انا اتنصب عليا يا رجاله :) :) في مودرن سيرفيس المطار

[msalama]

النهارده رحت مودرن سيرفيس اللي خلف المطار كان عندي شويه حاجات كده و قلت بالمره اعمل صيانه الاربعين اللي هي المفروض تغير بوجيهات و فلتر بنزين و زيت موتور المهم قلتله مش عايز اغير زيت انا لسه مغيره عامل 3000 كيلو دخلت العربيه و خلصت و طلعنا نجرب كله كان تمام الحمد الله و كل حاجه متظبطه دفعت و مشيت بس للاسف ما راجعتش الفاتوره
بعد ماروحت البيت لقيت 330 جنيه غيار زيت و 130 مصنعيه غيار زيت

[ahmedshady]

330 زيت ممكن نقول ماشي
انما 130 جنيه كمان مصنعية تغيير زيت بس؟؟

[Mecha]

لو مركز خدمه معتمد وهيختم في الكتاب لزمن يغير زيت وفلتر .والا يرفض يدخل العربيه

[Darsh Shoman]

أنا من الشرقية و أنا معايا عربيتي بقالها 4 سنين .. صحيح كنت شاريها مستعملة استعمال سنتين و ماشية 60 الف كيلو , بس عمري ما دخلت مركز صيانة و لا فكرت اروح التوكيل غير مرة و انا بنقل ترخبص العربية عشان مكنتش لاقي مكان رقم الموتور
غير كده , لما العربية لا قدر الله بيحصل فيها حاجة , بخلي صنايعية من عندي من البلد يحلوها و انا بنزل بنفسي ادور على احسن حاجة و اجيبها و يركبوا و بعد ما يطلع و لا مؤاخذة مايتين اللي خلفوهم يوم كامل يطلب مصنعية 50 جنيه مثلا و احيانا 20 و 30 بس و الله مرة سمكري ردلي خبطة في باب العربية و اديته سجارة lm و مشيت .. بغير زيت مثلا شيل الاصفر 5000 كيلو ب 120 جنيه و معاه فلتر زيت هدية .. 120 جنيه اول عن الاخر , تمن جركن الزيت و المصنعية .. بغسل العربية فوق و تحت و جوه و بره و تشحيم و تلميع و برفنة و معطر و الذي منه ب 25 جنيه .. عربيتي الحمدلله زي القردة معايا , و جراية و ثابتة و رايقة و حتى لو عندي شكوى دايما بتبقى من الطرق مش منها
بجد مش فاهم الاسعار في القاهرة ليه كده .. و انتوا قابلين على نفسكم ليه كده .. أنكم تروحوا لمكان انت عارف و متأكد ان تكلفة السلعة 10 جنيه مثلا و هو بيعرضها عليك ب 100 جنيه و مع ذلك انت قابل انك تاخدها .. هل الاقتصاديات في القاهرة مختلفة عن باقي المحافظات و اللاه ايه بالظبط انا مش فاهم مع العلم ان اغلب الموظفين او العمالة اللي عندنا بتقبض نفس مرتبات القاهرة و اغلبهم بيشتغل في القاهرة اساسا ^_^
مصنعية تغير زيت 130 جنيه؟؟ ده في دكاترة ياا جدعان كشفها اقل من كده !!

[msalama]

انا كلمتهم النهارده الصبح و قالولي مافيش مشكله هات الفاتوره و نرجعلك الفلوس و زي مايكونوا كده عارفين انهم ماغيروش الزيت لان الرد كان سريع علي التليفون يعني مالحقوش حتي يتحققوا من الموضوع .. و الله اعلم انا حاروحلوهم الاربعاء ان شاء الله

[essamfatthy]

انا كلمتهم النهارده الصبح و قالولي مافيش مشكله هات الفاتوره و نرجعلك الفلوس و زي مايكونوا كده عارفين انهم ماغيروش الزيت لان الرد كان سريع علي التليفون يعني مالحقوش حتي يتحققوا من الموضوع .. و الله اعلم انا حاروحلوهم الاربعاء ان شاء الله

علي فكره ممكن تروح هناك و بعد ما قالولك تعالي حنرجعلك الفلوس يفضلو يمطوحو فيك و يقولولك الزيت كويس و الزيت تم تغييره و حنعملك خصم و حنحط العربيه علي الجهاز و اقيسلك الميه و زييت الفتيس و ده كله فري و يروح ملبسك في حاجه تدفع فيها فلوس تاني ... انا عارفهم مودرن اوتو دول ... عانيت منهم فرع القصر العيني ههههههههههه
يا استاذي الفاضل الزيت ما فيش فيه حاجه غيره بره ... و في كهربائيه و مكيانيكيه احسن من اللي في المراكز دي ميه مره ... علي النعمه المهندس هناك في التوكيل بساله علي صوت في العربيه قعد يلف عليها ساعه و في الاخر قالي اكيد في حاجه لازم نفك الموتور ... و جيت عند واد صنايعي بوريله الصوت قالي ده الفورش و داس عليه سكت الصوت ... يا عم كل الكلام ده اونطه و لا توكيل و لا زفت دول حراميه و احنا اللي راضيين بيهم علي ايه مش عارف ... و علي فكره بقي قطع الغيار في التوكيل كلها بتبقي مضروبه و بيحطوها في علب الاصلي
و برضو عن تجربه
يالله بالتوفيق و ربنا يغوض عليك

[msalama]

رحت النهارده و الناس كانوا محترمين بصراحه و رجعولي الفلوس كامله بعد مراجعه كارت الصيانه اللي دخلت بيه العربيه و ماكنش مكتوب فيه غيار زيت
و اخدت فلوسي في ٥ دقايق و مشيت