بالنسبة لصيانة الالف الاولى

[temoo_110]

السلام عليكم ورحمة الله وبركاتوه
بعد الشكر على اهتمامكم بيا وبسيارتى الجديدة
كنت عاوز استفسر عن شوية حاجات
انا دلوقتى عامل 700 كم وكنت عاوز اعرف هو صيانة الالف بتتعمل فين فى الاسكندرية وبتتكلف كام وايه اللى بيتعمل بالظبط علشان ابقى عندى خلفية
ثانيا انا عندى الدبرياج واطى جدا هل ينفع انهم يرفعوه شوية فى الصيانة ولا
واكون شاكر على الرد

[Mo3taz Selim]

يا باشا مليون مبروك مره ثانيه
صيانة ال 1000 حضرتك طبعا تعملها فى التوكيل و بالنسبه للأسعار حضرتك ممكن تتابع اللينك ده

http://www.nilemotors.net/Forum/viewtopic.php?t=1426

هاتلاقى فيه كل الأسعار اما بخصوص الدبرياج فطبعا لازم تقول لهم عليه و على أى ملاحظات تانيه عن السياره و هما بيظبطوها و كل ده تبع الضمان يعنى مش هاتدفع و لا مليم زياده عن مصاريف الصيانه

[temoo_110]

متشكر جدا يا معتز باشا

[مهندس محمد صلاح]

الف مبروك

الف مبروك على العربية .. حتروح شارع السلطان حسين تلاقى توكيل هيونداى .. تكون هناك الساعة 9 صباحا بالكتير علشان تمشى على الساعة 1 بعد الظهر وكل تاخير فى بدأ الصيانة حتتأخر فى الانصراف .. حتدفع تمن الزيت سواء 5000 او 10000 كيلو متر حسب رغبتك انت .. حتدفع تمن فلتر الزيت على ما اظن كمان .. اى ملاحظات عندك تقول لهم عليها فور وصولك وتسليمهم العربية .. تاخد معاك كتيب الضمان علشان يتختم .. الف مبروك تانى وتالت ورابع وابقى احكى لنا مغامراتك مع غبور لما ترجع بالسلامة

[temoo_110]

ربنا يبارك فيك يا استاذ محمد
انشاء الله هروح بس على فكرة انا ماختش كتيب الضمان من الصالة بتاعت العربيات النهارده هروح اسائل عليه
هو فى حاجة تانية غير كتيب الضمان المفروض اخدوه

[Salah_sr]

ألف مبروك و حاول تروح التوكيل قبل الساعة 8.30 أنا رحت الساعة 8.30 وكنت رقم 11 قبل أن يفتح التوكيل و العربيات منتظرة خارج التوكيل و ألف مبروك مرة أخري

[temoo_110]

الف شكر يا استاز صلاح انا روحت النهارده الساعة 10.30 واخدت رقم 57 ورحت استلمت السيارة الساعة 4 والحمدلله جات سليمة بدون مشاكل

[Tarek Fadl]

الف مبروك يا باشا بس مقلتلناش دفعت كام وهل بيضبطوا الزوايا في صيانة الالف ام لا

[temoo_110]

دفعت 92 جنيه غيرت زيت شيل 3000 وفلتر وطبعا بيظبطو الزوايا بس لازم تقولهم لو فى العربية اى حاجة ومتمشيش غير لما تجرب العربية وتتاكد انها تمام

[PAYOO]

أولا ألف مبروك على العربيه الجديده (ولو أنها متأخره شويه)

ثانيا يا ترى الزيت إللي حضرتك حطيته كان شل سوبر 20W-50 وبيقولو عليه شل 5000 وده سعره 65 جنيه (جركن أصفر)؟

[temoo_110]

ايوة بالظبط يا استاذ هانى هو ده الجيركن الاصفر

[PAYOO]

ايوة بالظبط يا استاذ هانى هو ده الجيركن الاصفر

على فكرة الزيت ده 5000 مش 3000

ولو سألت في شل هاتلاقيهم بيقولو عليه 5000

على أي حال انا بغيرهخ بعد الـ 4000 ، يعني بعد الـ4000 أبدأ أشوف أي فرصه عشان أغير الزيت

[Tarek Fadl]

السلام عليكم ورحمة الله وبركاته
علي فكرة يا استاذ / هاني انا حطيت نفس الزيت ده لاني غيرت زيت خارج التوكيل فلفيت علي كذا محل في مرسي علم وبيسموه شل هيليكس وهو 3000 مش 5000 علي حسب كلام كذا محل تغيير زيوت لاني قلتلهم انه 5000 زي ما التوكيل قال لي لكنهم اكدوا لي انه 3000 فقط فيا ريت حد يتاكد لنا من المعلومة ده