Tweet
انا ضيف جديد معاكم في هذا المنتدي من الممتاز انا مقيم في مرسي مطروح وهقول تجربتي كامله مع الهايونداي كريتا ٢٠١٧ لون اسود ولسه بايعها من شهر تقريبا ولله الحمد والشكر
اول شيء العربيه اشتريتها خليجي لون اسود وده لاني كنت عايزها زجاج فاميه والوكيل مش فاميه للاسف المهم اشتريتها خليجي وكان زجاجها عادي ابيض لكن ورق العربيه كان مكتوب فيه زجاج ملون. فروحت علي طول اول مااستلمت العربيه غيرت الازاز قبل مااروح المرور وركبت زجاج فاميه غامق جدا جدا وكان ممتاز علي لونها الاسود وبعد كده روحت رخصت واترخصت فاميه بكل سهوله ....
تاني شيء اول مااشتريت العربيه كان في الشتا وللاسف لما شغلت تكييفها اول مااشتريتها ماحسيتش بالتكييف وقلت يمكن عشان الشتا والجو
بعد كده فضلت امشي بالعربيه وماجيبتش الميه لغايه لما جيبت ٩٠٠ كيلو. فغيرت ليها زيت عشر الاف اسمه اكونمي الماني وغيرته عند واحد بتاع زيوت معروف عندنا انه كويس. والعربيه كانت جنط ١٦. وسافرت بيها من مطروح للقاهره ومن مطروح لاسكندريه وانا دايما في سفر بحكم شغلي وبسم الله ماشاء الله العربيه كنت بمشي بيها علي ١٦٠ وبصراحة لغايه وقت مابعتها ماجربتش اعدي السرعه دي نهائي والعربيه ثباتها جيدا جدا بدون اي نفاق......
مميزاتها
ثابته لغايه السرعه الي جربتها وماجربتش سرعه اعلي من كده
العربيه كانت فاضيه خالص جيبت ليها كاسيت دي في دي ب خمس الاف جنيه وظبطت شويه حاجات فيها وبقت فيها الاكتر من الهاي لاين وربنا كرمني في بياعتها والحمد لله
لكن المهم غيرت كاوتشات العربيه وجيبت ليها كوتشات فرنساوي سعر الكاوتش لواحده ٣ الاف جنيه اسمه جنرال مش فاكر مقاسه كم بالظبط لكن كاوتشات كبيىره بسم الله ماشاء الله وحطتله جنط زيرو ١٧ وبقت العرببه مرفوعه جدا بطريقه ممتازه وبقت مرفوعه عن
الارض بطريقه ملفته اكتر من الهاي لاين بتاعتها وقارنتها بيني وبين اصدقائي ولقيت الكاوتشات الي جايبها والجنط مخلي العربيه عاليه جدا بطريقه ملحوظه ومختلفه تماما عن علو اي كريتا تانيه وكيل او خليجي الهاي لاين لدرجه ان فيه ناس كانت بتسالني انت شاري العربيه كده منين وكان كل شويه يجيلي مشتري من اصحابي والحمد لله بعتها وكسبت فيها ولله الشكر والحمد
المهم بعد ماعملت كده كنت للاسف بيعت كاوتشات العربيه الاصليه بالجنط بتاعها وبعد كده لقيت علامه في التابلوه معناها ان فيه مشكله في الكاوتشات وللاسف الي بعت ليه الكاوتشات ماعرفتش اوصله تاني لانه كان باعها لواحد تاني وسافر
المهم روحت التوكيل عشان اشوف المشكله قالي ان الكوتشات بتاعت العربيه الاصليه راكب فيها حساسات وان الحساسات دي لازم تركب في العربيه وللاسف ماكنتش موجوده عنده
المهم تقبلت الامر الواقع بس العربيه اختلفت جدا في الجري والثبات وبقت ممتازه بمعني الكلمه بسم الله ماشاء الله
العربيه اصبحت افضل من الهاي لاين بتاعتها وركبت فيها كل الي راكب في الهاي لاين واكتر لغايه لما اصبحت راضي جدا عنها وعملت كده من اجل البيع والحمد والشكر لله وربنا كرمني في بياعتها
المشكله بقي لما الصيف جه طلع العربيه فيها مشكله في التكييف وكنت مفكر التكييف بتاعها ادائه ضعيف وبعد كده اتاكدت ان المشكله للاسف في عربيتي بس وروحت صلحت التكييف عند واحد اعرفه ودفعت للاسف ١٥٠٠ جنيه والحمد لله اصبح التكييف جيد جدا وبقي طبيعي.
تكييف العربيه الكريتا جيد جدا يعني انا بفتحه في الحر النار علي ٣ وفي الحر العادي علي ٢. ولغايه ماوقت مابعتها مافتحتوش علي ٤. التكييف بتاع الكريتا جيد جدا
لكن لما بتشغل التكييف وانت ماشي العربيه بتتقل وسرعتها بتقل لكن بتبقي برضوا كويسه وتمشي بيها علي سرعه عادي من غير مشكله
نصيحه لكل واحد قبل مايشتري اي عربيه جرب التكييف الاول قبل ما تدفع فلوسك عشان ماتغلطش نفس غلطتي وفي الاخر تندم الحمد لله انها جت معايا علي قد كده وان التكييف ماكش بايظ وانها كانت حاجات سهله. الراجل بتاع التكييف غير حاجه اسمها السلانس تقريبا وخدت الاصليه وادتها للي اشتري العربيه وركبت السلانس ده وكان تمنه ٤٠٠ جنيه تقريبا
المهم بعد كده غير زيت عشر الاف وفلتر ب ٦٠٠ جنيه من عند واحد مش من التوكيل لاني ماديا مش قد التوكيل والحمد والشكر لله علي النعمه الي فيها لله الحمد ولله الشكر ويارب يحفظ الي اشتراها من كل شر
المهم انا مش عايز اطول عليكم لكن بحكيلكم كل الي حصل علشان تكون الصوره واضحه للي عايز يشتري النوع ده من العربيات ومايغلطش غلطاتي. ...الاول جرب التكييف. تاني حاجه لو بعت كاوتشات عربتك تاكد ان مافهاش حساس عشان الحساس دي الي بيعرفك حاله الاطارات. ودي كانت معلومه جديده ليا
انا كتبت الموضوع ده عشان احنا كلنا بنتعلم من غلطات بعض والحمد لله دي كانت تجربه واستفدت من مميزاتها وعيوبها مش هطول عليكم المهم
المميزات
ثباتها كويس جدا لغايه ١٦٠ بالجنط ١٦ و١٧ اصبح الثبات ممتاز. لكن برضوا خدوا بالكم في طرق زفت بتبقي العربيه مش ثابته علي ١٣٠ حتي بسبب العوجان والحاجات الي مبوظه الطرق وانا بتكلم بصفه عامه علي الطرق السريعه
تكييفها كويس جدا. والهوا ساقع جدا علي ٢ و ٣ وفيها تكييف خلفي كويس جدا
العفشه بتاعت العربيه معقوله معني كده امها مش ناعمه هيا ناشفه بس مش القوي انك تتزعج بيها لكن لما غيرت الكوتشات والجنط الغريبه ان العفشه ظبطت جدا وحسيت ان الكاوتشات هيا اساس العفشه لان النوع الي جيبته حسيت ان العربيه اتظبطت جدا مع العلم ان الجنط اصبح ١٧ لكن انا اتاكدت ان الكاوتشات هيا اساس عفشه العربيه وانك ممكن تشتري نوع كاوتش نضيف حتي لو غالي كانك غيرت العفشه وتلاقس عربيتك بقت حاجه تانيه عن تجربه
العيوب بقي
عزل الصوت هو العيب في النوع ده لان العزل مش كويس واوقات كتير جدا بسمع الي برا العربيه بوضوح
سماعات العربيه كويسه جدا مع الكاسيت وصوتها كويس جدا ونقي
العربيه لما كنت بحط ليها بنزين ٩٥ بحس انها طياره بسم الله ماشاء الله اما بنزين ٩٢ بحس انها بتاخد وقت علي بال ماتجمع سرعه
العربيه شايفها كويسه جدا. مش ممتازه لكن كويسه من حيث انها مش بتحك في مطبات وثابته علي سرعه وتكيفها كويس جدا وعيبها عزل الصوت ويمكن العافشه ناشفه شويه قبل مااغير ليها الكاوتشات
العربيه كنت شاريها ب ٣٢٠ وصرفت عليها ٥٥ الف جنيه لكن الي كان فيها ماكنش موجود في الهاي لاين والحمد لله ربنا كرمني في بيعتها والي اشتريها جابلها الحساسات بتاعت الكاوتش من التوكيل ي
ب ٥٦٠٠ جنيه لكل الكاوتشات وحطها في الكاوتشات الجديده واصبحت بلا اي مشكله وربنا يباركله فيها ويكفيه شرها ويجلب ليه خيرها ويحفظه من كل خطر ويارب يحفظكم كلكم ويحفظ الجميع واتمني اكون قدرت اكتب تجرتبي وسامحوني اني مقصر في الشرح لاني مش خبير في السيارات فكتبت علي قدر فهمي واتمني اكون افدتكم
اول شيء العربيه اشتريتها خليجي لون اسود وده لاني كنت عايزها زجاج فاميه والوكيل مش فاميه للاسف المهم اشتريتها خليجي وكان زجاجها عادي ابيض لكن ورق العربيه كان مكتوب فيه زجاج ملون. فروحت علي طول اول مااستلمت العربيه غيرت الازاز قبل مااروح المرور وركبت زجاج فاميه غامق جدا جدا وكان ممتاز علي لونها الاسود وبعد كده روحت رخصت واترخصت فاميه بكل سهوله ....
تاني شيء اول مااشتريت العربيه كان في الشتا وللاسف لما شغلت تكييفها اول مااشتريتها ماحسيتش بالتكييف وقلت يمكن عشان الشتا والجو
بعد كده فضلت امشي بالعربيه وماجيبتش الميه لغايه لما جيبت ٩٠٠ كيلو. فغيرت ليها زيت عشر الاف اسمه اكونمي الماني وغيرته عند واحد بتاع زيوت معروف عندنا انه كويس. والعربيه كانت جنط ١٦. وسافرت بيها من مطروح للقاهره ومن مطروح لاسكندريه وانا دايما في سفر بحكم شغلي وبسم الله ماشاء الله العربيه كنت بمشي بيها علي ١٦٠ وبصراحة لغايه وقت مابعتها ماجربتش اعدي السرعه دي نهائي والعربيه ثباتها جيدا جدا بدون اي نفاق......
مميزاتها
ثابته لغايه السرعه الي جربتها وماجربتش سرعه اعلي من كده
العربيه كانت فاضيه خالص جيبت ليها كاسيت دي في دي ب خمس الاف جنيه وظبطت شويه حاجات فيها وبقت فيها الاكتر من الهاي لاين وربنا كرمني في بياعتها والحمد لله
لكن المهم غيرت كاوتشات العربيه وجيبت ليها كوتشات فرنساوي سعر الكاوتش لواحده ٣ الاف جنيه اسمه جنرال مش فاكر مقاسه كم بالظبط لكن كاوتشات كبيىره بسم الله ماشاء الله وحطتله جنط زيرو ١٧ وبقت العرببه مرفوعه جدا بطريقه ممتازه وبقت مرفوعه عن
الارض بطريقه ملفته اكتر من الهاي لاين بتاعتها وقارنتها بيني وبين اصدقائي ولقيت الكاوتشات الي جايبها والجنط مخلي العربيه عاليه جدا بطريقه ملحوظه ومختلفه تماما عن علو اي كريتا تانيه وكيل او خليجي الهاي لاين لدرجه ان فيه ناس كانت بتسالني انت شاري العربيه كده منين وكان كل شويه يجيلي مشتري من اصحابي والحمد لله بعتها وكسبت فيها ولله الشكر والحمد
المهم بعد ماعملت كده كنت للاسف بيعت كاوتشات العربيه الاصليه بالجنط بتاعها وبعد كده لقيت علامه في التابلوه معناها ان فيه مشكله في الكاوتشات وللاسف الي بعت ليه الكاوتشات ماعرفتش اوصله تاني لانه كان باعها لواحد تاني وسافر
المهم روحت التوكيل عشان اشوف المشكله قالي ان الكوتشات بتاعت العربيه الاصليه راكب فيها حساسات وان الحساسات دي لازم تركب في العربيه وللاسف ماكنتش موجوده عنده
المهم تقبلت الامر الواقع بس العربيه اختلفت جدا في الجري والثبات وبقت ممتازه بمعني الكلمه بسم الله ماشاء الله
العربيه اصبحت افضل من الهاي لاين بتاعتها وركبت فيها كل الي راكب في الهاي لاين واكتر لغايه لما اصبحت راضي جدا عنها وعملت كده من اجل البيع والحمد والشكر لله وربنا كرمني في بياعتها
المشكله بقي لما الصيف جه طلع العربيه فيها مشكله في التكييف وكنت مفكر التكييف بتاعها ادائه ضعيف وبعد كده اتاكدت ان المشكله للاسف في عربيتي بس وروحت صلحت التكييف عند واحد اعرفه ودفعت للاسف ١٥٠٠ جنيه والحمد لله اصبح التكييف جيد جدا وبقي طبيعي.
تكييف العربيه الكريتا جيد جدا يعني انا بفتحه في الحر النار علي ٣ وفي الحر العادي علي ٢. ولغايه ماوقت مابعتها مافتحتوش علي ٤. التكييف بتاع الكريتا جيد جدا
لكن لما بتشغل التكييف وانت ماشي العربيه بتتقل وسرعتها بتقل لكن بتبقي برضوا كويسه وتمشي بيها علي سرعه عادي من غير مشكله
نصيحه لكل واحد قبل مايشتري اي عربيه جرب التكييف الاول قبل ما تدفع فلوسك عشان ماتغلطش نفس غلطتي وفي الاخر تندم الحمد لله انها جت معايا علي قد كده وان التكييف ماكش بايظ وانها كانت حاجات سهله. الراجل بتاع التكييف غير حاجه اسمها السلانس تقريبا وخدت الاصليه وادتها للي اشتري العربيه وركبت السلانس ده وكان تمنه ٤٠٠ جنيه تقريبا
المهم بعد كده غير زيت عشر الاف وفلتر ب ٦٠٠ جنيه من عند واحد مش من التوكيل لاني ماديا مش قد التوكيل والحمد والشكر لله علي النعمه الي فيها لله الحمد ولله الشكر ويارب يحفظ الي اشتراها من كل شر
المهم انا مش عايز اطول عليكم لكن بحكيلكم كل الي حصل علشان تكون الصوره واضحه للي عايز يشتري النوع ده من العربيات ومايغلطش غلطاتي. ...الاول جرب التكييف. تاني حاجه لو بعت كاوتشات عربتك تاكد ان مافهاش حساس عشان الحساس دي الي بيعرفك حاله الاطارات. ودي كانت معلومه جديده ليا
انا كتبت الموضوع ده عشان احنا كلنا بنتعلم من غلطات بعض والحمد لله دي كانت تجربه واستفدت من مميزاتها وعيوبها مش هطول عليكم المهم
المميزات
ثباتها كويس جدا لغايه ١٦٠ بالجنط ١٦ و١٧ اصبح الثبات ممتاز. لكن برضوا خدوا بالكم في طرق زفت بتبقي العربيه مش ثابته علي ١٣٠ حتي بسبب العوجان والحاجات الي مبوظه الطرق وانا بتكلم بصفه عامه علي الطرق السريعه
تكييفها كويس جدا. والهوا ساقع جدا علي ٢ و ٣ وفيها تكييف خلفي كويس جدا
العفشه بتاعت العربيه معقوله معني كده امها مش ناعمه هيا ناشفه بس مش القوي انك تتزعج بيها لكن لما غيرت الكوتشات والجنط الغريبه ان العفشه ظبطت جدا وحسيت ان الكاوتشات هيا اساس العفشه لان النوع الي جيبته حسيت ان العربيه اتظبطت جدا مع العلم ان الجنط اصبح ١٧ لكن انا اتاكدت ان الكاوتشات هيا اساس عفشه العربيه وانك ممكن تشتري نوع كاوتش نضيف حتي لو غالي كانك غيرت العفشه وتلاقس عربيتك بقت حاجه تانيه عن تجربه
العيوب بقي
عزل الصوت هو العيب في النوع ده لان العزل مش كويس واوقات كتير جدا بسمع الي برا العربيه بوضوح
سماعات العربيه كويسه جدا مع الكاسيت وصوتها كويس جدا ونقي
العربيه لما كنت بحط ليها بنزين ٩٥ بحس انها طياره بسم الله ماشاء الله اما بنزين ٩٢ بحس انها بتاخد وقت علي بال ماتجمع سرعه
العربيه شايفها كويسه جدا. مش ممتازه لكن كويسه من حيث انها مش بتحك في مطبات وثابته علي سرعه وتكيفها كويس جدا وعيبها عزل الصوت ويمكن العافشه ناشفه شويه قبل مااغير ليها الكاوتشات
العربيه كنت شاريها ب ٣٢٠ وصرفت عليها ٥٥ الف جنيه لكن الي كان فيها ماكنش موجود في الهاي لاين والحمد لله ربنا كرمني في بيعتها والي اشتريها جابلها الحساسات بتاعت الكاوتش من التوكيل ي
ب ٥٦٠٠ جنيه لكل الكاوتشات وحطها في الكاوتشات الجديده واصبحت بلا اي مشكله وربنا يباركله فيها ويكفيه شرها ويجلب ليه خيرها ويحفظه من كل خطر ويارب يحفظكم كلكم ويحفظ الجميع واتمني اكون قدرت اكتب تجرتبي وسامحوني اني مقصر في الشرح لاني مش خبير في السيارات فكتبت علي قدر فهمي واتمني اكون افدتكم
Comment