قطع غيار i30

[mohmhigazy]

السلام عليكم .. اشتريت i30 موديل 2009 كامله مانويل .. و ناس كتير غلطوني علشان ملهاش قطع غيار متوفره .. ياربت حد يفيدني علي اماكن قطع الغيار و السعر التقريبي للاجزاء الخارجيه و هل يوجد استعمال و لا لازم توكيل

[tameem2010]

هتلاقيها في كل مراكز بيع غبور المعتمده
وهتلاقيها عند المنير في فيصل
وهتلاقيها في الحرفيين
وهتلاقيها في شارع دمشق
وبعض الاكسسوار هيكون في التوفيقيه

غير كده هتبقى قليلة

عموما i30 اقل قطع الغيار المتوفرة في هيونداي لان العربية نفسها منتشرتش في مصر

[mohmhigazy]

شكرا لحضرتك .. لكن انا من اسكتدريه
لكن هي قطع الغيار غاليه اوي عن باقي موديلات الهيونداي و لا السعر قريب .. و تنصحني احتفظ بالعربيه و لا ارجعها مع العلم بان حالتها ممتازه جدا و عامله 29000 كيلو

[tameem2010]

العربية i30 قطع غيارها غاليه مقارنة بالهيونداي
كل فئة i في هيونداي تعتبر فئة عاليه غير الفيرنا والماتريكس والاكسنت

عربية عاملة 29000 يعني لسه عربية زيرو مشتغلتش
عموما القرار قرارك
بس طالما انت مرتاح للعربية وعجباك يبقى خلاص
الاهم هو الراحة النفسيه والله
وعموما الهيونداي قطع غياره مغرقة الدنيا واكيد فيه في اسكندرية ناس بتوع هيونداي
بس هي حاجتها غاليه شوية
بس عموما i30 من انضف العربيات الهيونداي اللى عملتها هيونداي
حاجة غير الاكسنت والالنترا خالص

[عبدالله برعى]

اذا كان سعرها منخفض او جيد بالنسبالك اذن استخدمها ولا ترجعها

[S O P H O S]

عربية جميلة وفكرت اشتريها
بس قطع الغيار وقلتها كانت العائق
بس تأكد انها من العربيات المحترمة جدا