ما هو الفرق بين النيو اكسنت والفيرنا ومين احسن فى الشراء دى ولادى وشكرء

[anongy]

:k20:ما هو الفرق بين النيو اكسنت والفيرنا ومين احسن فى الشراء دى ولادى

[fahd_628]

فرق السماء و الأرض :)

النيو اكسنت اكيد احسن

و على فكرة الفيرنا هية الأكسنت بس الشكل الى قبل النيو اكسنت

[menamakram2003]

الاكسنت احسن من ناحية الموتور والتقفيل والتكنولوجى
الفيرنا احسن فى سعر قطع الغيار واعادة البيع وعشفتها انعم من عفشة الاكسنت الرياضية

[AhmedSarhan]

لو حضرتك بتفكر فى الزيرو الأوتوماتيك النيو أكسنت تكسب بجدارة (فئة سعرية أعلى من الفيرنا)
لو حضرتك بتفكر فى الزيرو مانيوال برضو النيو أكسنت تكسب (موتور احدث-وسائل أمان- كماليات أعلى)
لو حضرتك بتفكر فى استعمال خفيف أو كسر زيرو يبقى قيم احتياجك
النيو أكسنت من اسمها هيا النيو طبعا
و لكن لأنك فى مصر القديم هوا اللى ماشى
(الفيرنا و الفيفا) اللى هما الأكسنت الجيل التانى فى كل بلاد العالم
هما اللى بيتباعوا أكتر و النيو لسه مش واخدا حظها (سياسات تسويقية لغبور)
و الجديدة مش بتبيع قد كدا زيهم....جايز عشان بتقرب بسعرها شوية من الماتريكس
و دى طبعا حبيبة المصريين خصوصا مع الشكل الجديد ليها
الفيرنا موتور 1600 Dohc
النيو أكسنت فيها الماكينة الجديدة الرهيبة 1600 Cvvt
و يحلو للكثيرين أن يطلقوا عليها الانترا الصغيرة

شوف استعمال حضرتك نوعه ايه (داخل المدينة-طرق سريعة)
و حضرتك طالب العربية نوعها ايه (مانيوال-أوتوماتيك)
و حالتها ايه(زيرو-كسر زيرو)
و ميزانيتك (80:70-90:80)
حضرتك ناوى تقعد بالعربية دى قد ايه (أقل من 3سنوات-أكثر من 3 سنوات)
يفرق مع حضرتك سعر اعادة البيع(عالى للفيرنا-منخفض نسبيا للنيو أكسنت)
هل حضرتك بتفرق معاك وسائل الأمان الحديثة(غير موجودة فى الفيرنا-بعضها موجود فى النيو أكسنت)
قيم رغباتك و احتياجاتك و ميزانيتك و ربنا يساعدك ان شاء الله فى اتخاذ القرار الصائب

[حماده المصري]

فعلا فرق السما والارض

الفيرنا متختلفش كتير عن الاكسنت العاديه

بس النيو اكسنت انضف بكتيير في العفشه والمشي ومن الداخل

بس قطع غيار نيو اكسنت نااار بمعنى الكلمه

[mokhtar]

طبعا النيو اكسنت احسن بكتير تقفيل كورى محترم وموتور جامد جدا بتكنولوجيا CVVT الموفره للوقود وذات الاداء العالى ده غير الشكل الاكسنت احلى واشيك والاكسنت هى الجيل الجديد انما الفيرنا هى الاكسنت 2003 فى العالم كله ..اسم الفيسرنا ده متلاقيهوش الا فى مصر وجايز فى سوريا ...




..mokhtar..

[bassam nagy]

كفاية التقفيل الكورى
والموتور اقوى

[M.Osman]

نيو اكسنت طيعا ...

بس فعلاً النيو اكسنت قطع غيارها اغلى ....

[heshaaam]

ياجماعة عايزين اسعار قطع الغيار بتاعة النيو اكسنت

[anongy]

ياجماعة عايزين اسعار قطع الغيار بتاعة النيو اكسنت ياريت

[CryptonX]

النيو اكسنت هي الجيل التالت من الاكسنت
الفرنا هي الجيل التاني

كما شرح الاخوى

فرق السماء و الارض فعلا ..

بس طبعا كل سوق ليه سيارات محببة ( زي الانوس و الافيو كدة ) .

المهم - النيو اكسنت هي هي برده الكيا ريو الجديدة ( نفس كل شيء )

و في نسخة من النيو اكسنت 1400 سي سي ( 96 حصان ) كان غبور بيطرحها ارخص 3000 جنيه من النيو اكسنت العادية.

[nyzo]

I think that both cars can not be compared because each one is in a different price range, Verna is in 70s and New Accent is in 80s, two different categories

[boboscarlos]

الفيرنا بقت عاملة ذي ال28 كتيرة اوي اوي ودة في حد ذاتة شيئ يطمنك . جرب كدة واقف في اشارة ذي اشارة روكسي هتلاقي جوليك 3 او 4 عربيات فيرنا
النيو اكسنت عربية جميلة جدا واحلي حاجة فيها انها تقفيل برة مش محلي