استشاره- كاوتش النترا 2011 الشكل القديم

[Eisa]

سلام عليكم يا جماعه
كنت محتاج أغير الكاوتش بتاعى وفى نفس الوقت عايز أزود الثبات بزيادة علرض الكاوتش ل 205 بس لما بصيت على الورقه اللى على القايم ملقيتش فيها 205 ل r15
الرجل بتاع الكاوتش قاللى ينفع عادى بس أنا مقلق ايه رأيكم
انا رافع صورة المقاسات اللى على القايم
العربيه : النترا 2011 الشكل القدبم
r15 185 65 المقاس الحالى:
R15 205 65 المقاس المطلوب

وايه أفضل كاوتش مناسب يركب عليها وسعر حنين ,اللى فيها دلوقتى كومهاك

[aymanshebl]

متابع

[Eisa]

ايه يا جماعه فين رجالة المنتدى.. ياريت اللى يعرف يفيدنا بسرعه علشان المفروض هبدأ اغير الكاوتش ومش عارف أقرر

[msobhy]

رجالة المنتدى ماتت من زماااااااااااااااااااااااااااااااااااااااااااان
شوف يا صديقى انا مركب عندى 195/65/15
وكنت بفكر زيك انى اركب 205/65/15
الفارق ما بين المقاسين ان قطر الكاوتش هايزيد عنك تقريبا نص بوصه يعنى نقول فى حدود 1.25 سم
وطبعا الكاوتش هايعرض معاك 1 سم

قبل كده واحد من الزملاء قال انه مركبه عنده والدنيا زى الفل
وحياة ابوك لو عملتها ابقى ابعت قول لى

[Hany1979]

السلام عليكم و رحمة الله و بركاته,
الرد باختصار من خلال تجربتي انا مركب 205 و15و60 من 3 سنين بدون اي مشاكل.

يصراحة سؤالك ده سالته من 3 سنين و الرجالة هنا افادوني بصراحة ,و و سمعت ان كان واحد مركب 16 و205 و60و كانت بتحك في الرفرف مع المطبات الهوائية و العربية محملة . يعني عشان تركب 16 مستريح لازم يكون 55
والرقم 60 او 65 او 55 ده عبارة عن نسبة الكاوتش للجنط و لما تقل يعني مطبات انشف.
المهم المقاس اللي انا مركبه بصراحة مفهوش اي حاجة غير عيب و احد فقط ان سحب العربية قل حاجة بسيطة بعد تركيب الكاوتش العريض و طبعا ده ولا حاجة مقارنة بالزيادة الملحوظة في الثبات و الفرامل.

علي فكرة انا مركب دانلوب v وكانت عاملة ساعتها حدود 625 , نصيحة مسترخصشي في الكاوتش و الله فلوسك هتلاقيها خصوصا لو بتسافر او مشاويرك طويلة وخلينا ناخد بالاسباب و يا سيدي غير اتنين باتنين

بص برده علي كونتيننتل فردة محترمة بتنزل في الالماني ,بالنسبة للبريدجستون انك بتشتري اسم فقط و فردة ناشفة وبتزحف وده راي المتواضع واسال برده

وانت بتشتري بص علي تاريخ الصنع لان الكاوتش صلاحيته 4 سنين من تاريخ الصنع و طبعا تاريخ الصنع بيكون بلاسبوع و السنه يعني (3815) الاسبوع 38 سنه 2015 و اديها نيتروجين بيحافظلك علي الفردة طريه وبارده وضغطها ثابت

و مبروك مقدما!

[Eisa]

شكرا يا هانى
كلامك صحيح ميه فى الميه
أنا بحثت شويه فى الموضوع ولقيت الموقع ده .. وباختصار بتديله ايه اللى راكب واللى انت عايزه وهو بيعمل الحساب وبيقولك ينفع ولا لا
185-65R15 vs 205-60R15 vs 205-65R15 - Tire and Wheel Plus Sizing | Tire Size Calculator


لو النسبه أقل من 3% معناه ينفع يتركب ومش هيأثر على الفرامل أكتر من كده مشكله فى الفرامل

جربت 205 مع 65 لقيتها مش يتفع
والمواقع دى بتأدى نفس الغرض برده

https://www.tacomaworld.com/tirecalc?tires=185-65r15-205-60r15

Tire Size Calculator & Converter, Tire Size Conversion | Discount Tire