تقرير عن هيونداي النترا Ad ٢٠١٧ (الطفره و الاسطوره )

[don kamelloo]

هيونداي النترا AD 2017

بالنيابة عن جروب النترا Ad و اعترافا مننا ان المنتدي اصل جروبات العربيات في مصر

مبدأيا انا من ملاك العربية كلامي كله عن تجربة

النترا Ad الشكل الجديدة عروسة هيونداي العربية فعلا انا شايفها نقطة تحول في تاريخ هيونداي وهتكبر اسم الالنترا بالذات .

أولا الشكل الخارجي

هيونداي المرة دي طلعت بره التصميم العادي في عربياتها
عملت سياسة كده في العربيه وهي الشبكة الكبيرة ودي فكرتها أن العربيه تبقي مقاومة للهوا علشان ثبات العربيه ودي فعلا النقطة اللي فرقت فعلا خصوصا أن هيونداي معروف ثباتها مش اوي لكن ال Ad فعلا بقول عليها نقلة من هيونداي في الثبات مع العلم انا كان معايا النترا hd و md وفعلا الفرق كبير جدا بجانب طبعا حركة ظريفة عند الفوجات في أماكن بتسمح بدخول الهوا بتسمح بتبريد الفرامل علشان تعطي أفضل أداء الفرامل وفعلا حاضرة وبقوة من أقل لمسة العربيه بتوقف ببساطة

هيواندي استخدمت في العربية فولاذ بنسبه 53% وده ظاهر جدا في قوه صاج العربية ولما تقفل الباب هتتعب نفسك تدوس عليه شوية بس ������
ودعامات جانبية في الابواب وبالمناسبة العربيه حصلت علي اعلي التقييمات في اختبارات السلامة وطبعا شكل العربيه مش جديد علي الكوريين شياكه التصميم العربيه فعلا شيك جدا وتحسها شبه الفورد فيوجن

التصميم الداخلي

هيواندي المرة دي بعدت تماما عن التصميمات المعروفه عنها وخدت أسلوب الألمان التابلوه تحسه مايل ناحيه السواق علشان تبقي كل حاجة سهله عليه والزراير مرتبه جدا وده باين قي زراير المالتي المالتي مرتبه جدا والإضاءة الزرقة المعروفه بيها هيواندي

والعدادات الأبيض حتة ألماني كده ������ وعداد ديجيتال للسرعة وده اول مرة ينزل في الالنترا طبعا
التكييف بقا تلج بمعني الكلمة وفي فتحات خليفة مش هتحتاجها اوي لأن فعلا التكييف تلاجة
نيجي بقا لسحب العربيه العربية طبعا العربيات الكوري معروفه أن سحبها كويس جدا ولكن هيونداي عملت drive mode
وده 3 أوضاع
eco سحب متوسط
normal سحب كويس جداااا
sport وده فعلا وهم العربية بتتحول تماما العربية بتبقا من أي لمسة بتطير وده علشان الناس اللي غاوية شد ������ربنا يهديم ويستر طريقهم
العفشة ولا ناشفة ولا طريقة العفشة وسط حتي مع الجنط ال 17 مش بترزع والكلام ده
استهلاك البنزين كويس جدا

الاوبشن والكماليات

العربية مليانة اوبشن ورفاهية من أول الفئات بتنزل كاميرا وشاشة 8 انش

ومرايات ضم بتقفل وتفتح مع الريموت

وطبعا طارة مالتي وبلوتوث

وبتزيد في الفئات الأخرى

فتحة سقف

ومثبت سرعة

وحساسات أمامية وخلفية

وبصمة وستارت انج

تكييف تاتش

مساند رأس خلفيه

إمكانية طي الكنبه الخليفة

وحساس مطر

وحساس إضاءة

ومرايات تعتيم

وليدات أمامية وخلفية

وجنوط 16 و17

وخاصية فتح الشنطه تلقائي
وفرش جلد

كده قولنا مميزات العربية كلها
نيجي للعيوب بصراحة هي عيوب ترفيهية
العيب الأول وهو غبور
غبور مركب الشاشة والكاميرا في مصر الشاشة كان فيها مشاكل لكن التوكيل بيحلها
لكن عنده مشكلة المايك صوته ضعيف ولازم تتخانق وانت بتتكلم
والكاميرا بتقطع لأنه جايب كاميرا سيئة ومجهولة المصدر
جايب العربية من غير aux وusb ومركب سلك usbمرمي في درج التابلوه طبعا منظره وحش جدا في عربية 2017 ومش رخيصة
لسه بيعتبر الايرباج وال abs كماليات ومش موجودين غير من أول الفئة التالتة
الخلاصة
العربية طفرة من هيونداي وخدت أسلوب جديد تماما وتطور رائع ولكن غبور لازم يحط التاتش بتاعه للأسف ������
أتمني التقرير يفيد حضراتكم وخصوصا الناس اللي ناوية علي الشراء وشكرا
تحياتي ( وسام ايمن)

https://www.facebook.com/groups/939072820950/

[ahmedibrahim]

تقرير جميل جزاك الله خيرا
ماشاء الله لا قوة الا بالله
ربنا يديك خيرها ويكفيك شرها

[don kamelloo]

تقرير جميل جزاك الله خيرا
ماشاء الله لا قوة الا بالله
ربنا يديك خيرها ويكفيك شرها

تسلم ي فندم تحت امرك و متشكرين جدا جدا

[Tamer Shaltout]

الله ينور

[سيكو]

ممتاز

[don kamelloo]

الله ينور

علينا و عليك ي تامر ☺️
منورنا ي باشا

[Ahmed_Fathy_]

مبروك عليك العربية وربنا يديك خيرها ويكفيك شرها.
عايزين نشوف حل مع غبور يعني مثلا يرجع الكاسيت الأصلي بتاعها مع دفع فارق السعر مثلا لأنه على حسب ما قرأت أنه master piece بالنسبة للشركة في الإمكانيات.
وده طبعا يستدعي أنهم يرجعوا ال usb & aux الأصلي.

[don kamelloo]

مبروك عليك العربية وربنا يديك خيرها ويكفيك شرها.
عايزين نشوف حل مع غبور يعني مثلا يرجع الكاسيت الأصلي بتاعها مع دفع فارق السعر مثلا لأنه على حسب ما قرأت أنه master piece بالنسبة للشركة في الإمكانيات.
وده طبعا يستدعي أنهم يرجعوا ال usb & aux الأصلي.

الله يبارك فيك يارب بالنيابه عن وسام
تابعنا علي الفيس
هتسمع اخبار كويسه

[Ahmed_Fathy_]

الله يبارك فيك يارب بالنيابه عن وسام
تابعنا علي الفيس
هتسمع اخبار كويسه

ياريت تقولي ايه اسم الجروب ع الفيس بوك

[Ahmed_Fathy_]

لقيت الجروب ماكنتش واخد بالي.
تحياتي...

[Omar Sarray]

بارك الله فيك على التقريب الوافى والخلاصه والاختصار الجميل تقبل مرورى وملحوظه صغيره ال mode سواء سبورت او راحه او نورمال بحس مفهاش فرق لان مش ختغيرلك قوه الموتور بتغيرلك طريقه القياده ودركسيون فقط مش زى البى ام والمرسيدس

[Ahmed_Fathy_]

بارك الله فيك على التقريب الوافى والخلاصه والاختصار الجميل تقبل مرورى وملحوظه صغيره ال mode سواء سبورت او راحه او نورمال بحس مفهاش فرق لان مش ختغيرلك قوه الموتور بتغيرلك طريقه القياده ودركسيون فقط مش زى البى ام والمرسيدس

هو فعلا مش بيغير في الموتور بس بيفرق كتير بس في الفتيس بيغير وضع الفتيس مثلا ال eco بيكون النقل بدري اوي بالتالي بيفرق في التجميع والسحب وعلي العكس تماماً في ال sport بيكون متأخر وممكن يوصل ل 6500 لفة في الدقيقة وبالتالي التجميع بيكون اسرع والسحب اقوي بكتيييير اما العادي فبيكون وسط بين الاتنين.
وفعلا بيفرق اما اللي حضرتك بتتكلم عليه ده موجود في الكيا سيراتو وبيكون تأثيره علي الدريكسيون فقط.

[don kamelloo]

ياريت تقولي ايه اسم الجروب ع الفيس بوك

https://www.facebook.com/groups/939632072820950/

اتفضل ي باشا

[Mohamed Aly El]

تقرير رائع يا فندم وأنا من ملاك العربية وحبيتها أكتر بعد ما قريت كلامك وفعلا العربية جميلة جدا ونقطة تحول كبيرة لهيونداى أنا استلمتها ف شهر 11 2016 وكانت الدفعة التالتة بالكاسيت الجديد شاشة فقط بدون فتحة سى دى وبدون الأبلكيشنز اللى كانت ف الكاسيت اللى قبله وبدون الكاميرا الخلفية والكاسيت فيه مشاكل كتير بيهنج وبيفصل باور أو تاتش أو صوت أحيانا ولازم أقف وأطفى العربية لمدة دقيقة تقريبا علشان أرستره ويشتغل كويس وبتكون مشكلة لو على طريق سريع وقدمت أكتر من شكوى دون جدوى ومش عارف أتصرف إزاى هل أصر على تغيير الكاسيت بالقديم زى اللى ف الدفعة الأولى ف الصور ولا هو كمان سئ ؟؟ والمشكلة الأكبر إنى إكتشفت إن التكييف ضعيف جدا مش بيسقع !! ياريت تنصحنى أتصرف إزاى ولك جزيل الشكر

[Samir Elshahawy]

تقرير جيد جدا و مش غريب عن أحد رجالة الالنترا ad

طبعا بالنسبة لتطورات موضوع المايك و تشويش الكاميرا حضرتك ادري مني بها و أنها أن شاء الله في طريقها للحل من خلال التوكيل و الشركة الموردة للشاشة
أما بالنسبة للعربية نفسها فالحمد لله كل مالكيها راضيين عنها و فخورين بها و فعلا هي قيمة مضافة الي سمعة الالنترا

تحياتي لك علي الموضوع و المجهود المبذول فيه و تحية خاصة لكل أعضاء جروب الالنترا ad