فيرنا الهندية

[ehabomar1987]

السلام عليكم
قريت اخبار من شهر تقريبا عن استيراد التجار الفيرنا من الهند بعيد عن التوكيل وديه لينكات الاخبار اللي نزلت وبتتكلم عن الموضوع ياترا حد عنده اي معلومة عن الموضوع او حتي عن صحة الكلام ده وياترا حد يقدر يتاكدلنا من الموضوع ده ويقدر يجيبلنا تفاصيل عن العربية والاسعار واماكن البيع والمواصفات بتاعت العربية

AutoLente - فيرنا الهندية كرسي في كلوب الوكيل المصري .. ولكن !!

حرب الخليجى والوكلاء فى السويس .. طرح "ألنتر 2017" .. و"فيرنا" الهندية على الرصيف فى مدينه نصر ! - الأهرام اوتو

تجار سيارات يستعدون لطرح “فيرنا الهندية” بـ75 الف جنيه | بورسعيد اليوم

[Mohamed Desoky]

السلام عليكم ورحمة الله وبركاته يااستازى الفيرنا بتاعت غبور مفيش حد عارف من اين ياتى بمكوناتها لان الشركة الكورى وقفت انتاجها من 2004 ولحد2016 مفيش حد عارف بتتجمع فى انهى داهيا غير الهند اللى بتحدف بواقى الزباله ولان مفيش فى بلدنا رقابه على الجوده اومواصفات والسوق مفتوح لاى عربيات فاشله او قطع غيار بايظه المهم دفع الجمارك والمعلوم والتجار اللى هيدخله الفيفا ام 75 الف هما اساسا جايبنها بكام الف دولار وجمارك السيارات 200 فى الميه يبقى ثمنها الاصلى كام ياجماعه فى مصر الوكلاء بيلعبوه لعب كبير وللاسف الدوله عارفه لان الدوله عايزه جمارك وضرائب ومش مهم حماية المواطن لواشترى عربيه مفيهاش اى امان اوباظت مش مهم المهم الضرائب وروح البشر بلا قيمه فى بلدنا

[bluemail]

عليكم السلام
فعلا ياريت لو حد عنده معلومه مؤكده، لان سمعنا ان غبور خلاص وقف تجميع الفيرنا عنده
كمان محتاجين نعرف مواصفات الفيفا ، هتكون زي ما كانت قبل كده 1500 او هتكون بالموتور 1600

[Colin Chapman]

تجار سيارات يستعدون لطرح "فيرنا فيفا الهندية" بـ75 الف جنيه

عليكم السلام
فعلا ياريت لو حد عنده معلومه مؤكده، لان سمعنا ان غبور خلاص وقف تجميع الفيرنا عنده
كمان محتاجين نعرف مواصفات الفيفا ، هتكون زي ما كانت قبل كده 1500 او هتكون بالموتور 1600

تجار سيارات يقومون حاليًا بإنهاء إجراءات الإفراج الجمركي عن شحنة سيارات من طراز "هيونداي فيفا" والمعروفة شعبيا باسم "فيرنا الهندية" من ميناء السويس.

وتعد الخطوة مفاجئة لقطاع السيارات؛ خاصة أن السيارة تقارب في موصفاتها طراز هيونداي فيرنا الذي يتصدر قائمة السيارات الملاكي الأكثر مبيعًا في السوق المحلية بمبيعات وصلت إلى 21.3 ألف وحدة خلال عام 2015، غير ان "فيفا" هندية التجميع.

وتكتسب هذه الخطوة أهميتها من أن السيارة ستجد سوقًا رائجة لها حيث يُتداول داخل سوق السيارات أن سعرها يقدر بـ 75 ألف جنيه فقط؛ وهي ميزة تفتقدها معظم السيارات الكورية، خاصة أن السعر يعتبر المعيار الرئيسي والحاسم في كثير من القرارات الشرائية في السوق المحلية.
ويتوقع أن يؤثر طرح السيارة في خريطة سوق الملاكي على نطاق واسع؛ إذا ما طُرحت بالفعل بهذا السعر.



تجار سيارات يستعدون لطرح "فيرنا فيفا الهندية" بـ75 الف جنيه





فجر أحد تجار السيارات في السويس مفاجأة مدوية في السوق المصري، عندما طرح «هيونداى إلنترا 2017» قبل الوكيل، في سابقة هي الأولى من نوعها ضمن حرب السيارات الخليجية المشتعلة ضد الوكلاء.





الغريب أن السيارات في السويس موجودة على الرصيف بالفعل لدى التاجر ما يعني أن شحنة السيارات تم الإفراج عنها.
لم تتوقف مفاجآت تجار السيارات فى السويس عند «إلنترا» بل ذهبت لمدينه نصر حيث عرض احد التجار 300 سيارة «هيونداى فيرنا2015» من إنتاج مصنع هيونداى فى الهند بسعر أقل من بيعها في مصر بنحو 20 ألف جنية فى مدينه نصر !!
ما حدث في السويس يعد لغزًا كبيرًا يحتاج إلى تفسير، ويعمق ما يعيشه سوق السيارات من مشكلات، خاصة في الاستيراد لصعوبة الحصول على الدولار من جانب الوكلاء، في الوقت الذي نجده بوفرة لدى بعض المستوردين.

[Mohamed Desoky]

افهم من كده ان فى لعب من ورا خبور لانه محتكر الهيونداى الهندى ولا يجرؤ احد من الاقتراب من غبور لانه من القطط السمان قوى قوى لكن مين ده التاجر اللى يقدر يقف قدام غبور ده اكيد اكيد وراه راجل كبير عايز يدايق غبور او كارت ضغط على غبور علشان يصبح على مصر