مراوح التبريد بتفضل شغاله على السرعة البطيئة الأولى وما بتفصلش

[MHMD Alexndria]

أصدقاء المنتدى الكرام,,,
الســــــــــلام عليكم ورحمة الله وبركاته,,,,
استفسار لو سمحتم...
العربية هيونداى ماتريكس 2006
مراوح تبريد الريداتير بعد مشوار بتفضل شغاله على السرعة البطيئة الأولى وما تفصلش لغاية لما ابطل العربية ( لأنى متعود بعد مشوار ابطل العربية لما المراوح تفصل )
على عكس العادة انها كانت بتشتغل دقيقة او اتنين وتفصل ثم تشتغل وهكذا ....

اول ما أدور العربية بتكون فاصلة عادى لغاية لما العربية تسخن بتشتغل وبعد مشوار بتفضل شغالة ممكن لمدة 5 دقايق في انتظارها تفصل لكن مابتفصلش لغاية لما ابطل العربية

ومؤشر الحرارة طبيعى وميه التبريد ايديا اسبانى و ترموستات الكوعة جديدة وخرطوم المية الخارج منها سخن وبعد ما يعدى ع الريداتير بيكون اقل سخونية والموتور عادى مش مبرجل ومشى العربية كويس

هل ده طبيعى ولا ممكن حساس الحرارة او الترموستات الكهربي ؟ وازاى اتأكد

[tameem2010]

انا مش شايف ان فيه مشكلة خالص
ده طبيعي جدا

[MHMD Alexndria]

شكرا لحضرتك
بس مش المفروض ان المراوح تفصل وتشتغل وهكذا حتى لو السرعة الاولى

[tameem2010]

لا المفروض متفصلش على السرعة الاولى
الا لو السما بتمطر تلج
في اجوائنا طبيعي جدا انها تفضل شغالة على السرعة الاولى طول ما العربية شغاله
واحيانا بتشتغل على السرعة التانيه لما تبقى درجة الحرارة معدية او انك تكون مسافر وقارص على المكنة لفترة
حتى من غير ما تشغل التكييف

لو عاوزها تفصل وتتاكد ان كل حاجة سليمة
وقف العربية خالص وسيبها دايره وافتح الكبوت
هتلاقيها بعد 5 دقايق فصلت لمدة دقيقه واشتغلت تاني
بس استنى خمس دقايق وانت فاتح الكبوت
عربيتك طبيعيه جدا ومفيش مشاكل خالص والحمد لله

[MHMD Alexndria]

أشكرك أ/ Tameem2010 على ذوقك وتعاونك
ربنا يطمنك.... بس انا روحت للميكانيكي وعمل حركة معرفش صح ولا غلط كب ميه على الريداتير من بره تبريد خارجي والمراوح فصلت بعديها وقالي الجو والصهد مطابق لجزء من كلامك
في رأيك موضوع كب مياه ع الريداتير من بره للتبريد غلط ولا عادى ما يعملش مشكلة

[roland_yamaha]

طالما حضرتك عملت كل دورة التبريد يبقي ناقصك حاجة واحدة واكيد معملتهاش قبل كده (تسليك الردياتير)
واقصد بيه فك الردياتير برا العربية وتسليكه وبعدين تحط ماية موبيل وان شاء الله مش هتشتكي تاني

[tameem2010]

سكب المياه على الراديتير من برا مفيهوش اي مشكلة نهائي
ده بيساعد على التبريد
والناس بتعمله لما الحرارة بتاع العربيه بتكون رافعه بمجرد ما تكب مياه على الراديتير بتلاقي حرارة العربية نزلت
وكمان بيعملوه عشان يشيكوا على المراوح زي ما عمل الميكانيكي
والمفروض ان المروحه تفصل لو سكب مياه على الراديتير وترجع تشتغل تاني لما المياه اللى على الراديتير من برا تنشف خالص
نفس الكلام في التكييف لو سكبت مياه على السربنتينه برا وشغلت التكييف هتلاقي المراوح تشتغل على السرعة البطيئة بس وبمجرد ما المياه تنشف هتلاقي المراوح قامت على السرعة السريعة
بس لما تكب مياه تقوم تكب على الناحيه اللى مفيهاش المرواح عشان المياه ممكن لاقدر الله تعمل قفلة في المراوح لو الفيشة بتاعته مش معزولة كويس
عموما انت مش محتاج لكب المياه نهائي
عربيتك سليمة والميكانيكي حب يجرب ويتاكد

كل كلامك ده معناه ان عربيتك زي الفل والحمد لله

[MHMD Alexndria]

طالما حضرتك عملت كل دورة التبريد يبقي ناقصك حاجة واحدة واكيد معملتهاش قبل كده (تسليك الردياتير)
واقصد بيه فك الردياتير برا العربية وتسليكه وبعدين تحط ماية موبيل وان شاء الله مش هتشتكي تاني

شكرا لحضرتك
على حسن المعاملة والتعاون
ان شاء الله هعمل موضوع التسيلك للريداتير من باب الصيانة عشان معملتهوش قبل كده
تقبل تحياتي

[MHMD Alexndria]

سكب المياه على الراديتير من برا مفيهوش اي مشكلة نهائي
ده بيساعد على التبريد
والناس بتعمله لما الحرارة بتاع العربيه بتكون رافعه بمجرد ما تكب مياه على الراديتير بتلاقي حرارة العربية نزلت
وكمان بيعملوه عشان يشيكوا على المراوح زي ما عمل الميكانيكي
والمفروض ان المروحه تفصل لو سكب مياه على الراديتير وترجع تشتغل تاني لما المياه اللى على الراديتير من برا تنشف خالص
نفس الكلام في التكييف لو سكبت مياه على السربنتينه برا وشغلت التكييف هتلاقي المراوح تشتغل على السرعة البطيئة بس وبمجرد ما المياه تنشف هتلاقي المراوح قامت على السرعة السريعة
بس لما تكب مياه تقوم تكب على الناحيه اللى مفيهاش المرواح عشان المياه ممكن لاقدر الله تعمل قفلة في المراوح لو الفيشة بتاعته مش معزولة كويس
عموما انت مش محتاج لكب المياه نهائي
عربيتك سليمة والميكانيكي حب يجرب ويتاكد

كل كلامك ده معناه ان عربيتك زي الفل والحمد لله

Mr.Tameem
شكرا كتير لحضرتك
أستفدت كتير من ردك ومشاركتك ف الموضوع ربنا يجازيك كل خير
سؤال تاني بعد اذنك .. ازاى اتاكد ان ترموستات الكوعة سليم بيقوم بعمله مش تقيل ف الفتح لأنه بياخد وقت على ما يفتح سكة خرج المياه من الموتور للريداتير
وساعات بعد مشوار اشيك عليه الاقى خرطوم الميه العلوي الخارج من الموتور بعد ترموستات الكوعه سخن جدا والسفلى بعد الريداتير بارد وشويه كده ويبقو الاتنين سخنين
هل كده عادى...

والسلام عليكم