زيت شل اللي مبقاش موجود فى التوكيل

[mhkash]

السلام عليكم

انا كنت بغير الزيت و الفلتر فى التوكيل مع كل صيانه دوريه و بقالي مرتين باشتريه من غبور شارع دمشق و اطلع اغيره فى البنزينه
اخر مره قالى ان مفيش زيت شل هينزل تاني و اللى موجود عند التجار مغشوش - فكنت مضطر اخد الزيت اللى عنده - لسه محفظتش اسمه بس هو مكتوب عليه انه ايطالى


السؤال لحضراتك - هو ده احسن زيت مناسب اللعربيه (النترا md) طالما بيتباع فى التوكيل ولا حضراتكم بترشحوا زيت تاني

واحد من الزباين اللى كانوا واقفين قالو ان ده احسن من الزيوت الموجوده فى السوق كلها
مش عارف الصح فين

ارجو المساعده
شكرا

[م/أحمد عبد الفتاح]

شيل عندهم دلوقتى خدمة توصيل وتغيير الزيت فى المكان - بمعنى انك تكلمهم على الرقم ١٦٥٦٥ وتتفق معاهم وهما حايجولك عند البيت او فى اى مكان ويغيرولك الزيت ولو عاوز كمان ممكن يجيبوا فلتر الزيت معاهم وبياخدوا تقريبا ٥٠ جنيه مصنعية

[akmm]

زيوت شل مازالت موجوده من المركز الرئيسى بتاعهم وبدون تعب وممكن تتصل عليهم برقم التليفون ويحددوا لك اقرب موزع رسمي لهم او من عندهم أساسا الرقم 27557555 تحياتى .

[mhkash]

شكرا يا حضرات - يعني البائع اللى فى غبور دمشق مكنش صادق
كالعاده - ربنا يرحمنا

[akmm]

شكرا يا حضرات - يعني البائع اللى فى غبور دمشق مكنش صادق
كالعاده - ربنا يرحمنا

شركه شل باعت محطات توزيع الوقود فقط ولكن مازالت تعمل وبقوه في توزيع الزيوت في مصر ......... واخترعت الزيوت المستخلصه من الغاز وموجوده بكل درجات اللزوجه .

[Mohamed Desoky]

انا روحت توكيل شيل المعادى كنت بجيب منه زيت شيل الازرق الاوربى وللاسف مش موجود فى التوكيل من 3 شهور ومحدش فهمنى ليه مش بينزل مصر شيل الازرق الاوربى 10w40 h7 كان جميل ومريح الموتور وزى الكتالوج لو حد عرف انه موجود فى فرع المعادى يقول الله يبارك فيكم

[م/أحمد عبد الفتاح]

انا روحت توكيل شيل المعادى كنت بجيب منه زيت شيل الازرق الاوربى وللاسف مش موجود فى التوكيل من 3 شهور ومحدش فهمنى ليه مش بينزل مصر شيل الازرق الاوربى 10w40 h7 كان جميل ومريح الموتور وزى الكتالوج لو حد عرف انه موجود فى فرع المعادى يقول الله يبارك فيكم

كلم شيل على ١٦٥٦٥ وشوف لو موجود حايجولك لغاية عندك ويجيبوا الزيت ولو عاوز ممكن يغيروه فى المكان كمان

[Mohamed Desoky]

كلم شيل على ١٦٥٦٥ وشوف لو موجود حايجولك لغاية عندك ويجيبوا الزيت ولو عاوز ممكن يغيروه فى المكان كمان

السلام عليكم ورحمة الله وبركاته ازيك يابشمهندس احمد كل عام وانتى واسرتك بخير انا كلمت الرقم المختصر لخدمة شيل لقيت خدمة تغير الزيت لنوعين من الزيت شيل الترا وشيل الاصفر فقط ومش عارفين ازا كان ان شيل عندها شيل الازرق فى التوكيل لاحظت ان الخدمه دى منفصله عن شركة شيل تقريبا مشتركين مع اراميكس هو فى حاجه مش مفهومه واتصلت على الارضى مش عارفين عندهم فى الدكانه وله لقه تحس ان فى لخبطه على مستوى العاملين فى شيل مصر غيرمنظمين منعزلين عن بعض او مش فاهمين المهم اخر ما زهقت من التليفونات اخت العربيه ونزلت من زايد على المعادى مشوار جميل وكنت سعيد جدا بزحمة الدائرى ورحت على التوكيل قالى شيل الازرق الاوربى الشركه بطلت تنزله مصر من كام شهر هو موجود فى الخليج بس اخت العربيه وطلعت على الخليج العربى لان المسافه قريبه هه هه طبعا بهزر سؤالى ياستاز احمد ليه شركة شيل مش منزله كل منتجاتها اللى موجوده ع النت لشيل العالميه حتى الزيت خصاره فى الشعب الغلبان

[م/أحمد عبد الفتاح]

جرب كاسترول برضه من الزيوت المحترمة جدا

[ahmed_eng2001]

ا وكنت سعيد جدا بزحمة الدائرى ورحت على التوكيل قالى شيل الازرق الاوربى الشركه بطلت تنزله مصر من كام شهر هو موجود فى الخليج بس اخت العربيه وطلعت على الخليج العربى لان المسافه قريبه

على يدى
فكرتنى بموضوع الدائرى :) :)

[mhkash]

طب هو السؤال - هل الزيت اللى الراجل باعهولي في غبور ش دمشق - كويس ولا اروح اغيره وخلاص
شكرا

[S O P H O S]

طب هو السؤال - هل الزيت اللى الراجل باعهولي في غبور ش دمشق - كويس ولا اروح اغيره وخلاص
شكرا

نوعه ايه
ويفضل تشتري من مصدر موثوق خصوصا فالزيت
ده حتي في بنزينات بيكون فيها مضروب

[Mohamed Desoky]

على يدى
فكرتنى بموضوع الدائرى :) :)

السلام عليكم ورحمة الله وبركاته كل عام وانتى بخير استاز احمد ؟هعمل ايه من كتر الزهق من البلد دى حتى الزيت مش عارفين نجيبه كل حاجه من سئ الى اسؤ قولى اعمل ايه اخد العربيه واهرب من البيت ومراتى وعيالى والزحمه والحر على الاقل هيقوله هرب مع العربيه مش مع الشغاله ؟

[ahmed_eng2001]

على الاقل هيقوله هرب مع العربيه مش مع الشغاله ؟

هاهاهاهاهاها

جامدة دى

كل سنة و حضرتك طيب ...
فيه اقتراح ظريف .... الفجر .... صلى الفجر ... و ابدأ اتحرك فى البلد ... و اعمل حسابك تكون واقف امام الجهة او المصلحة الى انت عاوزها الساعة 7 صباحا

على الاقل محدش حيقول انك هربت مع حد الصبح بدرى كدة

انا كنت بعمل كدة من فترة لما الواحد كان فيه صحة ... كولمان الميه الساقعة الظريف ... شيبسى .. عصير .. و لما توصل تدور على اقرب عربية فول ... و تدور على اقرب مكان فيه دورة مياه .. و عيش الحياه

البلد رايحة على فين ؟!! كنت قريت مقال من فترة ان السرعة داخل القاهرة حتوصل فى المتوسط اقل من 10 كم فى الساعة
و غلو الاسعار حيخلينا نحط زيت ذرة و نبطل شل و موبيل و الكلام الكبير ده

[borio1704]

السلام عليكم

انا كنت بغير الزيت و الفلتر فى التوكيل مع كل صيانه دوريه و بقالي مرتين باشتريه من غبور شارع دمشق و اطلع اغيره فى البنزينه
اخر مره قالى ان مفيش زيت شل هينزل تاني و اللى موجود عند التجار مغشوش - فكنت مضطر اخد الزيت اللى عنده - لسه محفظتش اسمه بس هو مكتوب عليه انه ايطالى


السؤال لحضراتك - هو ده احسن زيت مناسب اللعربيه (النترا md) طالما بيتباع فى التوكيل ولا حضراتكم بترشحوا زيت تاني

واحد من الزباين اللى كانوا واقفين قالو ان ده احسن من الزيوت الموجوده فى السوق كلها
مش عارف الصح فين

ارجو المساعده
شكرا

اختيار الزيت دايما بيبقى بناء على مواصفات الكتالوج... وفي أغلب الأحوال الكتالوج بيديلك كذا اختيار وبمختار المناسب منهم حسب طريقة استخدامك للعربية وحسب أولوياتك

محتاجين نعرف إيه توصيات كتالوج الإيلانترا علشان نشوف إذا كانت مواصفات الزيت بتاع التوكيل مناسبة ولا ﻷ...

عموما.. الموضوع ده فيه تفاصيل عن الزيت في توكيل هيونداي...

http://www.nilemotors.net/Nile/488659-g-energy.html


وبالنسبة لمواصفات الكتالوج... فأنا عندي مواصفات كتالوج الكيا سيراتو 2014.. والمفروض تكون هي نفس مواصفات الهيونداي إيلانترا ﻹنه نفس الموتور..







بناء على المواصفات دي ومواصفات الزيت بتاع التوكيل. .. فأنا شايف إن الزيت مناسب جدا...

كل تحفظي على الزيت إنه إيطالي... وأنا شخصيا ﻻ أثق في أي منتجات إيطالية... وده رأيي الشخصي.


...