عملت حادثة و محتاج استشارة

[drabdulrahman]

السلام عليكم
انا عملت حادثة و خبطت في حجر. الرادياتير اتعوج و القنطره و ناحية من اللي ماسكين فيها القنطرة اتنت حاجة بسيطة. محتاج استشارة من حد يفهم في سمكره الفيرنا ضروري انا مخنوق جدا

[drabdulrahman]

القنطرة اتعوجت خالص يا جماعه. بس ناحية من اللي ماسكه فيها القنطرة اتنت حاجة بسيطه. انا مش عارف الموضوع حجمة قد ايه محتاج حد يفهمني

[scientist9508]

لا أنصح بإستعدال القنطره . . أفضل شراء قنطره جديده

[ahmed.zahra]

حضرتك ممكن تروح لعفشجي و هو حيقولك اذا كان القنطرة دي حينفع فيها استعدال و لا محتاج تغيرها او تغير حاجة تانية معاها. و ربنا يعينك و قدر الله و ما شاء فعل

[akrameladl]

لازم نشوفها عشان نعرف هينفع فيها استعدال ولا لاء عندك صورة ليها ؟
بالنسبه للردياتير غيرة علطول من غير تفكير

[gamal_sharaf]

إن شاء الله الموضوع بسيط
انا اقترح انك بعد ما تروح إلى العفشجى وتفك القنطرة تشوف في حاجة تانية ولا لاء
وبعد كدة تجيب الحاجة اللى باظت وتروح على طول على واحد من بتوع تقطيع السيارات المستوردة
زى سوسو اللى في الهرم شارع اللبينى
تشترى منه قطرة ولاديتير واى جزء اخر اتوج في العربية تشترية استيراد
عشان ترجع كل حاجة زى ماكانت بالظبط
وربنا يستر طريقك
ابقى خلى بالك

[drabdulrahman]

شكرا علي ردودكم يا اخوانا انا فعلا اشتريت قنطرة الراجل قالي مش هينفع تتعدل جبتها استيراد. و الرادياتير اتطبق بس متخرمش و الميه اللي خرت لان الخرطوم هو اللي فك. عادي استعدل الرادياتير ولا برضو اغيره يا جماعه؟

[ahmed.zahra]

طالما ماتخرمش يبقى عادي ممكن ما تغيروش

[drabdulrahman]

غيرت القنطرة و ركبت الرادياتير و السمكري ظبط شوية حاجات كده بس بعد تجربتي الاولي لاحظت الاتي.
فيه هزه كده مع اول تشغيل للعربية.
فيه طقطقة كده سعات بسمعها وانا سايق خصوصا علي سرعات 30 او 40.
قولت اجرب اكسر الدركسيون للاخر و الف لقيت طقطقه.
انا محبط

[MOHAB DX]

بص براحة حكاية انك تلف الدريكسيون للاخر وتسمع طقطقة ممكن تكون الكبالن ضربت وعايزة تتغير
بس متحبطش كل مشكلة وليها حل

[drabdulrahman]

انا دلوقتي روحت بالعربية مشوار. الطقطقة بقي بسمعها في الملفات و خصوصا وانا راجع بضهري. ولما بكون ماشي هادي واعدي مطب. والرجة اللي مع بداية التشغيل دي تطلع ايه يا جماعه؟

[ahmed.zahra]

يا دكتور ارجع للعفشجي تاني و خليه يطلع يجرب معاك و يسمع كل المشاكل دي بنفسه

[alaamousa]

أولا حمد الله على سلامتك يا دكتور
ثانيا لازم تظهر حاجات بعد تشغيل السيارة مكنتش ظاهرة في الأول
ثالثا بعد شرح حضرتك واضح ان الكبالن تلفت ومحتاج تغيير وبص على بارات طرف الميزان والجلب عشان الهزة اللي بتحس بيها
انت مكانك فين ندلك على حد كويس بأمر الله تعالى

[drabdulrahman]

بصو يا جدعان. انا روحت للميكانيكي بتاعي الي متعود عليه و بص عالقنطرة و قالي الطقطقة لان القنطرة مش متربطه كويس و ربطها والعربية رجعت تماااااام الحمد لله.
المهم دلوقتي انا العربية لما اتصلحت المرة الاولي صلحها والدي ووداها لسمكري و عفشجي وثق فيهم و بصراحة بعد ما راجعت الفواتير اتضح انه احنا دفعنا اكتر من اللازم. انا نفسي اروح اقتله الراجل دا قولولي اعمل ايه اهدي اعصابي ازاي دلوقتي

[ahmed.zahra]

استعوض ربنا و قول حسبي الله و نعم الوكيل. و ممكن تروحله تعرفه بس انه حرامي لكن طبعا هو مش حيعترف بكدة و حيفضل يقاوحك و يحرق في دمك ع الفاضي