سؤال هام بخصوص هيونداى أكسنت

[engwalid]

السلام عليكم

أنا عايز أشترى أكسنت وفيه رأيين:
- ناس نصحونى أشترى موديل 2000 لأنه تقفيل كورى والعربيه ثابته وناعمه ومتينه أكتر من الموديلات الأحدث زى 2006.
- ناس تانيه بتقول موديل 2000 ده من 9 سنوات حتى لو تقفيل إيه فموديل 2006 أفضل.

عايز رأيكم ضرورى فى الرأيين.

وشكرا

[heshaaam]

لا اشترى بعد 2000

احسن وبيعها افضل وطبعا الحالة

[abouelmaggd]

باشا انا معايا 2005 لسه جايبها من 4 شهور ، كويسة جدا الحمد لله توكل على الله و هات الحديث .

[engwalid]

شكرا هشام و أبوالمجد على الرد .

[SMHM2008]

اناعندى اكسنت2002 وعندى من2002 الى الآن وماشية زى الفل

[engwalid]

شكرا Smhm2008 ، وربنا يبارك لك فيها ...

[moudy2002]

باشا الاكسنت اخر الكورى بنتاعها 99 بعد كدة التقفيل مصرى فى غبور باشا
عربيتى 2000 موتور 1500 ومصرى .. ودية معلومه انا على يقين منها
عموما ربنا يوفقك للخير على العمموم العربية انا شاريها مستعملة من سنة ونص والحمد الله مفيش مرة مدرتش منى بس حافظ عليها واصرف عليها وهى هتريحك وراى الشخصى انك تجيب ال 1500 احسن بس دة اخرة 2001 .
وانا تحت امرك فى اى سؤال
ربنا يكرمك وجيب حاجة كويسة
شكرا

[engwalid]

شكرا moudy2002 ، وربنا يبارك لك فيها ...

[dr_walid]

ياريت يا اخى تقول لى لية اخبار قطع الغيار بتاعت الكسنت 99 علشان ناوى اعملها صيانة

[zeka127]

انا عاوز اشترى اكسنت 2004 او 2005 او 2006 انا كنت محتار مابين لانوس وبروتون ويرا والاكسنت دى بس كل الناس نصحونى ان الاكسنت احسنهم فانا كنت محتاج اعرف عيوبها ومزاياها وقطع غيارها واهتم بأيه لما اكشف عليها ياريت لو حد ممكن يفيدنى

[zeka127]

اه وسعرها فى حدود كام يعنى انا قدامى واحده 2005 صاحبها طالب 55 الف وانا اعتقد ان ده كتير اوى عليها هى فى الاربعينات تقريبا

[galalology]

انا عاوز اشترى اكسنت 2004 او 2005 او 2006 انا كنت محتار مابين لانوس وبروتون ويرا والاكسنت دى بس كل الناس نصحونى ان الاكسنت احسنهم فانا كنت محتاج اعرف عيوبها ومزاياها وقطع غيارها واهتم بأيه لما اكشف عليها ياريت لو حد ممكن يفيدنى

عيوب الاكسنت العفشه خشنه وبتتفكك بسرعه .والصالون مش واسع

[hefzyhefzy]

مميزاتها أقتصادية وقطع غيارها رخيصة و ناعمة و تكييفها قوى عيوبها بسيطة الثبات على السرعات مش أوى وعدم وجود باور

[hefzyhefzy]

55000لو حالتها كويسة خدها الموديل ده علشان خلص سعره رفع

[ahmedsiyam]

الاخ صاحب الموضوع

انا كان معايا اكسنت 1500 كاملة مو 99 و تقفيل مصرى
وصدقنى زيى الفل ماشاء الله و بالعافية بعتها و اديتها لواحد صاحبى ماديتهاش لغريب لانها كانت زيى الفل
الاكسنت انا شايفها عربية كويسة مافيهاش مشاكل خالص و الـ 1500 احلى بكتير من الـ 1300 و افضل و اداء احسن
عايز رايى هات 1500 و اى موديل يعجبك يشترط الحالة طبعا
قطع غيارها متوفرة و موجوده فى كل مكان و فى ميكانيكية كتير بيفهموا فيها