فرع هيونداي للمستعمل

[karkor30]

صباح الخير

انا عايز اشتري عربية وسمعت ان هيونداي فتحت فرع في التجمع للمستعمل

ياريت لو فيه معلومات لو حد راح قبل كده يعني الاسعار عاملة ايه بالتقسيط ولا كاش بس وهل العربية تبقي في الضمان برضه

انا لسه راجع من السعودية والنظام ده موجود هناك هل بيطبقوا نفس الكلام

شكرا

[رامي مصطفى]

متابع بإهتمام

[adel1212]

غبور أوتو | فابريكا
تحياتي

[scientist9508]

بسم الله الرحمن الرحيم

أخى الفاضل

كل ما تسأل عنه قد سألت عنه قبلك و إليك كل الإجابات

1 - توجد سيارات مستعمله من ماركات مختلفه و ليس هيونداى فقط

2 - الأسعار أعلى من القيمه السوقيه للسياره بسبب الضمان القصير الذى يقدمه غبور على السياره

3 - لا أرى أنها فكره سيئه أن تشترى سياره مستعمله بسعر أغلى إن كانت الجوده مضمونه

4 - إن كنت تجيد البحث عن سياره مستعمله و تعرف الطرق للفحص الدقيق للسياره وفر نقودك و إشترى خارج من خارج غبور

5 - فكرة شراء سياره مستعمله من شركه كبيره فكره جيده لمن لا يملك الوقت الكافى للبحث و الفحص و لمن يخشى النصب و الإحتيال (و ما أكثرها هذه الأيام)

6 - كافة و كل أنواع الدفع متاحه و لكن فى حالة التقسيط فيتم ذلك بتمويل بنكى و التقسيط المباشر موسمى أو كما تقرره الشركه طبقآ لمتغيرات السوق (أقصد أنه ربما يكون متاح أو غير متاح و يتم التأكد من ذلك بالذهاب إليهم و التحدث لهم وجهآ لوجه)

7 - كل ما تم شرحه سابقآ ينطبق على كل الشركات لذلك تستطيع أن تزور معارض المستعمل لكل الشركات العامله فى ذلك المجال فى إسبوع (تقدير شخصى ) و تختار أفضل ما رأيته بعينك مع الأخذ فى الإعتبار أن السيارات المستعمله لا ضامن لبقائها على أرض الشركه . . أى ربما تعجبك سياره ثم يتم بيعها لشخص آخر فور خروجك من المعرض

أتمنى لك التوفيق . . ما تفكر فيه أفضل حل فى ظل الإرتفاع الجنونى لأسعارالسيارات الجديده و الذى سيستمر لمدة عام بإعتراف اللواء حسن رئيس قسم السيارات بالغرفه التجاريه و الصناعيه

هداك الله لأرشد أمرك و أقومه

السلام عليكم و رحمة الله و بركاته

[karkor30]

الف شكر ياباشا علي ردك الرائع

انا فعلا فيه ناس بيدورا ليا لاني معرفش اشتري لوحدي وهحاول انزل التوكيل اشوف اللي موجود ولو وصلت لحاجة هعرفكم ان شاء الله

الف شكر مرة تانية

[karkor30]

انا دورت علي النت ووصلت لموقع هوينداي ... ادخل على الشراء وبعدين اختار السيارات المستعملة

هيونداى مصر

[رامي مصطفى]

على موقع فبريكا موجود كل السيارات المستعمله المتاحه لديهم والصور والكيلومترات والسعر
نظام التقسيط تقسيط مباشر دون تدخل بنك بمقدم ٣٠٪ وفائده سنويه ١٢٪ وفترة سداد تصل الى ٥ سنوات.
الاوراق المطلوبه (لو موظف قطاع عام او خاص)
صورة البطاقه
مفردات المرتب
كشف حساب بنكي لآخر ٦شهور
والسيارات المباعه بيدوك عليها ضمان بس ما سألتش كام
ممكن تتصل لأي استفسار على الرقم المختصر ١٦٧٣٤ وهما هيحولوك لأقرب فرع ليك للاستفسار
بالتوفيق