إهتزاز عالى فى المحرك عند السير

[تامر راغب]

السلام عليكم ورحمة الله وبركاته
كنت فى الشغل لمدة أسبوع وسايب عربيتى مركونة ومتغطية فى الجراج زى الفل ولما رجعت مبارح بدورها لقيت هزة ورعشة بصوت عالى فى الموتور فنزلت بصيت لقيت الموتور بيتهز وهى مدورة ولما مشيت بيها فضل الإهتزاز موجود لحد ماركنتها والنهاردة نفس الشئ حصل وطبعا علشان الأحد مفيش ميكانيكية فاتحين
ياترى الإهتزاز ده سببه ايه ؟ وايه علاجه ؟
وهل خطر انى مشيت بيها كدة
ملحوظة السحب كان زى الزفت
عربيتى ماتريكس اوتوماتيك 2009
ممكن حد يفيدنى ؟؟؟؟؟

[Mecha]

ابسط شيء البطاريه مريحه من الركنه والبرد . خدها مشوار وشوف

[pepo2011]

ممكن بطارية وممكن بوجيهات مرطبة

[Abo_Mazen]

ممكن بوجيهات فعلا

[ahmed.zahra]

أكيد البوجيهات اخدت رطوبة غيرهم و المشكلة حتتحل. ما تقلقش بسيطة ان شاء الله

[Mecha]

يعني ايه البوجيهات اخدت رطوبه ؟؟؟؟
العربيه كانت دايره كويس من اسبوع

وشكرا

[Abo_Mazen]

يعني ايه البوجيهات اخدت رطوبه ؟؟؟؟
العربيه كانت دايره كويس من اسبوع

وشكرا

ما هي ممكن البوجيهات كانت على تلكيكه برضه

[تامر راغب]

أنا فعلا رحت لكهربائى واشتريت طقم بوجيهات أصلى والحمد لله
المشكلة راحت بس الكهربائى كهربنى لما قاللى الموبينة عليهاا زيت ومياه لكن رحت لميكانيكى قاللى مفيش مشكلة خالص