مشكلة RPM زيرو والعربية دايرة Elantra MD 2012

[asfayad]

السلام عليكم ورحمة الله وبركاته
حصلت معايا حاجة غريبة

1- اكون ماشي مشوار قريب 10 كيلو مثلا و فجاة عند أول تهدية مطب مثلا ال rpm ينزل علي الزيرو والعربية تبرجل بس ماشية وبعد كدة تبطل مني

2-ادور أول مرة البرجلة تروح عشان علي ال بس (دايرة ومكتومة و ال rpm عالزيرو) مع تزويد الدوسة علي دواسة البنزين ال rpm لا يستجيب

3-لازم أطفي وأشتغل في المرة التانية (دايرة وصوت الموتور طبيعى بس ال rpm عالزيرو ) مع تزويد الدوسة علي دواسة البنزين ال rpm يظبط

انا مغير فلاتر و بوجيهات من حوالي 10 الاف كيلو والصيانة الدورية علي طول في التوكيل
حاليا انا عامل 110 الف كيلو

ميكانيكي قالي ممكن تكون (بوابة) و كهربائي قالي حاجة أسمها (بيبة سرعة)

ازاي اتأكد من العيب؟

وشكرا جزيلاً

[م/أحمد عبد الفتاح]

دى فى الغالب بداية تلف حساس عمود الكرنك

[asfayad]

دى فى الغالب بداية تلف حساس عمود الكرنك

السلام عليكم مهندس أحمد
أتاكد بنسبة 100% من العيب أزاي و ياريت لو ممكن حضرتك تدلني علي مركز خدمة كويس في منطقة مدينة نصر أو مصر الجديدة أو الحرفيين؟
وشكرا جزيلا

[م/أحمد عبد الفتاح]

حاتروح لورشة يكون عندها سكانر بتاع الاعطال وتخليه يشوف الاعطال اللى عندك اكوادها ايه لو الكود بين الارقام p0335 و p0338 يبقى العطل فى سينسور الكرنك مع ملاحظة الاتى :
لو لمبة التشيك منورة عندك فى التابلوه حايكون العطل مكتوب جنبه انه active لو اللمبة مش منورة او بتنور ساعات وتطفى ساعات حتلاقى العطل مكتوب جنبه pending
بالنسبة لورشة كويسة انا مش من القاهرة بس فيه واحد فى الحرفيين اسمع انه كويس اسمه المهندس باسم بس معرفش بيشتغل فى الهيونداى ولا لأ - وكمان باسمع برضه خير عن مهندس هانى العاقل بس بصراحه معرفش فين فى القاهرة .
بس عموما طالما وانت بتدور مابتلاقيش عداد الار بى ان بيقرا يبقى الكرنك سينسور بايظ او اسلاكه او الفيشة بتاعته فيهم مشكلة او الفيشة مهزوزة ومش راكبة كويس

[asfayad]

حاتروح لورشة يكون عندها سكانر بتاع الاعطال وتخليه يشوف الاعطال اللى عندك اكوادها ايه لو الكود بين الارقام p0335 و p0338 يبقى العطل فى سينسور الكرنك مع ملاحظة الاتى :
لو لمبة التشيك منورة عندك فى التابلوه حايكون العطل مكتوب جنبه انه active لو اللمبة مش منورة او بتنور ساعات وتطفى ساعات حتلاقى العطل مكتوب جنبه pending
بالنسبة لورشة كويسة انا مش من القاهرة بس فيه واحد فى الحرفيين اسمع انه كويس اسمه المهندس باسم بس معرفش بيشتغل فى الهيونداى ولا لأ - وكمان باسمع برضه خير عن مهندس هانى العاقل بس بصراحه معرفش فين فى القاهرة .
بس عموما طالما وانت بتدور مابتلاقيش عداد الار بى ان بيقرا يبقى الكرنك سينسور بايظ او اسلاكه او الفيشة بتاعته فيهم مشكلة او الفيشة مهزوزة ومش راكبة كويس

شكرا جزيلاً على الرد ومعلش تعبناك

[roland_yamaha]

ده حساس كرنك يا باشا ابدأ بيه علي طول وافضل حد مهندس هاني ميخائيل مركز سبيد سرفيس جسر السويس خلف حديقة بدر وده رقمه 01060900088