الحمد لله إستلمت عربيتى الماتركس 2008 اوتوماتيك

[bassam nagy]

الف مبروك وربنا يباركللك فيها ويديك خيرها ويكفيك شرها

[khaledSML]

الف مبروك على العربية وعقبالى اصل انا مستنى استلم الانترا انتم السابقون ونحن ان شاء الله بكم لاحقون
بس انا لى عندك سؤال وانت بتستلم العربية مكنتش خايف وانت بتسوقها اصل انا خايف من قبل ما استلمها وكمان عايز اسألك قمت بالتامين عليها والا لا وبكام القسط الشهرى
واخيرا الف مبررررررررررررررررررروك

شكرا للجميع

وأسف للتأخير.....

بصراحة فعلا انا كنت خايف فعلا ويا جماعة دى اول عربية زيرو لى...يعنى ربنا يستر...ههههه وعلشان كنت خايف واحد قريبي هو الى ساقها وجبها لى كمان فى المعادى
على فكرة انا ربنا وفقنى فيها انها كورى 2008 اوتوماتيك وخليجى يعنى الشكل القديم كمان وبصراحة عمرى ما كنت بافكر فى العربية دى...يعنى كان نفسي فى الأوبترا او لانسر....بس بعد دراسة السوق (يعنى على قدى كده ومبشورة ابن خالتى الى يعرف كتيير فى السوق) فهيونداى مأمونة وعربية ذات كفاءة وإعادة سعر بيع كويس كمان وبصراحة قعدت أمام الدريكسيون فى أكتر من عربية استريحت أكثر فى الماتركس.

انا لسه بأفكر فى موضوع التأمين من أصله..

وحاقوم فى رد تانى بشرح وتقييم السيارة ان شاء الله

كل سنة وانتم طيبين ونفسي اسمع رد على رأيكو فى السيارة..

[mohamedfadel]

ألف مبروك, أختيار موفقك
ربنا يبارك لك فيها ان شاء الله

[nourhassanien]

بسم الله الرحمن الرحيم

الحمدلله انا كمان معاى ماتريكس 2009 خليجي ( الشكل القديم )

[nourhassanien]

بسم الله الرحمن الرحيم

الحمدلله انا كمان معاى ماتريكس 2009 خليجي ( الشكل القديم )
وهى فعلا بيكون فيها كماليات زيادة ..مثل ( ماسحة الزجاج الخلفي - الـ Air Bag - ABS
وكمان التكيف فيها اقوى شوية من عربيات غبور
لكن سعرها اغلى شوية ان اشتريتها بحوالى 95 الف مع العلم انها الشكل القديم وعربيات غبور سعرها حوالى 89 إلى 92 ألف
وكمان انا مرة حبيت اشترى من غبور قطع غيار لها ... الموظف اللى هناك رفض لما عرف انها خليجى ومش تبع غبور
طبعا عرف من خلال رقم الشاسيه لما دخله على الكمبيوتر ( ودى نقطة حلها بسيط .. ارسلت اخى برقم شاسيه لعربية واقفة فى الشارع )

ياريت ترد علينا وتقولنا انت دفعت كام ...؟؟ وكمان ايه الكماليات الزيادة اللى فيها ؟؟؟
وربنا يعطيك خيرها ويكفيك شرها

[khaledSML]

[
الحمدلله انا كمان معاى ماتريكس 2009 خليجي ( الشكل القديم )
وهى فعلا بيكون فيها كماليات زيادة ..مثل ( ماسحة الزجاج الخلفي - الـ Air Bag - ABS
وكمان التكيف فيها اقوى شوية من عربيات غبور

مبروك عليك معلش ردى متأخر...كنت اعرف انه لايوجد غير الشكل الجديد وبينزل بس من 2009 اصلا..!
وكمان انا معنديش abs !!

مبروك على كل حال