ايهما افضل الاكسيل التعبانه ام السليمه ؟

[dragonmhmd]

بسم الله الرحمن الرحيم
طيب هنتكلم في العموم هل انا اروح مثلا السوق واشتري عربيه سليمه دواخل وشاسيه (لا يمكن تعويضهم ) واتنازل شويه في الباقي وتكون مثلا ب 33 الف واصرف انا عليها 7 او 8 الاف بس اعمل كل حاجه علي مزاجي وابقي عارف العربيه علي ايه ؟
ولا اشتري اللي حالتها كويسه ظاهريا ومعايا الميكانيكي طبعا وممكن تكون 38 او حتي 40 الف وانا وحظي ويا ترا هلاقي فيها ايه ويارا متضبطه بقطع غيار صيني هتبوظ بعد شهر واصرف عليها برضه تاني غير ان حتي لو الموتور والتكييف كويس الان فمحدش يضمن بعد خمس ست شهور هيبقوا ايه؟

[Mohamed Desoky]

بسم الله الرحمن الرحيم
طيب هنتكلم في العموم هل انا اروح مثلا السوق واشتري عربيه سليمه دواخل وشاسيه (لا يمكن تعويضهم ) واتنازل شويه في الباقي وتكون مثلا ب 33 الف واصرف انا عليها 7 او 8 الاف بس اعمل كل حاجه علي مزاجي وابقي عارف العربيه علي ايه ؟
ولا اشتري اللي حالتها كويسه ظاهريا ومعايا الميكانيكي طبعا وممكن تكون 38 او حتي 40 الف وانا وحظي ويا ترا هلاقي فيها ايه ويارا متضبطه بقطع غيار صيني هتبوظ بعد شهر واصرف عليها برضه تاني غير ان حتي لو الموتور والتكييف كويس الان فمحدش يضمن بعد خمس ست شهور هيبقوا ايه؟

السلام عليكم ورحمة الله وبركاته هو فى عربيه مستعمل من 20 سنه وحضرتك متخيل هتلاقى عربيه سليمه ده مستحيل لازم المستعمل تعمل بايدك شغل وقعده اساسيه اللى بيبيع عربيه لايمكن يصلح حاجه لازم يبيع ويخلص ؟واى عربيه موديل قديم لو لقيتها دواخل سليمه يبقى رضى من الله انك لقيت عربيه مش واخده خبطه جامده مسمعه فى الشاسيه او الشنطه ؟ المهم اوعى تشترى من السوق عربيه خالص عايزمستعمل اشترى من المالك ابعد عن التوكيل خالص اشترى من حد معرفه افضل وابعد عن الموديلات القديمه لان الكورى مش هتعيش زى الالمان او اليابانى الكورى نفسه قصير قوى ربنا يوفقك

[dragonmhmd]

انت كده معني كلامك ان مفكرش ف الاكسيل والاكسنت واللانوس لانهم كوري بالرغم منان ده العربيات اللي ماشيه وانا ميزانيتي 45 الف

[dragonmhmd]

انا سؤالي باختصار الواحد يدور علي عربيه نص نص وسعرها مريح ويصرف عليها هو ولا عربيه نضيفه وسعرها عالي وهو وحظو

[Mohamed Desoky]

انا سؤالي باختصار الواحد يدور علي عربيه نص نص وسعرها مريح ويصرف عليها هو ولا عربيه نضيفه وسعرها عالي وهو وحظو

مش قاصدى تبعد عن الكورى انا قصدى اشترى دايما موديل عالى زى لانوس موديل عالى وتشترى من المالك بلاش السوق لان فى لعب كتير انتى اشترى من حد معرفه قريب صديق اى حاجه مضمونه والميكانيكى لازم يكون كويس انا بنصحك بس لان السوق فى لعب كتير ربنا يسترها ويوفقك

[tasaka]

انا سؤالي باختصار الواحد يدور علي عربيه نص نص وسعرها مريح ويصرف عليها هو ولا عربيه نضيفه وسعرها عالي وهو وحظو

شيل الفكره دى من دماغك نهائى ..

بحساب العقل تلاقيها اوفر و احسن .. و لكن بحساب الواقع و التجارب فهى خسرانه 100% وقت و فلوس .. و فى النهايه فوق كل ده حتكون راكب عربيه بحاله سيئه او متوسطه على اقصى تقدير برغم ما صرفته

العربيه الواقعه حتفضل واقعه مهما صرفت عليها لن تصل لنصف حاله عربيه سليمه .. و فلوسك راحت فى الارض .. لانك عند البيع حتلاقيها بسعر العربيات الواقعه او المتوسطه ( موش سعر السليمه )

اشترى عربيه سليمه حتى لو ازيد الف او الفين من سعر السوق ( لو ممتازه ) .. و انت الكسبان .. سواء وقت البيع لاحقا او فى توفير من مصاريفها اثناء استعمالك .. او راحتك و استمتاعك بالركوب على نظافه

[dragonmhmd]

مش قاصدى تبعد عن الكورى انا قصدى اشترى دايما موديل عالى زى لانوس موديل عالى وتشترى من المالك بلاش السوق لان فى لعب كتير انتى اشترى من حد معرفه قريب صديق اى حاجه مضمونه والميكانيكى لازم يكون كويس انا بنصحك بس لان السوق فى لعب كتير ربنا يسترها ويوفقك

انا فاهم قصدك بس بالنسبه ان ميزانيتي 40 الف فهو ده المتاح قدامي وبالنسبه للانوس طبعا كلامك مضبوط بس انا شفت كتير ان اللي بيبيع لانوس دلوقتي كلهم تعبانين جامد (بما ان الزيرو رفع فمحدش بيغيرها عشان يجيب زيرو ولا هيفرط في لانوس كويسه عشان عربيه مستعمله تانيه )والحاله الكويسه موديل 2004 بقت ب 55 الف واهو موديل بقالو 12 سنه مفرقش كتير
بالنسبه لموضوع السوق كلامك مضبوط بس للاسف ان المعروض هنا قليل وتقريبا كل العربيات اللي شفتها اكتر من 12 عربيه سواء مع اشخاص او معارف كلهم من السوق مع اختلاف المده

[dragonmhmd]

شيل الفكره دى من دماغك نهائى ..

بحساب العقل تلاقيها اوفر و احسن .. و لكن بحساب الواقع و التجارب فهى خسرانه 100% وقت و فلوس .. و فى النهايه فوق كل ده حتكون راكب عربيه بحاله سيئه او متوسطه على اقصى تقدير برغم ما صرفته

العربيه الواقعه حتفضل واقعه مهما صرفت عليها لن تصل لنصف حاله عربيه سليمه .. و فلوسك راحت فى الارض .. لانك عند البيع حتلاقيها بسعر العربيات الواقعه او المتوسطه ( موش سعر السليمه )

اشترى عربيه سليمه حتى لو ازيد الف او الفين من سعر السوق ( لو ممتازه ) .. و انت الكسبان .. سواء وقت البيع لاحقا او فى توفير من مصاريفها اثناء استعمالك .. او راحتك و استمتاعك بالركوب على نظافه

تمام كلامك مضبوط وشكرا ع الرد (انا كنت بفكر اعمل زي التجار ) بس فعلا التاجر بيضبط عشان يبيع وده بيفرق عن اللي بيضبط عشان يركب

[tasaka]

تمام كلامك مضبوط وشكرا ع الرد (انا كنت بفكر اعمل زي التجار ) بس فعلا التاجر بيضبط عشان يبيع وده بيفرق عن اللي بيضبط عشان يركب

طبعا بيفرق .. انت فاكر التاجر حيصرف 4 او 5 الاف جنيه علشان يظبطها للمشترى ؟؟ !!!

اخرها 300 او 400 جم ..يلصم بيها العربيه لغايه ما تطلع لصاحب نصيبها

و بعدين نصيحه تانيه .. ما تشتريش من معرض .. و طبعا ما تشتريش من سوق السيارات من تاجر

اول سؤال تسأل عليه قبل ما تسأل عن حاله العربيه .. علشان تعرف مسارك حيكون ايه فى التعامل و الكلام

اول سؤال .. العربيه رخصه باسم صاحبها ام توكيل ؟؟ .. عربيه توكيل او اكثر .. تبعد احسن او تكون حذر جدا جدا .. و تبقى فاهم انك بتتعامل مع تاجر

و لو رخصه تشوف مالكها العربيه كانت معاه من امتى ( سنه مثلا ؟؟ ) .. رخصه باسم صاحبها و بيبيع بعد شهرين مثلا .. تكون حذر اكثر

اشترى عربيه بيتى من صاحبها .. سواء من معرض بيعرض لحساب الغير و بيجيب صاحب العربيه و بيتفق معاك و التاجر له عموله فقط .. او من السوق عربيه باسم صاحبها و تكون معاه بقى لها فتره علشان تتأكد انها بيتى .. و بصراحه انا لا افضل السوق علشان اوراق العربيات و غيره

اصبر شويه فى البحث و متستعجلش .. و كل شيئ بأوان ( لا قبل و لا بعد )

[mous6fa]

واضح من أسلوب سؤال حضرتك وردودك كمان إن خبرتك ف العربيات - لا مؤاخذة - صفر% ... طبعاً ده مش عيب بس واجب ع اللى بيفهم إنه يرشدك بدل ما تغرق .
ميزانية حضرتك كويسة جداً مش بطالة ... ماتبصش غير ع العربيات اللى فوق موديل 2000 وتكون فابريقة دواخل طبعاً حتى لو محتاجة شوية مصاريف ... ميزانيتك تجيبلك عربية صينى حالتها 100% ومش هتصرف عليها تعريفة لمدة 3 سنين ع الاقل وفكك بقى من الكلام عن العربيات الايطالى والألماني والمريخى ... العربية الألماني طالما قديمة يبقى مهما صرفت عليها مستحيل مستواها هيوصل للصيني الحديثة اللى موديلها مافاتش عليه 5 ولا 7 سنين حتى .
بص ع الاسبرانزا 113 و 516 ... بص ع اللانوس ... الخيارات كتير ف الفئة دى وأبعد تمامااااااااااااا عن سوق السيارات وخليك ف الاعلانات اللى على "كونتاكت كارز" أو "أوليكس".
أهم حاجة أوعى تتهاون ف حالة دواخل العربية ... لازم تكون سليمة تمامااااااا وإلا هتلبس ف الحيط وهتخسر فلوسك ... خد وقتك ف الإختيار ولازم تاخد معاك خبير ف المعاينة او ترفعها ف محطة بنزين فيها فحص سيارات ... بالتوفيق

[msobhy]

عن تجربه يا صديقى اياك تشترى عربيه منهاره وتقول انك هاتعرف تشدها الا فى حاله واحده - انها تكون لعبتك وشغلانتك وليك معارف فى كل حته
غير كده يبقى لأ
سيبك من كلام الناس انك تشترى عربيه ب 30000 وتصرف عليها 7000 هاتبقى عروسه
هاتلاقى نفسك صارف فوق ال 12000 والعربيه لو هاتبيعها مش هاتجيب اكتر من 35.000
دور على الحاله فى كل حاجه وبلاش المعارض

[S O P H O S]

قولا واحد عربية يعني حالة
عكس كده هتبقي جايب عربية انت الي تخدمها
مش هي الي تخدمك

[Mohamed Desoky]

واضح من أسلوب سؤال حضرتك وردودك كمان إن خبرتك ف العربيات - لا مؤاخذة - صفر% ... طبعاً ده مش عيب بس واجب ع اللى بيفهم إنه يرشدك بدل ما تغرق .
ميزانية حضرتك كويسة جداً مش بطالة ... ماتبصش غير ع العربيات اللى فوق موديل 2000 وتكون فابريقة دواخل طبعاً حتى لو محتاجة شوية مصاريف ... ميزانيتك تجيبلك عربية صينى حالتها 100% ومش هتصرف عليها تعريفة لمدة 3 سنين ع الاقل وفكك بقى من الكلام عن العربيات الايطالى والألماني والمريخى ... العربية الألماني طالما قديمة يبقى مهما صرفت عليها مستحيل مستواها هيوصل للصيني الحديثة اللى موديلها مافاتش عليه 5 ولا 7 سنين حتى .
بص ع الاسبرانزا 113 و 516 ... بص ع اللانوس ... الخيارات كتير ف الفئة دى وأبعد تمامااااااااااااا عن سوق السيارات وخليك ف الاعلانات اللى على "كونتاكت كارز" أو "أوليكس".
أهم حاجة أوعى تتهاون ف حالة دواخل العربية ... لازم تكون سليمة تمامااااااا وإلا هتلبس ف الحيط وهتخسر فلوسك ... خد وقتك ف الإختيار ولازم تاخد معاك خبير ف المعاينة او ترفعها ف محطة بنزين فيها فحص سيارات ... بالتوفيق

السلام عليكم ورحمة الله وبركاته انا عربيتى صينى من الزيرو شيرى a15 دخله فى 6 سنين وزى الفل وانا مش عايز اقول لحد هات عربيه صينى موديل عالى ؟عارف ايه اللى بيحصلى بلاقى هجوم من الزملاء لانى قولت اشترى اسبيرانزا او اى نوع صينى كله هجوم عليه كانى من الكفار مع انى انا عندى خبره كبيره بلميكانيكى واشتريت 16 عربيه واخرهم لانوس 2005 وانا مرتاح والحمدلله مع عربيتى الصينى وبعمل كل حاجه فيها بنفسى انا دايما اقول اى العربيه موديل عالى يعنى شباب وقوه مش عتاقى تاخد الدواء وينام ؟شكرا لحضرتك

[dragonmhmd]

طيب انا معروض عليا عربيه اكسيل 1996 و 1500 سي سي راشه بره ودواخل فبريكه والموتور والتكييف والعشه كويسين بسعر 38 الف العربيه رخصه العربيه سنه وفيها توكيل من 6 شهور وصاحب التوكيل منقلش الملكيه لان الرخصه الاصليه فاضل فيها شهرين وهو بيبعها لروف عنده وده روايته ايه رايكم

[tasaka]

طيب انا معروض عليا عربيه اكسيل 1996 و 1500 سي سي راشه بره ودواخل فبريكه والموتور والتكييف والعشه كويسين بسعر 38 الف العربيه رخصه العربيه سنه وفيها توكيل من 6 شهور وصاحب التوكيل منقلش الملكيه لان الرخصه الاصليه فاضل فيها شهرين وهو بيبعها لروف عنده وده روايته ايه رايكم

ا ل 95 و ال 96 دول اول موديلات المصرى .. افضل من الموديلات اللى بعدها لان كان فيه رقابه و بالذات ال 95

طالما التوكيل مع الراجل من 6 شهور ( و مفيش توكيلات تانيه ) يبقى الراجل موش تاجر

الاسعار .. مقدرش افيدك مع علو الدولار و الاسعار اللى بتتغير .. بس خليه ينزل بالسعر