رائحة التكييف

[ali ashraf]

السلام عليكم بكلمكم من السعودية رمضان كريم على الناس كلها و مصر أحولها تتعدل اشتريت هيونداي اكسنت موديل ٢٠١٠ العربية ما شاء الله ممتازة بس التكييف رائحته زى التراب او الغبار غالبا فلتر بس انا حتى معرفش مكانه فين و رحت لميكانيكى هندى بتاع تكييف يشغله يطّلع الهواء بارد يهز راْسه و يقول زين بابا ما فى خراب و حاولت بكل طرق الإشارة افهمه ريحة التكييف وحشة وهو مش فاهم ياريت مساعدة يا جماعة

[mosaad mohsen]

فلتر التكييف في الطبلوه وره فتحت الطبلوه افتح الطبلوه واخلع الباب ده سهل فيه زرارين بتلفهم نص لفه وطلع الباب بتاع الطبلوه كله هتلاقي وراه الفلتر بتسحبه وزي مهوه تعلمه الوش بتاعه ازاي الي لفوق زي مهو والي تحت زي مهيه خلي باللك تقلبه هتخده يا تجيب واحد جديد او لو لقيته نظيف هتخده طحته في الميه في اي حاجه كده بمنظف وتغطسه وترفعه وتغطسه تاني لحد ما ينظف وتحطه في ميه لحد ما ينزل التراب وبعد كده تنل منه كل الميه الي فيه من خلال تطويحه وبعد كده ترش عليه معطر ومش مهم ينشف تركبه علي عدلته زي مقلت لحضرتك في الاول وتشغل التكييف وهو الفلتر مبلول كده هينضف كل حاجه في طريقه ومش هتشم ريحة تراب تاني ولو معرفتش تعالي مصر نعملهولك وارجع تاني صد رد ترجع اخر النهار ههههههههه يله جرب الي قولتلك عليه وان شاء الله تعمله سهل الموضوع جدا مفهوش اي صعوبه

[ali ashraf]

تمام علم و ينفذ مع خالص الشكر

استاذ مسعد الله يفتح عليك عملت بالضبط زى ما حضرتك قلت و طلعت الفلتر و كان عبارة عن كتلة من التراب و حاجة بشعة , اشتريت واحد جديد و و ضعت معطر عليه و الوضع اختلف تماما و ريحة التراب الخانقة بقت ريحة عطر جميلة و الله الواحد نفسه اتفتحت على السواقة مع خالص شكرى و تحياتى و جزاك الله خيرا و معلش حكاية الصد رض هأجلها لحد ما يعملوا الجسر

[mosaad mohsen]

ههههههههه الحمد لله وفرت عليك مشوار الصد رد ديه تحت امرك في اي استفسار في اي وقت