مشكله misfire في اكسنت 2007 امريكيه

[Abadi.89]

بسم الله الرحمن الرحيم
السلام عليكم و رحمة الله و بركاته
هذه اول مشاركه لي
امتلك سيارة نوع اكسنت 2007 امريكيه
السيارة كانت ماشاءالله فجأة و انا في السريع بسرعه 160 km علامة التشك تومض بسرعه و عند الوقوف عداد rmp يتحرك بسرعه اعلى رقم واحد و ينخفض و عند اعادة التشغيل تختفي كل شي....
على الكمبيوتر تطلع misfire و جربت كل شي غيرت حساس اكسجين و الشمعه و الرشاشات و لازالت نفس المسكله و لا تتعدى 120كم و عند سرعة 120 اضغط على زر الاوفر يعلى صوت المتور و تحدث زي الكبت للسياره
الرجاء و بعد الاسف على الاطاله ما حل هذي المشكله!!!





تم تعديل العنوان ليتناسب مع المحتوى
م.ع 7

[Nader]

وعليكم السلام ورحمة الله وبركاته
اولا اهلا بك في نايل موتورز :)
ثانيا لما بتدوس على زرار الوفر درايف انت اكنك سقطت نقلة على سرعة 120
الفتيس الاوتوماتيك 4 سرعات اامية فقط وواحدة خلفية
لما هتشغل زرار الاوفر درايف وانت فوق 120 الفتيس بينزل على الغيار الثالث
لان زرار الاوفر درايف بيمنع الفتيس من الوصول للغيار الرابع
متشغلش الاوفر درايف الا لو انت محتاجة فعلا زي مثلا لو محمل العربية او بتقطر عربية خلفك مثلا
لكن لو انت ماشي في طرق عادية متشغلش الاوفر درايف علشان تريح الموتور.

لو غيرت الحساسا ومتاكد ان الحساس الجديد سليم اكشف على كبلات البوجيهات الاربعة، ممكن تكون المشكلة من واحد منهم.

[tasaka]

على حد علمى .. عيب ال misfire موش من العيوب البسيطه

لمبه التشيك :
1- اضاءه مستمره تعنى وجوب عيب يستلزم الصيانه قى اقرب وقت .. و لكن لا تمنع من استعمال السياره لفتره
2- اضاءه متقطعه ( زى الفلاش ) .. تؤشر لعيب خطير .. و تستلزم التوقف الفورى و الاصلاح الفورى للعيب

على فكره لو فتحه البوجيه Gap اكير من اللازم تعمل misfire برده .. اتاكد ان البوجيه اللى راكب هو بتاع العربيه .. راجع كود البوجيه

[SHERBINII]

عندك اربع كويلات فوق البوجهات واحد فيهم أو أكتر من واحد محتاج تغيير ويفضل تغير الأربعة عشان بيأثروا على بعض وحتغيرهم بنسبة كبيرة واحد ورا التاني على فترات متقاربه

[tasaka]

انت موضحتش رقم الكود بالتحديد

عموما دول رابطين بيوضحوا اسباب ال misfire .. الاسباب كتيره جدا .. و لكن راجع على الاسهل اولا

الرابط الاول
ده كود خطأ لبستم محدد رقم 4 .. P0304
P0304 - OBD-II Trouble Code

الرابط الثانى
ده كود عام لحدوث عشوائى لل misfire .. P0300
OBD-II Trouble Code: P0300 Random/Multiple Cylinder Misfire Detected


الرابط الاول يبين بعض التشخيصات الخاطئه الشائعه لهذا الكود .. و لكن لاحظ انها مدرجه كاسباب محتمله لحدوث الخطأ فى الرابط الثانى

Common Misdiagnoses

• Fuel Injectors
• Oxygen Sensor(s)
• Powertrain/Drivetrain problems

عموما ابدأ بالسهل .. الغير مكلف اولا

- مراجعه بوجيهات و اسلاك بوجيهات و الكويل coil
- راجع تسريب فى خراطيم الشفط Vacuum leak
- راجع ال EGR و فكه و تنظيفه لو كان مسدود
- راجع ضغط طلمبه البنزين
- راجع حساس الكامه

بالتوفيق