الفتيس الاوتوماتيك بتاع الفيرنا باظ اصلحة فين ؟؟

[ahmedaly84]

maraaawan بك

المشكله دى حصلت معايا فى سياره 131 اوتوماتيك بعد حوالى 40 الف كيلو

و حلها اسطى ميكانيكى ( الله يرحمه ) قال فلتر زيت الاتوماتيك مسدود و قام بالاتى

1- افرغ زيت الاتوماتيك من الطبه
2- قام بفك كارتير زيت الاتوماتيك
3- فك فلتر الزيت ( عباره عن مصفاه معدنيه على شكل شبكه دقيقة الفتحات جدا راكبه ب 4 صواميل ) و قام بتنظيفه جيدا بالبنزين
4- عمل جوان كارتير جديد
5- قام بتركيب الفلتر ثم الكارتير بالجوان الجديد و ربط الطبه
6- تم وضع زيت اتوماتيك جديد ( من مكان اضافة زيت الاتوماتيك )
7- دور العربيه و اصبر 10 ثوانى بعد النقل على ال D على مالزيت يدخل فى الفتيس

و اصبحت السياره زى الفل

و لكن هذا فى سياره موديل 79 و التكنولوجيا اختلفت كثيرا الان

وبصراحه انا لست متأكد ان هذا الحل قد يصلح لسيارتك !

و لكن حاول فالامر يستحق المحاوله لانها بتكلفه بسيطه

لعل و عسى و الله الموفق ...

هى الـ 131 الى بتتكلم عليها لونها ابيض اصل كان عندنا واحده موديل 79 اتوماتيك و كنا جايبنها من بره زيرو سنه 80 بس بعناها فى 2002 و عمرى ما شفت غيرها اوتوماتيك

[HISHAM80]

Mohamed Ali in Mansoura "Alhusania" he works only in Auotomatic Gear box

[Adham]

بص ياباشا

اولا انت تغير زيت الفتيس و الفلتر بتاعه و تجيب زيت نضيف واحد من تلاتة (شل دوناكس-ترانس ماكس امارات مصر- موبيل)
و واحد فاهم فتايس اوتوماتيك يفك كارتيرة الفتيس و يصفي الزيت و يحل الفلتر وينضف بلوف الفتيس من جوة بالسبراي

و ممكن تشوف واحد في الحرفيين جنب المزرعه اسمة (محمد الونش) اول يمين و انت ماشي مع سور المزرعه بعد فرن الدوكو بتاع صابر الأسمر

دة اكتر واحد نضيف و مضمون و"مش نصاب" و دي اهم حاجة

و الفتيس الأوتوماتيك اهم حاجة تبوظ فية هي الكلاتشات
و الاويلسيلات (ال أو رينجات O Ring )
انما انت واضح ان مشكلتك كالعادة كلاتشات

انا اثق في محمد الونش

و سيبك من مجدي بتاع احمد سعيد حافظ مش فاهم
و صلحلي فتيس السيفيك مرتين و مانفعش و صرفني عليه 2000 جنية سنة 2003 من غير نتيجه خالص

و التاني اللي في الدويقة تحت مستشفى المقاولون دة نصاب و بتاع اشتغالات

فية واحد تاني كويس في الوراق بعد مصنع مصطفى علي بتاع الاضاءة عالشمال واد نضيف و فاهم برضة و مش بتاع اشتغالات, بس متخصص أمريكاني بالأكتر

بس محمد الونش اضمن منة
انا رأيي انك تنزلة الحرفيين يبصلك عليها و هو اللي يقولك

[mohamedsayed81]

هو الافضل تصليح الفتيس ولا تجيبه واحد استيراد
و هل في مشاكل بتظهر بعد تغير الفتيس ..؟ و ايه احسن و اضمن ميكانيكي الواحد يتعامل معاه في والموضوع ده

[Ahmed Gamal 80]

فيه واحد اسمه عاطف في ميدان لبنان خلف مؤمن ده متخصص في اصلاح الفيتيس الاوتوماتيك فقط