انقذووونى يا اهل الخبرة افادكم الله

[mohammed adel]

فيه شخص اقل ما يقال عنه انه مستهتر و كداب و معندوش كرامة المهم ظل اكتر من شهر يقنعنى ان تجارة العربيات مربحة جداااا و فى النهاية اقنعنى بكلامه و اخذ منى مبلغ 70000 جم على اساس ان هيشتر ى عربية مستعملة و يظبها و يبيعها و نكسب فيها و طبعا اديته المبلغ من غير اى ضمان لانه معرفة و كانت (غلطة عمرى) و بعد شهر قاللى ان هو اشترى عربية ليبية و جابلها ورق عربية حادثة و طبعا دفع فلوس فى المرور عالشان العربية تعدى من غير مشاكل ورخصها على اسمه و حاليا هو نفسه خايف يبيعها و قاللى ان ممكن اللى ياخدها لو نقلها مرور تانى غير اللى طلع للعربية رخصة منه ان مهندس المرور يكتشف( لحام رقم الشاسية) و ده وارد جداااااا وطبعا بعد المصيبة اللى عملها قاللى ان افضل حل ان يعملى توكيل و تفضل العربية معايا وانا حاليا مش عايز العربية لانى محتاج الفلوس ال 70000 جم وانا حاليا محتار بين اكتر من اختيار وهما :-
1- اخليه يتنازل عن العربية ويعمللى توكيل و بعدين ابلغ النيابة على اساس ان انا اشتريت العربية و عايز ارجع فلوسى لاننى اكتشفت انها( مركبة رقم شاسية )لكن هو ممكن يقول ان انا مشترك معاه وساعتها ممكن تضيع العربية و انا معاها لانى مش عارف ايه الوضع القانونى !!!
2- ان اخلى العربية معايا بس هتبقى فيه مشكلة ان بعد 3 سنوات من انتهاء الرخصة انا مش هعرف ارخصها تانى الا لما ادفع 4000 جم عالشان المهندس يوافق عليها زى ما هو عمل و رخصها و بكدة العربية لازم تبقى معايا ومش هعرف ابيعها للابد !!!

و الله انا ما بعرف انام بسببها لان ببساطة انا اقدر ابيعها لاى حد و بعد 3 سنين يبقى يسهلها ربنا بس انا مستحرم و مش عايز مشاكل !!!

ياريت تساعدونى و تقولوا رايكم و تعرفونى ايه الوضع القانونى وازاى اقدر ارجع فلوسي و اعاقب الشخص اللى عمل معايا كدة !!!

جزااااااااااااكم اللــــــــــــــــــــــــــــــــه كل خيــــــــــــــر

[adhamnor]

اولاً : ربنا يعوض عليك . . ده اذا كانت نيتك سليمه زي مابتحكي والله اعلم.
ثانياً: خد العربيه وقطعها وبيعها قطع غيار . . ده الحل الوحيد عشان ترجع فلوسك . . واقطع علاقتك بالشخص ده وربنا ينتقم منه.

[mohammed adel]

اولاً : ربنا يعوض عليك . . ده اذا كانت نيتك سليمه زي مابتحكي والله اعلم.
ثانياً: خد العربيه وقطعها وبيعها قطع غيار . . ده الحل الوحيد عشان ترجع فلوسك . . واقطع علاقتك بالشخص ده وربنا ينتقم منه.

ربنا وحده اعلم بالنية .... وانا فعلا فكرت فى بيع العربية قطع غيار بس عرفت انها مش هتجيب اكتر من 15000 بالكتير و طبعا كدة انا هرمى ورق العربية الحادثة اللى هو اشتراه عالشان الترخيص و ده تمنه لوحدة 40000 جم
حرااااااااااااااااااااااااااااااااااااام كدة و الظروف مش مستحملة خالص

[adel1212]

سيادتك بتحاول تتدور على محلل علشان ترجع فلوسك اللي انت بحسن او بسوء نيه ضيعتها
ده للاسف غير ممكن دلوقتي
- العربية التانية اشترتوها حوادث ورق بس و لا فيه عربية ممكن تتصلح
- نوعها اية دي اللي تدفع فيها 40000 و هي عاملة حادثة
- ما لها من حل غير انك تبيعها قطع غيار للاسف لان البيع على علتها غش و فلوس حرااااااااااام
تمنياتي تخلص على اقل قدر من الخسارة

[adhamnor]

ربنا وحده اعلم بالنية .... وانا فعلا فكرت فى بيع العربية قطع غيار بس عرفت انها مش هتجيب اكتر من 15000 بالكتير و طبعا كدة انا هرمى ورق العربية الحادثة اللى هو اشتراه عالشان الترخيص و ده تمنه لوحدة 40000 جم
حرااااااااااااااااااااااااااااااااااااام كدة و الظروف مش مستحملة خالص

مافيش قدامك حل تاني . . غير كده حيكون فيها سجن ليك من الاخر . . وطبعا مش حتبيع العربيه لحد يلبسها وفي الاخر النيابه حتجيبك انت برضو لانك البائع الاساسي
قول الحمد لله علي قضاء ربنا . . وقطع العربيه . . وبيعها قطع غيار . . وعليك وعلي بورسعيد سوق المستورد هناك . . عند الاستثمار

[wael30003]

انا هاحللك المشكلة وانت تقدر تقيم وتختار الحل
اولا انت وثقت فى شخص معرفة ومفيش اى دليل انك تمنحه الثقة دى .....يعنى ما تزعلش منى انت اللى مستهتر بفلوسك .....انما هو مش خسران حاجة وما فيش اى ورق يثبت الفلوس اللى عليه.....يبقى اللوم عليك انت مش عليه لانك انت ما اخدتش بالاسباب واعطيته رأسمالك كله لمجرد انه اقنعك ..وواضح انه ما عندوش دين او مبادىء .....لانه بدأ او طريق عمله برشاوى ...
واكيد شخصيته لو مش واضحة ليك فهى على الاقل لا تعطى الثقة المطلقة اللى انت اعطيتها له .
حل المشكلة من وجهة نظرى
ثانيا هو اشترى العربية باسمه وما فيش ما يثبت اشتراكك معه فى التزوير ....انت ممكن تستخدمها سنة وتبعها عادى ....ولو انكشف حاجة هو هلبس الموضوع وانت ما لكش دخل بأى حاجة وممكن تبيعها عادى....لانك مش مشترك فى التزوير انت ليك عربية وورق وبس ...الورق طلع مزور هو اللى عمل كل حاجة بنفسه .....لكن لو عندك علم بالتزوير قبل ما يحصل يبقى انت مشترك معاه ومالكش حق تشتكى ...
وكل اللى قلته مجرد رأى ممكن يصيب او يخطىء لان الموضوع شائك جدا
.

[mohammed adel]

انا هاحللك المشكلة وانت تقدر تقيم وتختار الحل
اولا انت وثقت فى شخص معرفة ومفيش اى دليل انك تمنحه الثقة دى .....يعنى ما تزعلش منى انت اللى مستهتر بفلوسك .....انما هو مش خسران حاجة وما فيش اى ورق يثبت الفلوس اللى عليه.....يبقى اللوم عليك انت مش عليه لانك انت ما اخدتش بالاسباب واعطيته رأسمالك كله لمجرد انه اقنعك ..وواضح انه ما عندوش دين او مبادىء .....لانه بدأ او طريق عمله برشاوى ...
واكيد شخصيته لو مش واضحة ليك فهى على الاقل لا تعطى الثقة المطلقة اللى انت اعطيتها له .
حل المشكلة من وجهة نظرى
ثانيا هو اشترى العربية باسمه وما فيش ما يثبت اشتراكك معه فى التزوير ....انت ممكن تستخدمها سنة وتبعها عادى ....ولو انكشف حاجة هو هلبس الموضوع وانت ما لكش دخل بأى حاجة وممكن تبيعها عادى....لانك مش مشترك فى التزوير انت ليك عربية وورق وبس ...الورق طلع مزور هو اللى عمل كل حاجة بنفسه .....لكن لو عندك علم بالتزوير قبل ما يحصل يبقى انت مشترك معاه ومالكش حق تشتكى ...
وكل اللى قلته مجرد رأى ممكن يصيب او يخطىء لان الموضوع شائك جدا
.

نفترض ان خليته يعملى توكيل و يتنازل على العربية و بعدين بلغت فيه فى النيابة على اساس انى اشتريت منه (عربية مركبة رقم شاسيه ) هل النيابة هترجعللى فلوسي على اساس انا مشترى و ماعرفش اى حاجة عن الموضوع ولا ايه الموقف القانونى فى مثل هذه الحالات ؟؟؟

شكررررررررا جزيلاااااااااااا على الاهتمام

[memo_p910]

كده هايبقى زيك زي اي واحد اشترى عربيه بورق عربية حادثه
ممكن لحام الشاسيه يعدي على مهندس الفحص وممكن لأ
دلوقت هو عاوز يلبسك في العربيه ويخلع هوا
افضل حل ارفض الصفقه دي وتمسك بفلوسك ترجعلك يتصرف هو انت ملكش فيه

وخلي اوبشن انك تستعملها ليك شخصيا كحل اخير خالص وممكن تبقى تأجرها باليوم او مع شركة كمشروع