أهل الخبرة أفيدونا فى ريموت النترا 2013 بيشتغل بطريقة غريبة!!!؟؟؟؟

[profimh]

السلام عليكم ورحمة الله وبركاته
الريموت من فترة و هوبيشتغل مرة و كتير ما يشتغلش
المهم قلت بطارية وغيرتها بس الموضوع زى ما هو
جبت المفتاح السبير المفاجأة إنى قابلت نفس المشكلة

بس من المتابعة اكتشفت الاتى و عاوزمساعدة أهل الخبرة فيه أنا عشان اخليه يشتغل تانى لاحظت أنى لازم احط المفتاح فى الكونتاكت و ألف التكة الاولانية و التانية من غير ما أدور العربية لو عملت كده مرتين اوتلاته يرجع يشتغل
الموضوع ده يا جماعة انا بقيت مضطر اعمله مع كل مشوار فحد عنده معلومة يفيدنى بيها فى حل المشكلة.
شكرا

[Omar Sarray]

اخويه العزيز اولا انت مشترى العربيه جديده وله مستعمله وسنه كام العربيه وثانيا انت شيكت بطاريه العربيه نفسها وشيكت الريموت نفسه شغال كويس على العربيه وله لا جرب كده وانشاءالله فيه حل

[profimh]

اولا شكرا لردك
العربية معايا من الزيرو النترا 2013 والبطارية الخاصة بالعربية والريموت نفسه اتاكدت منهم
بس انا الريموت ما بيرجعش يشتغل تانى الا لما احط المفتاح فى الكونتاكت و حركة من ال on لل acc من غير ما ادور مرتين يرجع يشتغل. الموضوع بقى مزعج

[profimh]

حوالى 60 مشاهدة ومفيش اى رد
ده الموضوع شكله عويس قوى !!!!!!

[adel1212]

جربت تعمل ريست لكمبيوتر العربيه

[profimh]

أولا شكرا لردك
انا جربت أفصل البطارية بس للاسف معملتش حاجة.
طيب هو الكمبيوترخطوات عمل ريست له إزاى لو أمكن تقولهالى.
شكرا