بفكر اجيب النترا

[dr_abooody]

من مشاكلها انها بتحك لما تكون محملة 3 في الكنبة و الشنطة بتكون شايلة حاجات
مرة كنا عدينا على مطب كبير اوي العربية اعدت تحك لدرجة اننا نزلنا من العربية عشان تطلع المطب
بس دة هيحصل في اي عربية جديدة عشان كلهم واطيين

بس العربية تحفة و فخمة جداااا و مريحة
انا بصراحة بفكر اجيبها

[ahmed161075x]

يعنى هى احسن من السيراتو ؟

[migomax]

يعنى هى احسن من السيراتو ؟

والله السؤال صعب لان لازم اللي يجواب حد جرب السيراتو بنفسه .. بس انا كان عندي حد عندوا سيراتو كان بيشكر فيها بس هي ضيقة عن الالنترا..

وبعدين السيراتو الوحيدة اللي متورها 121 حصان زي الالنترا..

عموما انا شخصيا لما اشتريت عربيتي أجرت عربية لانسر شارك (القرش) الشكل الجديد وأجرت عربية الشكل القديم اللي هو البومه، وسقت عربيات أصحابي وقرايبي علشان أقتنع بعربية كويسة..
لقيت الالنترا أفضلها اتزانا وتسارعا ووسعا..

بس حاول تجرب بنفسك وما تعتمدش على كلام الناس لأن كل واحد بيحب عربيته وانت عارف القرد في عين امه غزال..

و العربية اللي تحس انها مريحاك اشتريها..

[KING_LEDO]

انا معى الترا 2007 و عامل 54000
ممتازة توكل على الله
موضوع الوطى عاديه خالص

[migomax]

انا معى الترا 2007 و عامل 54000
ممتازة توكل على الله
موضوع الوطى عاديه خالص

على فكرة هي عادية مش واطية الا لما يكون معاك ناس ورا وفي نفس الوقت المطب عشوائي وعالي جدا

[kliken]

اتوكل على الله الالنترا فعلا عربيه محترمه جدا بس انا معايا 2006 بس مش بتاكل بنزين خالص الحمد لله

[eino666]

انا معايا النترا 2008 اوتوماتيك
بسم الله ماشاء الله عليها عربية فوق النمرة 1 ممتازة جدا جدا
توكل على الله وهات النترا وإن شاء الله مش هتندم وهتدعيلي
*******
محمود عينو