صوت فى الفيرنا ؟

[wael6]

السلام عليكم ورحمة الله
عندى صوت ررررررررررررر خلف الدركسيون
تقريبا العلبة اللى الصغيره اللى تحت العمه هى اللى بتخبط فى الفبر اللى جنبها
الصوت بيظهر ع السرعه القليلة خصوصا لو شليت رجلى من عالبنزين
اوا لو لسه العربيه بارده وهى فى مكانها
الحل ايه ؟
وايه اصلا دور العلبه دى ؟ وهل ممكن تتلغى ؟
شكرا جزيلا

[wael6]

متابع

[alpoka779]

انا دخلت في حجر من تحت ومن يومها انا منزعج من الصوت ده ومحدش عارف يوصله -- عفشجي بتاع شكمان وزوايا

[wael6]

الف سلامة عليك
انا عندى من غير اى خبطة
اخر مرة العفشجي بيقولى خلى الميكانيكي يبص على المنفو بتاع المكنه
وبتاع الزوايا يقولى خلى الميكانيكي يبص على كراسي المكنه والفتيس
كله بيرميها على كله
مفيش صنايعي تمام الا القليل جداااااااااا
ربنا يوقعنا فيهم يارب

[kh_talaat]

شوف حضرتك غالبا المشكلة اللي عندك هو العيب الشهير الموجود في كل العربيات الفيرنا وهو الناتج عن سوء عزل حوض الموتور في التقفيل المصري

المشكلة ببساطة ان فيه مواسير (وغالبا هي مواسير بنزين انظر الشكل الموضح في الاسفل) في حوض السيارة من ناحية الكابينه ، المواسير دي ملاصقه للحوض ومع الاهتزاز العنيف للموتور بتحصل زنه خفيفه بتسمعها غالبا في اول تدوير للموتور في الصباح او في بعض الاحيان عن تشغيل التكييف او في حاله المور




والحل بسيط ان شاء الله وهو انك هتعمل حشوه بالسفنج او بالفوم بين المواسير دي وحوض السياره وتجرب وتشوف لسه الزنه موجوده ولا راحت ولو لسه الزنه موجوده زود الحشوه او زبطها ... وبالتوفيق ان شاء الله

[wael6]

شوف حضرتك غالبا المشكلة اللي عندك هو العيب الشهير الموجود في كل العربيات الفيرنا وهو الناتج عن سوء عزل حوض الموتور في التقفيل المصري

المشكلة ببساطة ان فيه مواسير (وغالبا هي مواسير بنزين انظر الشكل الموضح في الاسفل) في حوض السيارة من ناحية الكابينه ، المواسير دي ملاصقه للحوض ومع الاهتزاز العنيف للموتور بتحصل زنه خفيفه بتسمعها غالبا في اول تدوير للموتور في الصباح او في بعض الاحيان عن تشغيل التكييف او في حاله المور




والحل بسيط ان شاء الله وهو انك هتعمل حشوه بالسفنج او بالفوم بين المواسير دي وحوض السياره وتجرب وتشوف لسه الزنه موجوده ولا راحت ولو لسه الزنه موجوده زود الحشوه او زبطها ... وبالتوفيق ان شاء الله

هل الاسفنج مع الحرارة يسبب مشكلة ؟
ولو فيه فوم او اسفنج حرارى بيتباع فين ؟

وشكرا جزيلا

[kh_talaat]

هل الاسفنج مع الحرارة يسبب مشكلة ؟
ولو فيه فوم او اسفنج حرارى بيتباع فين ؟

وشكرا جزيلا

لا متقلقش من موضوع الحرارة لأن المنطقة اللي فيها الزنه بعيد عن حرارة الموتور تماما .. واي نوع اسفنج عريض هيأدي الغرض ، انا فاكر اني كنت عاملها بقطعة سفنج من مرتبه سرير قديمة وعاشت معايا حوالي سنتين على ما غيرتها بأسفنجة تانية

في فكرة تانية هيبقى شكلها انضف ممكن تعملها كانت طرأت في دماغي لكن للأسف منفذتهاش لأني بعت العربية بعدها وهي انك تركب لكل ماسورة عازل زي بتاع مواسير المكيفات الاسبليت (انظر الصورة اسفل)





العوازل دي هتلاقيها متوفره عند بتوع قطع غيار التكييفات بتتباع بالمتر وبأقطار مختلفة بس المشكلة انك مش هتعرف تغلف المواسير بالعوازل دي الا لما تشق خرطوم العازل من الجنب وبعدين تلفه حوالين كل ماسوره وممكن تقفل فوقها بشيكارتون (لزق كهربا )

واي سؤال انا تحت امرك

[wael6]

الله ينور على حضرتك
طيب ممكن يكون الصوت ده من العلبة الصغيره اللى تحت فلتر الهوا ولالا ؟
ولو منها اثبتها ازاى ؟

وشكرا جزيلا

[kh_talaat]

الله ينور على حضرتك
طيب ممكن يكون الصوت ده من العلبة الصغيره اللى تحت فلتر الهوا ولالا ؟
ولو منها اثبتها ازاى ؟

وشكرا جزيلا

شوف يا سيدي الفاضل اللي هيقرر الصوت منين هو التجربة .. حضرتك هتقعد جوه الصالون وهتدور العربية وتقفل الاربع شبابيك عشان تبقى مركز مع صوت الموتور كويس وحد معاك هيساعدك بأنه هيفتح الكبوت ويحط ايده بين حوض السياره وبين المواسير دي .. لو الزنه راحت يبقى منها وتعمل حشوة الاسنفج .. لو مراحتش يبقى مش منها وممكن يجرب انه يثبت العلبة اللي تحت الفلتر بإيده وانت تسمع وتقرر الصوت منين

[wael6]

انا لقيت المواسير بعيده عن الصاج
وكانت مشدوده من قبل بافايز بعيد عن الصاج
ولاحظت رجة شديدة والعربية بارده فى العلبة الصغيرة اللى تحت العمة
اثبتها ازاى ؟ واعزلها اازاى ؟
والحته دى ضيقة جدا جدا

متابعكم للاهمية
وشكرا جزيلا

[kh_talaat]

انا لقيت المواسير بعيده عن الصاج
وكانت مشدوده من قبل بافايز بعيد عن الصاج
ولاحظت رجة شديدة والعربية بارده فى العلبة الصغيرة اللى تحت العمة
اثبتها ازاى ؟ واعزلها اازاى ؟
والحته دى ضيقة جدا جدا

متابعكم للاهمية
وشكرا جزيلا

راجع على قواعد الموتور ممكن يكون العيب منهم لأن لو قاعدة منهم مكسوره ممكن تعمل زنه على السلانسيه

[wael6]

بإذن الله تعالى