محتار فى أختيار سيارة ؟

[elkholy_1981]

بسم الله الرحمن الرحيم
كان عندى أستفسار والله يا جماعة قولت أهل الخبرة هما اللى يدلونى .
كنت محتار فى شراء سيارة تكون قطع غيارها كويسة و متوفرة و يكون سحب العربية كويس ( جراية )
1 ) هيوانداى أكسيل 1500
2 ) هيوانداى أكسنت 1500 أو 1300 موديل 99 أو 2000
3 ) دايو لانوس
4 ) فولكس فاجن بولو من موديل 95 الى 98
5 ) سيات أبيزا موديل 96 أو 97
7 ) أوبل كورسا موديل 96 أو 97
8 )سكودا فليشيا موديل 98
9 ) كيا برايد
مع العلم المبلغ اللى معايا 40000 الف جنيها ممكن يوصلوا الى 43000
و شكرا للرد مقدما

[hazem_khidr]

ناخدهم واحده واحده
1.الاكسيل عربيه كويسه و قطع غيارها رخيصه و كويسه.
2.الاكسينت مش بحبذها الصراحه علشان اخف من الاكسيل و بعدين النضيف منها قليل و الاكسيل بتستحمل عنها(قليل اوي لما تلاقي اكسينت وشها مظبو)
3.اللانوس عربيه كويسه و منتشره و قطع غيارها رخيصه و موتورها اقوي من الهيونداي و سهل تلاقي منها حاله كويسه.
5,4..البولو و الابيزا عربيات حلوه بس قليل لو لقيت واحده منها كويسه علشان معظمها وقعت تحت ايد شباب و مبهدلين فيها جامد و قطع غيارها اغلي من الهيونداي و الداايو.
6.اوبل كورسا كويسه برضه لكن ما تشتريش غير موديلات 93 و 94 اللي موتورها 1200 ما تشتريش الموديلات اللي موتورها 1000 سي سي علشان مشاكل الحساسات بتاعها و حساساتها غاليه و مش معمره .
7.الفليشيا بصراحه مش بحبذها نهائي
8.الكيا برايد و دي برضه عربيه حلوه.
الخلاصه شوف انت عاوز عربيه عائليه ولا شبابيه لاستعمالك الشخصي بس لو عائليه يبقي لانوس او اكسيل ولو شبابي يبقي ابيزا او بولو او كورسا وابعد عن الفيليشيا

[PRO-DRIVE]

شخصيا اذا كنت مكانك حاخد دايو فيها كل المميزات

[elkholy_1981]

شكرا لسرعة الرد

[Tarek Fadl]

الدايو لانوس افضل اختيار من حيث قطع الغيار والانتشار والمتانة وربنا يوفقك

[Hossam_Hassan]

ازنق نفسك ووصلهم 45 و جيب لانوس أحسن

[bassam nagy]

دايو لانوس