مساعدة في صيانة طاقم الكاتينة فيرنا 1500cc

[مصري المصري]

عاوز أغير طاقم الكاتينة بالسير بالبلي بطلمبة المياه بالأولسيه في الفيرنا 1500cc المصري
السؤال:
هل البلية وطلمبة المياه والأولسيهات في الفيرنا 1500cc زي الفيرنا 1600cc ولا لأ
أرجوا التوضيح والتفصيل؟
والسير بتاع الكاتينة 1500cc كام عقلة والأصلي بيبقى مكتوب عليه إيه؟
وشكرا

[m3m3a]

السلام عليكم
اللي اعرفه ان طرمبه الميه بتاع 1500 مختلفه عن 1600 وكايركبوش مكان بعض

[مصري المصري]

صحيح والكلام مظبوط جزاك الله خيرا
فعلا طرمبة المياه في الماتور 1500cc مختلفة عن طرمبة ال 1600cc في الشكل وفي أماكن فتحات مرورو المياه؛ عرفت كده بعد الشراء والتركيب.
بس المهم إن الناس تجيب الطلمبة الأصليه او عل الأقل نوعيه تكون محترمة - وإن كان الأصلي مفيش حاجه تُعلى عليه - لأن فكها عذاب وتركيبها عذاب فعلا.

[مصري المصري]

بالنسبة لسير الكاتينة فأيضا مختلف في 1500cc عن 1600cc
1500cc السير بيبقى 110 عقله وفيه منه أنواع كتير زي كونتينتال ألماني و بوش بس روماني او اتحاد أوربي ودايكوا إيطالي وأفضل دول كلهم في غير الأصلي في وجهة نظري الدايكو بس يكون الدرجه الأولى لان فيه منه تقليد أو حاجه زي كده وكل دول في كراتين وبتختلف ألوانها عل حسب كل شركه
أما الأصلي فبيبقى في كيس وعل الكيس لزقة Genuine Parts وجنبها علامة هيونداي وبيبقى مكتوب عل اللصقة صنع في كوريا
وبيبقى مرسوم عل السير ذات نفسه علامة هيونداي ومكتوب عليه Bando وارقام السير وكده.
أما ال 1600cc فالسير بتاعها 105 عقله وفيه منه انواع وفيه منه الأصلي زيه زي سير 1500cc.
والله أعلم.