فيرنا كسر زيرو ولا فيكترا سي

[theman]

سلام عليكم انا معايا حوالي 85000 وممكن ازودهم شوية لحد 90 وبفكر اجيب فيرنا موديل 2015 او 2016 كسر الزيرو عداد قليل جدا اقل من 20000 كيلو وبقارن بينها وبين الفيكترا سي انا عايز عربية قوية بتاعة سفر ومرمطة ومش هفكر ابيع قبل 8 سنين علي الاقل ففكرت في الفيرنا علي اساس اني هجيبها زيرو اركبها وانساها ومعروف ان الفيرنا قطع غيار رخيصة وصيانة سهلة واقتصادية في البنزين و موديلها جديد اما الفيكترا سي طبعا الماني وفخمة وقوية ومتينة قطع غيارها غالية بس معمرة لكن موديلها بعيد شوية 2007 او 2008 مش بسهولة الاقي منها حالة كويسة هما الاثنين تقريبا نفس السعر هيكون انا عايز عربية معمرة ارجو الرد من الخبراء فيرنا زيرو افضل ولا استني لما الاقي فيكترا سي حالتها ممتازة افضل ؟

[ahmed.zahra]

و الله لو انت قد مصاريف الفيكترا سي يعني قطع الغيار ذات الأسعار المرتفعة و الصيانات (المصنعيات) المرتفعة اشتريها بدون تردد لأنها ممتازة في السفر من حيث الثبات في السرعات العالية و توافر وسائل الأمان من أير باج و فرامل abs . انما لو عايز حاجة سهلة و قطع غيارها رخيصة و متوفرة في كل مكان و اي حد يصلحها بس مش أمان في السفر يبقى اشتري الفيرنا. و ربنا يوفقك لاختيار ما فيه الخير لك

[theman]

و الله لو انت قد مصاريف الفيكترا سي يعني قطع الغيار ذات الأسعار المرتفعة و الصيانات (المصنعيات) المرتفعة اشتريها بدون تردد لأنها ممتازة في السفر من حيث الثبات في السرعات العالية و توافر وسائل الأمان من أير باج و فرامل abs . انما لو عايز حاجة سهلة و قطع غيارها رخيصة و متوفرة في كل مكان و اي حد يصلحها بس مش أمان في السفر يبقى اشتري الفيرنا. و ربنا يوفقك لاختيار ما فيه الخير لك

هي ايه مشاكل الفيرنا في السفر انا كنت هشتريها حاجة كسر الزيرو موديل 2015 أو 2016؟

[theman]

انا بفكر فعلا في الفيكترا سي وعجباني بس خايف مصاريفها تكون اكتر من المتوقع وتبهدلني خايف تفتح معايا فتحة انا مش قدها ففكرت ان نفس السعر ممكن يجيبلي حاجة كسر زيرو زي الفيرنا انا عايز حاجة اركبها و انساها واسافر بيها وانا مطمن ومش هفكر في البيع قبل 8 سنين علي الاقل ايه نصيحة حضرتك ؟

[msobhy]

حضرتك ما ينفعش بأى حال من الاحوال تقارن بين الاتنين خاااااااالص
فيكترا سى عربيه محترمه جدا مصروفها عالى
فيرنا عربيه متواضعه جدا جدا جدا واقل من الفيكترا فى كل حاجه كا عدا سرعة اعادة البيع وشويه التسارع

مقارنه ظالمه جدا يا صديقى

[ahmed.zahra]

انصحك بشراء نيسان صني سوبر صالون موديل 2009 أو 2010 بالمبلغ اللي معاك ده. المبلغ ده ممكن تشتري عربية فابركية برة و جوة و بحالة ممتازة. ة هي عربية محترمة جدا ثابتة جدا على الطريق و فيها من وسائل الأمان 2 إير باج و فرامل abs , ba. و هي عربية صالونها شيك و واسع و قطع غيارها أسعارها معقولة جدا و إعادة بيعها كويس جدا. يعني لما تحب تبيع حتبيع بسرعة و بسعر كويس. و العربية دي تقيلة جدا على الأرض و التسارع بتاعها ممتاز. أنا أرشحهالك جدا و لو اشتريتها حتدعيلي. انا معايا عربيتي 2009 و مريحاني جدا جدا جدا و مش للبيع :)

[adel1212]

انصحك بشراء نيسان صني سوبر صالون موديل 2009 أو 2010 بالمبلغ اللي معاك ده. المبلغ ده ممكن تشتري عربية فابركية برة و جوة و بحالة ممتازة. ة هي عربية محترمة جدا ثابتة جدا على الطريق و فيها من وسائل الأمان 2 إير باج و فرامل abs , ba. و هي عربية صالونها شيك و واسع و قطع غيارها أسعارها معقولة جدا و إعادة بيعها كويس جدا. يعني لما تحب تبيع حتبيع بسرعة و بسعر كويس. و العربية دي تقيلة جدا على الأرض و التسارع بتاعها ممتاز. أنا أرشحهالك جدا و لو اشتريتها حتدعيلي. انا معايا عربيتي 2009 و مريحاني جدا جدا جدا و مش للبيع :)

فعلا الاختيار ده انسب و وسط بين الاثنين
تحياتي و تمنياتي بحسن الاختيار

[msobhy]

لو معايا 90.000 هافكر اجيب العربيات ديه
النترا 2010 مانيوال او النترا 2007-2008 اوتو - وان كنت افضل 2010 - 2011
هافكر فى السيراتو
هازنق نفسى وافكر فى الشارك Lancer EX

انا حمايا معاه فيرنا - وللأسف معظم اصحابى معاهم فيرنا - وانا بأكد لك - أياك والفيرنا
انا معايا النترا 2010 - 130.000 كيلو - يعنى العربيه طالع عينها بقى لها 6 سنين
قارن ما بين عربيتى و مابين فيرنا 2016 - يمكن تلاقى الفيرنا صوتها اهدى من عربيتى بعد كده مفيش وجه للمقارنه

بلاش فيرنا يا صديقى

[theman]

لو معايا 90.000 هافكر اجيب العربيات ديه
النترا 2010 مانيوال او النترا 2007-2008 اوتو - وان كنت افضل 2010 - 2011
هافكر فى السيراتو
هازنق نفسى وافكر فى الشارك lancer ex

انا حمايا معاه فيرنا - وللأسف معظم اصحابى معاهم فيرنا - وانا بأكد لك - أياك والفيرنا
انا معايا النترا 2010 - 130.000 كيلو - يعنى العربيه طالع عينها بقى لها 6 سنين
قارن ما بين عربيتى و مابين فيرنا 2016 - يمكن تلاقى الفيرنا صوتها اهدى من عربيتى بعد كده مفيش وجه للمقارنه

بلاش فيرنا يا صديقى

السيراتو والشارك مستحيل تلاقيهم ب 90000 لو لقيتهم تبقي الحالة تعبانة بس كل العربيات اللي حضرتك قولت عليهم الينترا - سيراتو - شارك لما اقارنهم بالفيكترا سي كلهم يخسروا

[theman]

حضرتك ما ينفعش بأى حال من الاحوال تقارن بين الاتنين خاااااااالص
فيكترا سى عربيه محترمه جدا مصروفها عالى
فيرنا عربيه متواضعه جدا جدا جدا واقل من الفيكترا فى كل حاجه كا عدا سرعة اعادة البيع وشويه التسارع

مقارنه ظالمه جدا يا صديقى

انا قارنت بينهم من ناحية ان الاتنين نفس السعر تقريبا بس بصراحة كل الناس اجمعت علي الفيكترا سي والفيرنا خسرت المقارنة وانا بدات فعلا ادور علي فيكترا سي وربنا يكرم بحاجة نضيفة وشكرا لكل اصحاب الردود ناس محترمة والله

[msobhy]

السيراتو والشارك مستحيل تلاقيهم ب 90000 لو لقيتهم تبقي الحالة تعبانة بس كل العربيات اللي حضرتك قولت عليهم الينترا - سيراتو - شارك لما اقارنهم بالفيكترا سي كلهم يخسروا

خلى بالك من نقطه مهمه جدا - انك تقارن العربيات ديه بالفيكترا سى - طبعا الفيكترا هاتكسب
لكن فيه حاجه مهمه جداااااااااااااااااااااااااا
الفيكترا سى عايزه محافظه عليها من نااااااااااااار - صيانات فى التوكيل او فى مكان محترم جدا
فيه ناس بتقولها ليل نهار انهم طالع عينهم بسبب مشاكلها الكتير اللى مش بتخلص ومصروفها كبير جدااااااااااا

وبرضو ده يرجع لك ولظروفك الماديه
بمعنى انا ممكن اشترى عربيه ب 150.000 لكن مستحيل اجيب فيكترا سى مع انى بحبها جدا ومع زميلى فى الشغل - لأن امكانياتى الماديه ما تسمحش بمصروف الفيكترا سى

بخصوص الاسعار انا متأكد انك ب 90.000 - 95000 تقدر تجيب النترا مانيوال فابريكه بره وجوه موديل 2010 - 2011 بحاله كويسه جدا ---- ومن 100.000 الى 110.000 تجيب لك حته اوتوماتيك محترمه

انا قارنت بينهم من ناحية ان الاتنين نفس السعر تقريبا بس بصراحة كل الناس اجمعت علي الفيكترا سي والفيرنا خسرت المقارنة وانا بدات فعلا ادور علي فيكترا سي وربنا يكرم بحاجة نضيفة وشكرا لكل اصحاب الردود ناس محترمة والله

ربنا يكرم ويوفقك للى فيه الخير لك