استفسار من اهل الخبرة اكسنت rb

[firestorme]

السلام عليكم
كل سنة وانتو طيبين
معايا عربية اكسنت rb 2015 ماشية 29000 جايبنها مستعمله من 3 شهور العربية لما التكييف يشتغل الحرارة تعلي فوق النص اطفي التكييف الحرارة ترجع لمعدلها الطبيعي و طالما التكييف مش شغال الحرارة مظبوطة انا مكنتش بركبها فمعرفش انها كدا من ساعة مشتريناها ولا ده لسه جديد ومبتفرقش طريق سريع ولا واقف الماية في الاربة فوق ال f بشوية

[mif]

بعد اذن حضرتك ممكن استفسار جانبي
فءة العربية ايه و خلصت على كام
و اشتريتها من مين (تاجر و لا صاحبها )

[firestorme]

بعد اذن حضرتك ممكن استفسار جانبي
فءة العربية ايه و خلصت على كام
و اشتريتها من مين (تاجر و لا صاحبها )

الفئة الأولى اتوماتيك وكانت ماشيه 27الف وكانت نن من تاجر معرفة وكانت ب 122000

[svneleven]

مبدأيا المياه لازم تكون بين ال m و ال f مش اعلي لان ده بيسخن العربية. ثانيا في عربيات فيها مروحتين و عربيات فيها مروحة واحده سرعتين. اتاكد انك اما بتشغل التكييف المروحة التانية بتشتغل أو السرعة التانية بتشتغل و ياريت تنضف الردياتير و السربنتينة بتاع التكييف ب خرطوم مياه بالراحة و من غير ضغط جامد عشان ما تبوظش الريش بتاع الردياتير.

[firestorme]

مبدأيا المياه لازم تكون بين ال m و ال f مش اعلي لان ده بيسخن العربية. ثانيا في عربيات فيها مروحتين و عربيات فيها مروحة واحده سرعتين. اتاكد انك اما بتشغل التكييف المروحة التانية بتشتغل أو السرعة التانية بتشتغل و ياريت تنضف الردياتير و السربنتينة بتاع التكييف ب خرطوم مياه بالراحة و من غير ضغط جامد عشان ما تبوظش الريش بتاع الردياتير.

شكرا يا باشا ربنا يكرمك كنت فقدت الامل ان حد يرد عليا

[svneleven]

عفوا ربنا يسهلك الامور.