صوت في الفتيس بتاع الانترا 2016

[شريف حجازي]

السلام عليكم ورحمة الله الاخوة الاعزاء تحياتي لكل اصحاب المنتدي الكريم
كان عندي استفسار لكل الي راكب لانترا 2016 الفتيس الجديد
لما بجيب وضع p بسمع صوت تكة ملحوظة في عصاية الفتيس ولما روحت التوكيل قالي لازم الاول تجيب n قبل ما تجيب p هل الكلام ده صحيح وخصوصا التكة دي بتظهر احيانا واحيانا لا وبرضو لما بجيب الn احيانا مش بتظهر واحيانا بتظهر وخصوصا لو انا واقف في اشارة واجيب p بسمع صوت التكة وبحس ان العربية اتحركت كان حد بيززززقها من ورا وبتقف علي طوول هل ده عيب في الفتيس ولا كل الفتيسات كدة بتاع ة2016 لاني لسة جايبها زيرو ومكملتش 10000 كيلو وشكرا للجميع

[mhf_77]

اول حاجة متجبش ال p وانت فى اشارة مرور او واقف بالعربية لاى سبب انت بتجيبه فى حالة مغادرة العربية فقط لكن الاشارات والوقوف المتكرر بتستخدم المور n اما لما تيجى تستخدم وضعية الباركينج p او مارشدير r فدول بالذات تستخدمهم بحرص وتنتظر ثانيتين قبل ما تغير ليهم من اى وضعية تانية ولازم تكون العربية واقفة تماما وتكون انت دايس فرامل بصورة كاملة عشان التروس ولما تيجى تركن خلاص اولا بتقف وتشد الهاند وبعد كده تجيب pعشان وزن العربية تحمل على التيل مش على ترس الفتيس

[شريف حجازي]

شكرا لحضرتك بس انا فعلا بكون واقف تماما لما بجيب p واحيانا بسمع الصوت واحيانا لا هل ده معناه فية عيب في ترس الفتيس ولا طبيعي الصوت ده وهل حضرتك بتسمعو برضو وشكرا لحضرتك

[soltanfriend]

انا معايا النترا 2015 والصراحه الحمد لله مفيش اى صوت غير طبيعي فى كل الاوضاع

[mohamed sedaa]

ده كده مش طبيعي. و مش لازم ارجع عليn قبل الp .
انصحك تروح التوكيل تعمل شكوي محترمه لسببين : 1- هيونداي لسه بتجرب النوع ده من الفتيس لاول مرة اسمه cvt (continous variable transmission
وارد جدا يكون في عيب في الصناعة.
2- طالما الصوت بيروح وييجي يبقي في مشكلة . لو كان الصوت ده حتي موجود علي طول كنا نقول هي كده الطبيعي لكن الواقع من السيارات اللي ركبتها بالفتيس ده ان ملوش صوت .

[soltanfriend]

ده كده مش طبيعي. و مش لازم ارجع عليn قبل الp .
انصحك تروح التوكيل تعمل شكوي محترمه لسببين : 1- هيونداي لسه بتجرب النوع ده من الفتيس لاول مرة اسمه cvt (continous variable transmission
وارد جدا يكون في عيب في الصناعة.
2- طالما الصوت بيروح وييجي يبقي في مشكلة . لو كان الصوت ده حتي موجود علي طول كنا نقول هي كده الطبيعي لكن الواقع من السيارات اللي ركبتها بالفتيس ده ان ملوش صوت .

الفتيس دا اوتوماتيك 6 سرعات مش cvt زى بتاع نيسان و هو هو بتاع ال2012 بس شكل العصايا الخارجى هو اللى مختلف فى الفيس ليفت الجديد

[mohamed sedaa]

الفتيس دا اوتوماتيك 6 سرعات مش cvt زى بتاع نيسان و هو هو بتاع ال2012 بس شكل العصايا الخارجى هو اللى مختلف فى الفيس ليفت الجديد

كلام حضرتك صح . انا حصل عندي التباس. بس لا يزال الصوت ده مش صح

[soltanfriend]

فعلا واضح ان فيه مشكلة
رأيي روح علي توكيل العبور وقابل مدير الصاله هو تقريبا اسمه شريف شعره ابيض شخصيه محترمه جدا وبيطلع يجرب العربية بنفسة وامين
وماتقلقش ان شاء الله حاجه بسيطة وتتحل