حد استلم النترا الجديدة adيفدنى فى الكاسيت الاندرويد

[eslam9002006]

انا استلمت النترا الجديده الحمد لله بس الكاسيت الاندرويد الجديد ده مبيرضاش يشغل فيديوهات من الفلاشه وبيطلع رساله معناها انى سايق ومش هينفع الفيديو يشتغل وانا سايق مع العلم انى واقف اصلا وغير كده المالتى مش شغال كل حاجه فيه مع الكاسيت زى تقليب الاغانى وزرار الmode مش شغالين فى المالتى حد عنده فكره عن حل المشكلات ياريت يكتبلى او يبعتلى تليفونه اكلمه يشرحلى اعمل ايه بالضبط مع العلم انى شغلته نت وفيس عادى

[tasaka]

موضوع تشغيل الفيديو و انت ماشى .. ده عليه حمايه علشان ما تعملش كده

اعتقد لها علاقه بفرمله اليد .. بيتعمل لها Bypass علشان الحمايه دى تنتهى ( و بيكون Bypass فى فيش الكاسيت او فيشه مخصوصه ) حاجه زى كده


الزراير اعتقد بيكون فى الاعدادات برمجه لمالتى .. او برمجه من المالتى نفسه .. المفروض تكلم الضمان و تسأل عن الخطوات

بصراحه انا موش مهتم اوى بالموضوع ده علشان كده المعلومات عامه

[عبدالله برعى]

طالما الجديدة اذن الضمان

[soltanfriend]

مبروك عليك العربية وفى انتظار تقرير منك عنها

[Omar Sarray]

مبروك عليك العربيه وان شاء الله يارب يكفيك شرها وتحفظ فيها وتسعدك كلم التوكلي او تروحلهم عدل وتقولهم عشان يساعدوك اكتر مفيش حل احسن من كده

[tamer ahmed75]

نفس المشكلة معايا متقلقش تقريبا كده بسبب برمجة الكاسيت الحل لاما محل متخصص يغير البرمجة او التوكيل لما تروح تعمل صيانة الالف كيلو و مبروك عليك

[mora_farahat]

هتدخل حضرتك على car media setting من الكاسيت وهتشيل علامه صح من handbrake عشان الفيديو يشتغل ولضبط زراير المالتي برضه من car media setting هتلاقي steering options وظبط كل زرار على حسب احتياجك ليه

[mora_farahat]

والمفروض كمان حضرتك هيركبلك مجانا في التوكيل كاميرا خلفيه و gps antenna على اول الشهر اللي جاي ان شاء الله

[mhamdy1974]

ربنا يباركلك في السيارة ...
ممكن تقييم ليها ... علشان الواحد محتار بينها و بيت السيراتو ...

و سؤال ... هو الأندرويد ده بينزل في أنهي فئة ...

[mora_farahat]

السياره ممتازه والشاشه في كل الفئات ونصيحه متجبش سيراتو لانها عملت facelift السنادي وهتغير شكل تماما ٢٠١٧

[AbdulRahman94]

السياره ممتازه والشاشه في كل الفئات ونصيحه متجبش سيراتو لانها عملت facelift السنادي وهتغير شكل تماما ٢٠١٧

أخبار الثبات فيها أيه ؟ و أسعار قطع الغيار ؟

لأن انا عملت موضوع و محتار ما بينها و ما بين الرينو فلوانس 2016 و الكورولا 2016

[tamer ahmed75]

والمفروض كمان حضرتك هيركبلك مجانا في التوكيل كاميرا خلفيه و gps antenna على اول الشهر اللي جاي ان شاء الله

هو موضوع الكاميرا و ال جى بى اس انتنا ده اكيد؟ لانى عملت صيانة 1000 و مفيش حد هناك قالى حاجة بس كلام حضرتك صح بالنسبة لموضوع تشغيل الفيديو و المهندس عملى كده قبل العربية ما تدخل الورشة و الفيديو اشتغل و بشكل عام الاندرويد بتاع الشاشة سئ جدا و بيهنج كتير و ظصلته بالانترنت و نزلت جوجل ماب لكن مش بيعرف يحدد موقعك يفضل يبحث و يقولك search for location من غير نتيجة