هيونداى سولاريس 2016

[midoegypt2016]

السلام عليكم ورحمة الله وبركاته
انا كنت مقبل ان شاء الله على شراء هيونداى سولاريس هاتشباك اول فئه وكنت محتاج رائيكم اتوكل على الله واجبها وخصوصا انها لسه جديده واول مره تنزل مصر وحوار قطع الغيار واعاده البيع والكلام ده
تنصحونى با ايه
وهل يا ترى هيونداى سولاريس ولا نيسان سنترا تقفيل مصرى خصوصا ان الاتنين نفس السعر تقريبا

[Omar Sarray]

هيا زى الأكسنت بضبط سواء سيدان أو هاتش شباك بس فرق كماليات اكتر والعربيه لسه مش معروفه اوى يمكن عشان اسمها

[megaarts]

هي الفيس ليفت بتاع الاكسنت بس تجميع روسي

[devil_storm]

هات النيسان سنترا فئه اكبر و افضل

[mif]

السلام عليكم ورحمة الله وبركاته
و عليكم السلام و رحمة الله و بركاته
انا كنت مقبل ان شاء الله على شراء هيونداى سولاريس هاتشباك اول فئه وكنت محتاج رائيكم اتوكل على الله واجبها وخصوصا انها لسه جديده واول مره تنزل مصر وحوار قطع الغيار واعاده البيع والكلام ده
مبروك عليك مقدما و ربنا يديك خيرها و ما يبقاش منها اى شر باذن الله
هيونداى لديها عدة نسخ من الجيل الرابع للاكسنت
فى كوريا اسمها اكسنت rb و هى النسخة الدولية
و فى الصين تختلف فى الشكل قليلا و الكماليات و اسمها فرنا
و فى الهند نسخة مختلفة قليلا اسمها accent fluidic 4s
و هيونداى سولاريس هى اكسنت الجيل الرابع المصنعة بالكامل فى روسيا و هى تختلف قليلا عن النسخة الكورية المستوردة فبحسب المواقع الاجنبية عفشة افضل فى السرعات و استهلاك افضل بالفتيس الجديد و كماليات اعلى( يعنى مثلا فيه اكسنت بدون abs و لكن مفيش سولاريس بدونها )
كوريا بدات بناء مصنع فى روسيا فى عام 2008 و اكمل البناء فى 2010 و بدأت تخرج سيارات من خطوط الانتاج فى يناير 2011
القدرة الانتجاية للمصنع حتى 500 الف سيارة سنويا
لكنهم بيتنجوا فى حدود 200 الف سنويا
و فتح باب التصدير حيديهم فرصة اكبر فى استخدام قدرة انتاجية اكبر
هيونداى روسيا بيصنع سيارات هيونداى بالكامل
استطاعت هيونداى اختطاف المركز الاول كاعلى مبيعات فى روسيا لعدة مرات من افتوفاز (لادا)
و لكنها الان هى رقم 2 بعد لادا .
و للعلم سولاريس 2016 محدثة و مطورة عن سولاريس 2011 بحسب الصحف الروسية

من ناحية قطع الغيار و اعادة البيع لا تقلق لانها هيونداى و كمان بضمان غبور

تنصحونى با ايه
وهل يا ترى هيونداى سولاريس ولا نيسان سنترا تقفيل مصرى خصوصا ان الاتنين نفس السعر تقريبا
سنترا اكيد حلوة بس اسأل عنها اكتر
سنترا فئة مختلفة عن الاكسنت
سنترا دى نيسان و اخت صنى يبقى بلاش .... هى صحيح فيها كماليات اكثر من رائعة .. لكن سمعة نيسان و خاصة السيارات التجميع المحلي اكتر من سيئة ... بسبب الاسترخاص فى استخدام ارخص الخامات مع البيع باعلى الاسعار
و كنت عملت موضوع طويل جدا اتكلمت فيه عن نيسان صني و انها لا يوجد بها مسمار واحد صنع فى اليابان و انها بالكامل كل جزء فيها مستورد رأسا من الصين و رغم ذلك كان فيه مبالغات فى الاسعار و ساعتها قلت مش مشكلة انها صيني الصنع و لكن المشكلة الاسعار الخرافية و قلت ان اعلى فئة ساعتها اخرها 90 الف يعنى اقل من السوق ب (24 الف )وقتها .... المهم لو حابب تتعرف اكتر على الموضوع اتفضل

http://www.nilemotors.net/nile/405141-a.html

موضوع ان قطع نيسان تكون صيني او غيرها مش مشكلة .... المشكلة فى المستورد عديم الضمير اللى بيستورد الارخص و بتكون فى الاخر العربية قاتلة زى عيوب منظومة الفرامل فى نيو صنى و كمان اول ما نزلت نزلت باسوء انواع الكاوتش فيها مكنة جراية و بلاعة بنزين و ثبات ضايع و فرامل قاتلة (كل دا مش من وحى الخيال دا من تجارب المئات من اخوتنا على الموقع هنا ) و نتيجة اصبحت صنى رمز فشل تجميع السيارات لنيسان فى مصر . دا غير اسعار قطع الغيار اللى بتقارب الالمانى (يعنى تبقى راكب عربية اغلبها صيني و معيوبة و قطع غيارها باسعار خرافية جدا)

مش معنى كدا ان سولاريس هى الافضل و لكن على الاقل هى الجيل الرابع من الاكسنت
يعنى مضمونة فى اعادة البيع باسم هيونداى فى مصر
صيانة سهلة و قطع غيار حتنتشر بسرعة مع انتشارها زى باقى عاءلة هيونداى
سولاريس حتكون شبابية اكتر من السنترا
سولاريس حتكون ادائها افضل من السنترا

فى الاخر احب اقول حضرتك مبروك مقدما مرة اخرى

انا فقط غرضت وجهة نظري الشخصية المبنية على تجارب الكثير من ملاكها

و لكن الاختيار فى النهاية حيكون بكامل ارادتك

و نصيحة انك تنزل تشوف الاثنين على ارض الواقع و تقرا عن امكانيات كل واحدة فيهم
و عن تجارب الملاك (حتلاقى للسنترا فقط)
شوف توافر قطع الغيار
من ناحية استهلاك الوقود و الاداء
و انزل اركب الاثنين شوف ايه اللى ريحك اكتر و لكن بعد ما تقرا كويس علشان ماتنبهرش من الخارج و تلاقى فى الاخر انك راكب عربية مقرفة فى اداءها او غيره .

[dreslam]

سولاريس عربيه فئه اقل من السنترا شكلا وموضوعا وخامات وكله..ممكن تقارنعا بالسوزوكي سياز مثلا ..
اما السنلترا فخاماتها افضل عربيه في فئتها مش بلاستيك ..وغبور مش حيقدر يصد الفتره اللي جايه دي معلش في الجديد..
السنترا تكييف بجد خامات بجد موتور بجد 1600- 118 حصان وسي في تي...ومافيش فيها حاجه غير زجاج جريش واسفنج موبيكا والباقي مستورد ...السنترا بتتقفل في تايلند والمكسيك وحاليا في مصر بموافقه اليابان..ومافيش اي علاقه بينها وبين الصني في اي شيء.فيه طبعا علاقه وثيقه بينها وبين النيسان جوك والنيسان قاشقاي..وانزل بنفسك وشوف التقفيل في ال عربتين اللي لو اعمى حيقولك مافيش وجه مقارنه بين الاتنين اصلا

[midoegypt2016]

Omar Sarray & megaarts & devil_storm & mif & dreslam
متشكر جدا على ردكم على الموضوع بتاعى واتمنى من الله ان يوفقنى ف حسن الاختيار
وجزاكـــم الله خيرا

[ابو تقى الدين]

يا جماعه فى السعوديه موجوده هيونداى 1400 كتير جدا وكويسه جدا وكنت مندهش اساسا ان مافيش فى مصر منها

اما النيسان السنترا اللى حضراتكم بتتكلموا عنها

انا شايف فى الرابط ده ان متوسط استهلاك الوقود حوالى 9 ليتر فى ال 100 كيلو

انا بس مشكلتى فى السولاريس دى ان الواحد مش عارف اى مواصفات عنها

[ابو تقى الدين]

يا جماعه فى السعوديه موجوده هيونداى 1400 كتير جدا وكويسه جدا وكنت مندهش اساسا ان مافيش فى مصر منها

اما النيسان السنترا اللى حضراتكم بتتكلموا عنها

انا شايف فى الرابط ده ان متوسط استهلاك الوقود حوالى 9 ليتر فى ال 100 كيلو

انا بس مشكلتى فى السولاريس دى ان الواحد مش عارف اى مواصفات عنها

اسف ده الرابط

ممنوع وضع لينكات لمواقع اخرى

[ابو تقى الدين]

اسف ده الرابط

ممنوع وضع لينكات لمواقع اخرى

انا قرأت الكثير من المواضيع وكان هناك روابط لمواقع اخرى ثم انه ليس رابط لمنتدى اخر او دعايا فقط هل متوسط استهلاك البنزين للسنترا ٩ ليتر كل ١٠٠ اريد اجابه !!!!!

[Colin Chapman]

ضعيفة جدا فى اختبار التصادم

هيا زى الأكسنت بضبط سواء سيدان أو هاتش شباك بس فرق كماليات اكتر والعربيه لسه مش معروفه اوى يمكن عشان اسمها

https://www.youtube.com/watch?v=Co-lGBGDvoU

ضعيفة جدا فى اختبار التصادم