هيونداى اكسنت ولا هيونداى سولاريس

[midoegypt2016]

السلام عليكم ورحمة الله وبركاته
ياترى مين الافضل فى الاتنين مع العلم ان
هيونداى سولاريس 1400 سى سى وفيها abs و air bag سعرها 148
هيونداى اكسنت 1600 سى سى ومفيهاش abs ولا air bag وسعرها 150

[adel1212]

لو انا اللي بشتري حفكر كتير
و اختار الاكسنت
تمنياتي بحسن الاختيار

[midoegypt2016]

والله يا استاذ عادل انا من كتر التفكير دماغى هتضرب ومش عارف هل ال 1400 سى سى من 1600 هتفرق جامد

[adel1212]

هيونداى سولاريس 1400 سى سى وفيها abs و air bag سعرها 148
abs مع كامل احترامي للجميع و كل الاراء لا يعتبر اضافة بالنسبة لى مالوش اي لازمة
air bag لو مش رابط الحزام مالوش اي لازمة (تقريبا كلنا مش بنوصل الحزام)


هيونداى اكسنت 1600 سى سى ومفيهاش abs ولا air bag وسعرها 150
يعني تسارع افضل+تكييف افضل (و دول معايا طول ما انا بستخدم العربية)
اتمنى اني اكون وصلت لك فكرتي
حاجة بتستخدمها بعض الوقت
حاجة بتستخدمها كل الوقت
تمنياتي ربنا يهديك للافضل

[midoegypt2016]

متشكر جدا يا استاذ عادل على ردك واتمنى من الله ان يوفقنى الى حسن الاختيار

[samihanwar]

اللى حيفرق كم حصان السولاريس؟؟مش السيسي

[الهواء]

انا برضه كنت بقارن بين السولارس والاربى 2016 من حيث الاوبشن السولارس 145500 الف الفئه الاولى فيها 2 اريباج وabs وابوليزر مانع للسرقه 107 حصان والاربى الفئه الثانيه بــ 150000الف , 125 حصان بس مفهاش abs بس الواحد قلقان من السولاريس عشان مافيش حد جربها وانها روسى ايه رايكم مافيش حد يفيدنى + ان الاربى خفيفه على الطريق

[eljafari]

اولا السوليروس ماتسواش السعر ده

ثانيا دي الاكسنت الروسي مش الكوري يعني جمركها المفروض اقل لانها اوروبي

ثالثا (سمعت ان المكنة بتاعتها جاما 1.4) لو فعلا مكنة جاما 1.4 فده الجيل الاقدم من الrb 1.4 حتى 2014
مع ان الجاما مازالت موجودة في عربيات كتير زي الاكسنت 1.6 و الريو 1.4

لكن للامانة المكنة الجاما 1.4 مع الفتيس ده حلوة انا جربتها بره مصر على الاكسنت وهي نفس الريو في مصر في الاول هتحسها ضعيفة لكن لما تتعود عليها بتعرف تتعامل معاها وهتحبها

[ah-elgendy]

هيونداى سولاريس 1400 سى سى وفيها abs و air bag سعرها 148
abs مع كامل احترامي للجميع و كل الاراء لا يعتبر اضافة بالنسبة لى مالوش اي لازمة
air bag لو مش رابط الحزام مالوش اي لازمة (تقريبا كلنا مش بنوصل الحزام)


هيونداى اكسنت 1600 سى سى ومفيهاش abs ولا air bag وسعرها 150
يعني تسارع افضل+تكييف افضل (و دول معايا طول ما انا بستخدم العربية)
اتمنى اني اكون وصلت لك فكرتي
حاجة بتستخدمها بعض الوقت
حاجة بتستخدمها كل الوقت
تمنياتي ربنا يهديك للافضل

ABS ملوش لازمه ابحث عنه وجرب اركب عربيه فيها abs وانت هتعرف الفرق
لو انت قلقان من السولاريس هات كيا ريو

[adel1212]

ABS ملوش لازمه ابحث عنه وجرب اركب عربيه فيها abs وانت هتعرف الفرق
لو انت قلقان من السولاريس هات كيا ريو

عارف الفرق
و عارف ان كتير مش يوافقون رأيي
و رأي انه ميزة مضافة لمنظومة الفرامل=مسافة توقف اطول
و ده بالنسبة لي عيب مش ميزة
اخر عربيتين معايا فيهم المبهر بالنسبة لحضرتك الـABS
و ده كان ردي (abs مع كامل احترامي للجميع و كل الاراء لا يعتبر اضافة بالنسبة لى مالوش اي لازمة) يعني احترمت كل الاراء مسبقا
تحياتي

[Ultramisho]

ياجماعة مش معقول كلامنا هيبقى ان الايه بي اس والاير باجز مش مهمين وقلتهم احسن كده هنبقى حنجنا أوي عن الموضوعية!!!
هو السؤال المهم هل الاكسنت دي فيها ايموبوليزر ولا لأ لكن آخر معلوماتي من سنتين انها كانت بتنزل بدون
ولو كان مافيهاش ايموبيليزر يبقى تنساها خالص سواء هتجيب سولاريس الجديدة دي أم لا
أما المقارنة بينهم في حال وجود ايموبيليزر في موديلات الاكسنت الجديدة ودي حاجة أشك فيها لكن لو افترضنا وجوده زي ماقلت يبقى عندك 1400 تقفيل روسي مع ايه بي اس وايرباجز تصنيع روسي ولا 1600 بدون تصنيع كوري هنقول
1600 افضل للسحب والتكييف بس الفتيس بيلعب دور مهم وادينا شوفنا سحب الريو حلو ازاي رغم انه 1400
ايه بي اس واير باجز مكاسب كبيرة بل هي اساسيات في اوروبا الايه بي اس وعن تجربة بيوقف العربية بسرعة على الرمل ثم تستطيع وانت ضاغط الفرامل ان تناول وتتفادى الاصطدام لا قدر الله والايرباجز وقت الكارثة بعيد الشر ممكن يكون سبب وضعه ربك لحفظ حياتنا
تصنيع روسي ولا كوري هو طبعا احسن بلد في رأيي بتصنع هي بلد المنشأ لكن برضه التصنيع الروسي معروف وبيصنعوا قطع معمرة مش ورق زي الصيني وصاج ناشف واحنا باحترم الصناعة الروسية
الخلاصة شوف اولوياتك
عاوز امان وعربية ناشفة يبقى الروسي
عاوز سحب اسرع وتكييف مضمون اكتر يبقى الكوري
اما بقى لو عاوز عربيتك تتسرق يبقى الاكسنت لو مافيهاش ايموبيليزر

مجرد رأي متواضع أطالة عليكم تقبلوا مروري وربنا يوفقك فيما فيه الخير لك

اخوكم

[midoegypt2016]

متشكر يا ميشو وان شاء الله هبقى اخد بنصيحتك

[msobhy]

انا ركبت نسبيا عربيات كتير فى حياتى
فى الوقت الحالى معايا النترا 2010 وبسوق بشكل منتظم تيجو و نيو اكسنت

انا بحب عربيتى جداااااااااااا ومع ذلك ان شاء الله لما هاغير لازم عربيتى يكون فيها abs وايموبلايزر - ولو زاد عليها ايرباج ميضرش

لصاحب الموضوع
150.000 مش رقم صغير
اللى اتعلمته فى اخر 15 سنه
هاتجيب عربيه هات فيها كل اللى فى نفسك - عوامل الامان اهم من اى شئ - كسر الزيرو فعليا بيبقى احسن الحلول

لو مكان حضرتك هاجيب لانسر شارك زيرو - أو سيراتو هاى لاين 2014 اعتقد انها هاتبقى قريبه من ميزانيتك وهاتستمتع بيها بجد

كسر الزيرو بيتجاب كالتالى
العربيه ميكونش عدى عليها أكتر من سنتين بالاضافه ان عدادها ميزدش عن 40.000 كيلو
والاهم انك تشتريها من حد تعرفه أو حد متعثر فى السداد لو هيه قسط
فابريكه بره وجوه ولو راشه سنتى واحد تبقى مش مقبوله
استخير ربنا قبل كل شئ ان يرزقك بعربيه حلوه

اه صحيح بخصوص العربيه السولاريس معرفش عنها حاجه - بخصوص ال rb مش حلوه وضيقه و ال hd برقبتها شكلا وموضوعا (طبعا حكاية الشكل ديه اذواق)