هل النيو اكسنت والجيتز في مصر نازلين بكامل مواصفتهم العالميه

[Eng_yahia_ali]

ياريت حد يقولي هل النيو اكسنت والجيتز في مصر نازلين بكامل مواصفتهم العالميه

يعني فيهم ايرباج ونظام فرامل ABS وفانوس الشابره
والكماليات كلها زي ما مموقع هيونداى مقدمهاااااا
انا محتار بنهم ياريت تنصحوني :k30:

[tarekkasaby]

للاسف لأ
انت لو شوفت البروشورات بتاعتهم هاتتعقد

[3alo2ah]

بجد العربيات بتنزل عندنا غير كل الدول وانا نفسى اعرف السبب بس يلا الحمد الله بس هما عربيتين ممتازين وعيبهم الوحيد الوكيل مستر غبور

[Eng_yahia_ali]

شكرا ليكم بس محدش نصحني اجيب انهي فيهم

[ahmedabdelhamid]

هات النيو اكسنت احسن هى اكبر وكمان فيها شنطة

[SAMEHNOSHI]

انا معايا الجتز و هى كويسة بس مع ذلك انصحك بالنيو اكسنت

[Eng_yahia_ali]

شكرا لمسعدتكم اغلب الاعضاء بينصحونى بالنيو اكسنت
وانا كمان مقتنع بيهااا
بس بصراحه مش قادر اقبل شكلها حاسس انها مكعبره هي مش وحشه بس اغلب العربيات التانيه ايلي في نفس الرينج بتعهاا شكلها احلا منها بمراحل زي البيرسونا والجين 2 والريو والجيتز مع انى حاسس ان هيا احسنهم من حيث الاداء

[tarekkasaby]

شكرا لمسعدتكم اغلب الاعضاء بينصحونى بالنيو اكسنت
وانا كمان مقتنع بيهااا
بس بصراحه مش قادر اقبل شكلها حاسس انها مكعبره هي مش وحشه بس اغلب العربيات التانيه ايلي في نفس الرينج بتعهاا شكلها احلا منها بمراحل زي البيرسونا والجين 2 والريو والجيتز مع انى حاسس ان هيا احسنهم من حيث الاداء

النيو افضلهم من ناحية الموتور كتكنولوجيا و اداء و هوه نفس الموتور اللى راكب فى السيراتو يمكن شكلها مش مميز قوى بس عموما استخير واركبهم كلهم و شوف اللى يناسبك
بالنسبه للجيتز هيا عربيه حلوه بس لو حضرتك معاك اسره و مش هاتبقى مناسبه قوى علشان موضوع الشنطه

[M.Osman]

لأ

و زي ما قلت قبل كدا ... الأكسنت بتنزل السوق الخليجى ( اللى هى هناك تعتبر ولا حاجة ) بــAIRBAGS و ABS كــstandard ...يعنى مش ككمالية زي هنا ...

غير كدا كمان . اعلى فئة فى الأكسنت هنا مفيش فيها لا ABS ولا airbags ...
و سلملى على الفلوس اللى بندفعها فى الجمارك و على غبور

[MEMES]

الجيتز احلى عربيه فى مصر بجد بس مش واخده حقها
ولو تحبوا تشوفوا الجيتز بره بتنزل ازاى فى UK مثلا ممكن تشوفو هنا.

http://www.youtube.com/watch?v=u_wOXj3IiT4

مستنى رأيكم

[Eng_yahia_ali]

انا معاك ان الجيتز جميله واحلا من النيو اكسنت شكلا
بس صعب اعتمد على الجمال بس عشان اشتري عربيه ده غير ان تابلوه الاكسنت جميل زي الجيتز

[ezzatfox]

الاتنين كويسين بس النيو اكسنت احسن و بالنسبة لشكلها بتبقى حلوة اوى فى الالوان الغامقة و اختيار اللون بيفرق فى شكلها جامد