ماهى اسعار قطع غيارالنيو اكسنت

[semihuman]

الي هيجنني
اشمعنا الافيو منتشره مع ان الاكسنت احسن منها مليون مره و اغلي حاجه بسيطه و تقفيل كوري؟!

[حماده المصري]

الافيو يعتبر عربيه ليها تاريخ كبير جدا لانها بديله لانوس والانوس كانت متفوقه على الاكسنت القديمه

وبالتفكير المنطقي للشعب المصري الافيو افضل من النيو اكسنت

اي اب هيفكر يشتري هياخد الافيو وهيقول تعليق رياضي اعمل بيه ايه

[semihuman]

الحاجه الي تضحك ان الافيو عربيه محظوظه لانها بردو في امريكا اكثر انتشارا
الاولي ياريس
الثانيه افيو
الثالثه اكسنت

حسب نسبه الانتشار في امريكا
بس انا بردو لسه بشوف الاكسنت بلونها الاسود مع جنوط بتبقي النترا صغيره

[SAMEHNOSHI]

انا بردة شايف ان النيو اكسنت احسن بكتير من الافيو و كانت مفروض تنتشر عن الافيو بس اعتقد انها منتشرتشى بسبب ان قطع غيارها غليا شوية على الفئة بتاعتها و كمان بسبب ان غبور لسة بينزل الفرنا و عقلية الشعب المصرى بتدور على عربية قطع غيارها رخيصة زى الفرنا و الشاهين و خلافة , و دة راجع لطبيعة الشوارع المصرية السيئة و الهمجية فى السواقة, و عدم توافر الشرطة فى حالة الحوادث و خلافة

[semihuman]

بس مش شايف حد علق خالص علي موضوع استهلاك البنزين
المفروض ان ماتور النيو اكسنت انه Cvvt
يعني بيوفر في البنزين
ياريت لو حد يقولنا رايه في موضوع البنزين ده
وهل الماتور 1600 احسن في التوفير من 1400؟
وياسلام لو حد مجرب الاستهلاك في عربيات تانيه 1600 زي الصني بالذات او الافيو

[boody832]

يا جماعة يا ريت تردوا عليا اجيب كيا ريو اتوماتيك ولا نيو اكسنت اتوماتيك ياريت تقولولي لاني في حيرة كبيرة مع ذكر اسباب ترجح اي عربية فيهم ممكن اشتريها فعلا مع العلم اني هشتريها تقسيط فا مش عايز ادفع قسط في عربية تطلع بعد كدة مش كويسة

[SAMEHNOSHI]

النيو اكسنت و الكيا هما الاثنين زى بعض تماما فى كل حاجة و حتى قطع الغيار معظمها واحدة و يركبوا على بعض, النيو اكسنت فى منها 1400 سس, و 1600 سس, و الريو بالمثل و نفس الماتور بس اللى بتنزل فى مصر دلوقتى 1400 سس بسى, الفرق فى شكل العربيتان بس و التوكيل, انا عن نفسى بفضل شكل الريو بس دى فى النهاية مسائلة ازواق, وكمان بفضل توكيل الكيا لانة مش زحمة زى توكيل الهيونداى

[heshaaam]

طبعا النيو اكسنت 1600 الريو 1400

وهتفرق ف اعادة البيع

الاستحمال النيو اكسنت واسال بتوع تاكسى العاصمة

موتور النيواكسنت حديث زى موتور السيراتو

الريو قليلة ف قطع الغيار والبيع

[boody832]

يعني يا جماعة انتوا شايفين النيو اكسنت اتوماتيك افضل من الريو .. مع العلم ان فية ناس رشحت ليا افيو اتوماتيك انا محتاااااااااااااااااااااار جدااااااااااا

[mando_07]

lw mtfr2sh m3ak an el3fsha 5shna shwya yb2a a7sn 3shan antsharha w el resell w tb3n motorha akbr mn elrio

[hishamnasr]

الريو الاتوماتيك هي 1600

انا معايا نيو اكسنت وكنت عاوز اشتري الريو لولا مشكلة توكيل كيا الاخيرة .
انا عاوز اقول ان الريو الاتوماتيك هي 1600 حسب ما كنت في التوكيل .

وراي ان الريو افضل من حيث التوكيل والعربية نفسها

وممكن تسال المهندس المحترم / كريم منير كان معاه وحده

[boody832]

يا ريت حد يرد علنينا في موضوع ان الريو الاتوماتيك 1600 زي الاكسنت ولو هي كدة فعلا يبقة هي احسن من الاكسنت ولا اية