عمرة فيرنا

[medhatac2010]

السلام عليكم ، معايا فيرنا اتوماتيك 2011 عمله 42000 كم كنت في طريق السخنه والعربيه سخنت مني والمؤشر بقي علي الاخر ومرتضيتش تدور تاني وجابت وش سلندر والكبس بتاع الماتور فيه مشكله زي ما المكانيكي قال ليا ، وقالي انها سخنت لان حساس الحرارة علق ومفتحش علشان يسمح بتبريد الماتور، ياريت تفدوني ممكن سخونه العربيه تعمل كل ده وايه الحل وكلام الميكانيكي ده صح ولا ايه








تم النقل لقسم هيونداى
م ع 7

[nodey]

اشتري شورت بلوك افضل من العمرة

[م/أحمد عبد الفتاح]

هى لو جابت جوان وش سلندر طبيعى إن كبس الموتور يقل فى بعض الاسطوانات (يعنى لو قاس الكبس ولقاه واطى فى اسطوانتين جنب بعض حايبقى طبيعى ان الجوان اتقطع بين الاسطوانتين دول ) أو لو الوش قفع من السخونة لازم الكبس يقل - خد رأى ميكانيكى تانى لأنك فى الغالب حاتغير جوان ياوش سلندر كامل

[medhatac2010]

شكرا لردك الكريم ، حضرتك عندك فكره سعر الشورت بلوك في حدود كام

[medhatac2010]

هى لو جابت جوان وش سلندر طبيعى إن كبس الموتور يقل فى بعض الاسطوانات (يعنى لو قاس الكبس ولقاه واطى فى اسطوانتين جنب بعض حايبقى طبيعى ان الجوان اتقطع بين الاسطوانتين دول ) أو لو الوش قفع من السخونة لازم الكبس يقل - خد رأى ميكانيكى تانى لأنك فى الغالب حاتغير جوان ياوش سلندر كامل

[medhatac2010]

شكرا م.أحمد انشاء الله هسال ميكانيكي تاني واعذرني علشان معلوماتي عن المكيانيكا ضعيفه ، وهو قالي فعلا في خراطه هتم لوش السلندر علشان فقع ، بس كمان قالي انه هيغير طقم البستم وخراطه هتم لجزء معين في اسفل الماتور بس سخونه العربية ممكن تؤدي لكل ده

[م/أحمد عبد الفتاح]

بص ياباشا انت تروح تاخد رأى ميكانيكى تانى بس يكون كويس ومشهودله بالكفاءة - ولو قالك نفس الكلام حاتظبط الجوان ووش السلندر او تشترى وش جديد وتركب والموضوع ده مايخدش يومين شغل بالكتير وتدور العربية وحيبان اذا كان الموتور فيه حاجه تانية ولا لا - لو اشتغلت تمام ان شاء الله يبقى مافيش مشاكل ولو لاقدر الله الموضوع اثر عالشنابر وعمود الكرنك يبقى ساعتها تغير شورت بلوك او تعمر الموتور وكده كده كل اللى حاتخسره شوية جوانات لانك كده كده حاتصلح وش السلندر او تغيره
لو العربية دايرة حاليا حاقولك على شوية حاجات تعملها برضه يمكن نقدر نحصر المشكلة اكتر.