يا جماعة بركولى رايح بكره استلم النترا 2008

[tefeamer]

رايح بعون الله غدا استلم النترا 2008 من غبور برجاء لو حد عنده معلومات عن كيفية التسليم وهل اراجع على العربية والا ايه وعقبال جميع اللى فى المنتدى يا رب فعلا انا استفدت من هذا الموقع ومنكم الكثير مع الشكر

[السيد أحمد]

الف مبروك
ربنا يعطيك خيرها ويكفيك شرها

[bishoo33]

2008 ليه احنا خلاص فى 2009
سنه تفرق
انا معايا ماتريكس 2008 وتاريخ الشراء يوليو 2007
وعلى فكره الالنترا رائعه وياسلام لو اوتوماتيك
مش حتندم يا صاحبى

[smartman]

مبروك ...بس انا بأنصحك تتأنى شوية ده كلها ايام معدودة و 2009 تنزل كده ح تتحسب عليك سنة على الفاضى لما تيجى تبيع...و كمان فيه واحد صاحبى بيشتغل فى التوكيل بيأكد لى ان على نص يناير سعرها ح ينزل كتير ممكن توصل 85000

[amr22_00]

يا جماعه الراجل رايح يستلم خلاص هيتأنى ايه بس
الف مبروك وربنا يباركلك فيها ان شاء الله
وتستلم على خير

[bob12345]

ya gam3a sa3rha mesh hanzel wala 7aga ana lesa sa2el fe gabor we a2loly enha sa3rha hay3la

[Hussein_Ramdan]

مبروك ...بس انا بأنصحك تتأنى شوية ده كلها ايام معدودة و 2009 تنزل كده ح تتحسب عليك سنة على الفاضى لما تيجى تبيع...و كمان فيه واحد صاحبى بيشتغل فى التوكيل بيأكد لى ان على نص يناير سعرها ح ينزل كتير ممكن توصل 85000

اعتقد ان مستحيل سعرها ينزل للسعر الى بتقول علية دة مش معقول يااخى

[smartman310]

الف مبرووك يا مااااااااااان وتكون وش السعد عليك

[smsmbakr]

الف مبروك
ربنا يعطيك خيرها ويكفيك شرها
بس كنت اصبر لغاية اول السنة علشان 2009

[heshaaam]

ربنا يعطيك خيرها ويكفيك شرها

اهم حاجة شيك عليها كويس برده اى توكيل ممكن يغلط

وشوف سعرها اوتوماتيك ممكن يبقى تسعينات امتى

ومتهتمش بحوار السنة مبتفرقش واللى جاب موديلها ف الاول دفع اكتر منك

[youssefmustang]

الف الف مبروك ويا رب تستلم بسرعة ما يقولولكش استنى تانى ولما تيجى تستلم ابقى شيك عليها يعنى شوف فيها حاجة ناقصة ولا لا بص على الكوريك وعلى الاستبن وعلى الولاعة واستلم الكتالوجات وشوف البودى فيه خدوش او جروح بص على الشماسة تكون متلخلخة وشوف الفرش لحسن يكون فى قطع او حاجة وبص على الطفاية وهكذا ... عشان غبور النصاب ممكن يعمل اى حاجة لانه ما فيش ضمير عندهم..
اخوكم يوسف

[tefeamer]

الاخ يوسف الاخوات الاعزاء اللى تكرموا بالرد عليه الف الف شكر على ارائكم انا فعلا حاسس انى يتعامل مع اصدقاء حقيقيين ونعم الصحبه ونعمه الرأى وانا الحمد لله استلمت امبارح ورخصت والحمد لله كله تمام اما بالنسبة انى اتنى شوية انا جبتها لان عرها رخص من 104 الى 97 وكنت خايف من موديل 2009 يرجع يغلى تانى وانا مش فارقة معايا الموديل لكن السعر يفرق ، علشان كده انا جبتها وهى على فكرة مانيوال ولونها باذنجانى وشكرا مرة اخرى . اخوكم عاطف

[migomax]

مبروك يا ماااان
أهم حاجة فيه وصلة مع السي دي بتوصل عليها الفلاشة دي لو ما استلمتهاش مش حتلاقيها في السوق بسهولة..
فراجعهم لاتهم بيسلموها بره العربية..
وعقبال ما تخاويها

[tefeamer]

مضبوط يا اخى فعلا الوصلة موجودة واستلمتها ومكنتش عارف انه فيه وصلة مع الى دى والمندوب اللى سلمنى العربية ادهالى شكرا يا اخى وعقبالك انت وباقى الزملاء لما تجيبوا البى ام