اكصدام الفرنا الامامي سؤال؟

[r0xer]

مساء الخير

ربنا أكرمني بواحد أقل مايقال عنه غبي من سائي التوك توك و تسبب في إن الاكصدام اتخربش جامد جدا جدا من الجانب الايمن...لكن عادي مهو بقى مزبلة اصلا الاكصدام دا...مش مشكلة

لكن المهم ان دلوقتي التالي :

أول الاكصدام من فوق من ناحية اليمين طلع شوية لبرة..؟ زقيته بأيدي دخل ولكن بعد5 ثواني مثلا بيطلع لبرة تاني...مش حتة كبيرة اللي طلعت لبرة يعني يدوب 10 سنتي متر بالظبط.

فهل دا يكون كلبس و أتكسر؟ واحل المشكلة دي ازاي وعند مين؟

لا أراكم الله مكروها في فيرنتكم ابدا :(

[AHMEDCAR]

ممكن تصورلى الاكصدام بالظبط علشان اقدر احدد اذا كان كليبس ولا هايحتاج تسخين

[r0xer]

مش هينفع ياأحمد لان معييش أي وصلة من الموب للكمبيوتر حاليا .

طيب خليني أشرحلك أكتر و نشوف أسوأ الحلول

انا عدلت الاكصدام بأيدي وشايف إنه من برة دلوقتي مبقاش باين، لكن من جوا "يعني من قدام العجل من جوا" حطيت أيدي عليه لاقيته بيتلخلخ كدا وضعيف مش زي الناحية التانية ثابت.

فخلينا نفترض الأسوأ..لو هيتلحم هيكلف كام؟ وهل هيفك الاكصدام ولا وهو راكب؟

[AHMEDCAR]

المكان اللى انت قصدك عليه ده فيه مسمارين واحد من الداخل و الاخر من الداخل خلف الفانوس يعنى لازم تفك الفانوس علشان تشوفه غالبا فى واحد منم اتكسر و ده امره سهل انك تركبه بنفسك