خصم 11000 من غبور على النترا 2016 md

[mohamed_berlitz]

غبور عامل عرض على النترا 2016 MD خصم 11000 ، والسبب ان العربيات المعروضة ديه كانت محجوزة فى المنطقة الحرة وحصلها مشاكل فى الصاج والبربريز فى يناير 2016 لما الثلج نزل فى مصر ، عموما دة كلام ال Call Center ، والخصم ده معمول علشان العربية مرشوشة خارجى بالكامل بالتوكيل والبربريز متغير

[AbdulRahman94]

مستمر لحد امتى العرض ؟
ولا بيعمل كدا علشان يخلص الشكل القديم و يخش ع الجديد ؟

[tasaka]

متسمكره و مرشوشه و مغيره زجاج مصرى

الخصم بس 11 الف ؟؟ .. ما تستاهلش

[S O P H O S]

كل ده والخصم ده !
لا بصراحة هو شاطر جدا لو باع بالسعر ده

[Colin Chapman]

منقول
النترا 2008 اتوماتيك
السلام عليكم
عندى النترا 2008 البداية كانت مشكلة بالفلاتر والعربية لما بتسخن بتطلع ثالث وطبعا ان كنت مشيت عليها المهم غيرت الفلاتر فكان فيه نتشه على كل الغيارات غيرت الفالف بودى فالف ظهرلى عيب غريب وهو ان العربية لما بتبقى بارده الصبح بيبقى فيه هبده على D او R المهم العربية غيرتلها اكتر من بلف لكن العيب نفسه فى الاخر غيرت الفتيس كله بس كان فيه نتشه على بن الثالث والرابع حطيتها على الجهاز قريت P0734 عملنا ريسيت والعربية بقيت تمام وجربت العربية امبارح العربية هبدت جامد بين الغيار الثالث والرابع وكتمت ولما بقف تماما واطلع بتكركر كانها متلته وبعدين تهبد بطلت العربية ودورتها تانى اتظبطت لكن النتشه وساعات تفويته بتكون بين الثالث والرابع وحطيتها على الجهاز تانى نفس العطل P0734 (4TH GEAR INCORRECT RATIO ايه العمل افيدونى
ملحوظه تم تغيير الزيت للفتيس والفلتر للفتيس اكثر من مره