هيونداى فيرنا اوتوماتيك 2016

[midoegypt2016]

السلام عليكم ورحمة الله وبركاته
ممكن اعرف رائيكم فى العربيه هيونداى فيرنا اوتوماتيك هى سعرها حاليا 108
هل العربيه كويسه وتستاهل السعر ده وايه افضل لون ليها لانى سمعت ان اللون الفضى احسن حاجه حتى فى الاستيراد القطع غيار متاحه كتير للون ده بالذات

[samihanwar]

عربيه ماشاء الله عليها مفيش غبار عليها غير الفرامل وانها ضيقه
وبالنسبه للسعر كل العربيه غليت ولسه فى زياده مستمره
وفعلا للون الفضي هو فعلا شيك جدا
وبالتوفيق وربنا يباركلك فيها

[midoegypt2016]

شكرا يا استاذ سامح على ردك
وادعيلى بقى ربنا يوفقنى فى الاختيار

[samihanwar]

ربنا يوفقك ويستر طريقك

[shado999]

انا معايا فيرنا 2014 بقالها معايا سنتين عربيه ممتازه في الاستعمال اليومي وعملية وقطع غيارها ببلاش بس عيبها االصالون ديق سيكا ورا لو حد راكب معاك[size="6"[/size]

[midoegypt2016]

هى العربيه اللى مع حضرتك يا شادو اوتوماتيك ولا مانيوال
ولو عندك معلومه عن الفرق بين فيرنا ستار والعاديه هل فى حاجه غير السبويلر

[theman]

انا برضه بفكر اجيب فيرنا 2014 او 2015 كسر الزيرو بس الناس بتقولي خسارة الفلوس اللي هتدفع فيها ممكن تجيب نيسان صني بس طبعا هتكون موديل بعيد شوية انا بفكر اجيب عربية فيرنا كسر زيرو ماشية اقل من 20000 كيلو لسه بخيرها زي ما بيقولوا ايه رايكم ؟

[mif]

انا برضه بفكر اجيب فيرنا 2014 او 2015 كسر الزيرو بس الناس بتقولي خسارة الفلوس اللي هتدفع فيها ممكن تجيب نيسان صني بس طبعا هتكون موديل بعيد شوية انا بفكر اجيب عربية فيرنا كسر زيرو ماشية اقل من 20000 كيلو لسه بخيرها زي ما بيقولوا ايه رايكم ؟

اوعى تفكر في العربية الفاشلة اللى اسمها نيسان صني
فيرنا احسن من الصنى ميت الف مرة و خد عندك
استهلاك بنزين الصني حوت بمعنى الكلمة الفيرنا لا
قطع غيار الصنى قمة المبالغة و خاصة النيو صنى
الفيرنا ممكن تكون ضيقة بس مش مقرفة
فيرنا صيانة و قطع غيار حلوة جدا
لو انت انسان عملى هات فيرنا و ريح بالك و لو عايز شكل و مساحة يبقى صنى بس حتتلسع من البنزين و الصيانة و قطع الغيار

[mif]

هى العربيه اللى مع حضرتك يا شادو اوتوماتيك ولا مانيوال
ولو عندك معلومه عن الفرق بين فيرنا ستار والعاديه هل فى حاجه غير السبويلر

ستار تزيد سبويلر و الشبكة بتكون مختلفة فقط و الاختلاف فى السعر بيبقى تقريبا 700 جنيه تقريبا

[theman]

اوعى تفكر في العربية الفاشلة اللى اسمها نيسان صني
فيرنا احسن من الصنى ميت الف مرة و خد عندك
استهلاك بنزين الصني حوت بمعنى الكلمة الفيرنا لا
قطع غيار الصنى قمة المبالغة و خاصة النيو صنى
الفيرنا ممكن تكون ضيقة بس مش مقرفة
فيرنا صيانة و قطع غيار حلوة جدا
لو انت انسان عملى هات فيرنا و ريح بالك و لو عايز شكل و مساحة يبقى صنى بس حتتلسع من البنزين و الصيانة و قطع الغيار

انا عايز حاجة فعلا اركبها و انساها واعطالها قليلة وصيانتها سهلة علشان كده فكرت في فيرنا كسر الزيرو علشان تكون لسه بخيرها اسافر بيها وانا مطمن يعني راي حضرتك لو دفعت 80 او 85 في فيرنا 2015 او 2016 كسر الزيرو ماشية اقل من 15000 كيلو فابريكا بالكامل السعر مناسب ايه راي حضرتك ؟