لغز الاكسيل ؟

[dragonmhmd]

انا بفكر اشتري هيونداي اكسيل علي اساس انها عربيه موفره واعطالها قليله وقطع غيارها رخيصه بس بعد لما قريت شويه في الجروبات لقيت كميه اعطال كتيره واصلاحات محدش عارفلها وقطع غيار اسعاره عاليه
ايه الفكره العربيه كويسه ولا لا ؟
حاجه تانيه ليه كل الناس علطول بتسقط ماتور ـ هو موتور العربيه مبيستحملش للدرجه ده وتكلفه اصلاحه غاليه جدا لدرجه اني قريت واحد شنبر عنده باظ قام مسقط ماتور _ والتكيف بتاعها كمان مشوفتش كتير بيشكر فيه
انا احترت في العربيه ده

[tasaka]

العبره بحاله العربيه .. اى عربيه من اى ماركه لو واقعه و ملعوب فيها حتبقى كلها مشاكل

الاكسيل 1500 موديل 95 اول الانتاج المصرى ممتازه عن تجربه .. من الزيرو حتى 13 سنه لاحقه بدون مشاكل نهائى .. و باكرر نهائى .. و التكييف شغال صيف شتا لم يعطل حتى البيع .. و ساعه ما بعتها زعلت عليها لانها ما تعبتنيش نهائى

[dragonmhmd]

طيب بالنسبه للناس بتسقط مواتير كتير ليه _استسهال _
هي العربيه جر امامي ولا دفع خلفي
والمرايات مبتقفلش خالص

[tasaka]

زمان السمكرى كان بيرد اى خبطه .. دلوقتى يقولك هات جديد .. عايز يفك مسمارين و يربط مسمارين و يأخذ مصنعيته

يظهر انه نفس الشيئ اصبح عند الميكانيكى .. استسهال .. او ان فيه مكسب معين من كده ؟؟

بس احيانا بيكون الامر مستدعى التغيير فعلا

و متنساش ان الاكسيل دى بقى لها 20 سنه .. يعنى حتكون معظمها فى مراحل العمرات