ارجو المساعده ضروري يا ناس

[cupied2008]

محتاج عيوب ومزايا الهيونداي الفيرنا ضروري يا ناس وياريت الخبراء يردوا عليا ضروري بالله عليكم علشان هاستلم يوم الاربع اللي جاي
تحياتي
محمد علي

[Ahmed Anwer]

أهلا و سهلا بيك معانا ،،

اعمل سيرش علي كلمة فيرنا هيطلعلك اكثر من 500 نتيجة

ألف مبروك ، ربنا يباركلك فيها و تكون وش الخير عليك

[BLACKVERNA]

بص نصيحة منى طالما الحمد الله حجزت و دفعت و ان شاء الله هتستلم خلاص متفكرش كتير علشان للاسف كتر الكلام على الفيرنا هيتعبك نفسيا و مش هتعرف تستمتع بالعربية

العربية ما شاء الله حلوة و ناعمه و جراية و الثبات معاك لحد 120 كم بعد كده بتقل و على فكره زيها زى اغلب العربيات اللى فى سعرها اذا مكنش كلهم ، و قطع غيارها متوفرة و العيوب بتاعتها بتتحل فى التوكيل بسهولة

حافظ عليها و صونها فى المواعيد و ان شاء الله هتعييش معاك و هتستريح معاها

و اى سؤال انا فى الخدمة

[Hossam.Hamdy]

ان شاء الله خير.....المصنع حاليا فى اشراف كورى على العربيات اللى بتتقفل فى مصر ..اطمن يعنى....ان شاء الله هتكون كويسه و مفيهاش حاجه

[kabos]

الف مبروك عليك وربنا يباركلك فيها العربية ماشاء الله حلوة ومريحانى بجد ناعمة و بتجرى هو ممكن زى ما قال الاعضاء اللى قبلى ثباتها شوية بعد ال120 مش تمام غير كدة العربية كويسة وبتوفر بنزين معايا

[citadeldeath]

يا صديقي العزيز، العربية كويسة متقلقشي منها، بس زي ما الأعضاء الآخرين قالولك حافظ على صيانتها في الميعاد، ونصيحة مني غيّر العجلات بتاعتها كلها لو جالك فرصة.. لأن ده هو عيبها القاتل..