عندك مش من غبور اكيد

[حماده المصري]

المركز الي في شارع العريش شكله في الضياع

رحته من اسبوعين مكنش عنده جهاز زبط زوايا اساسا

[moustafamoussa]

هو في حد ميعرفش شارع العريش ..
في الهرم يا رجالة